Hebreo 10:10 - Tachi Ak'õre Pedea

¹⁰ Tachi Ak'õrepa k'ɨ̃ria bɨt'a Jesucristopa ãarea oosima. Ara ichi itu peapisima. Bari k'ak'o aba mãɨya oodapa tachi ewaricha Tachi Ak'õre pae pia bɨsima.

Hebreo 10:10 Referans Kwoze

Hebreo 10:14

Cristopa barimama ara ichi itu peapisidepa chi Tachi Ak'õre pae awara bɨdaɨrã jĩp'a bɨsima, mãɨya ewaricha p'ananamẽrá.

Hebreo 10:12

Maamina Jesucristopa ara ichi itu barimama peapisima, ewaricha nemietá ãyá bɨi k'orea. Maapae Tachi Ak'õre juaraari suak'abari beesima.

1 Corintio 6:11

Naena, mãranepema chi está mãɨya p'anapachidama. Maamina mãrapa nemietá oodada Tachi Ak'õrepa sɨɨsima, ichi pae pia bɨsima mãɨnepa nepɨra newẽa bɨade asima Tachi Chipari Jesucristodepa mãɨnepa ichi Jaoredepa.

Hebreo 7:27

Ichia ook'ama waapẽarã p'aare minachia k'awa p'anɨrãpa ewaricha oopata jĩra. Mãɨ p'aarerãpa ara ãchia nemietá oodada k'orea naa Tachi Ak'õrea ãnimara paateapatama. Maapaepuru waapẽarã ãnimara paateapatama ẽpẽrarãpa nemietá oodada k'orea. Maamina Jesupa ãnimara paatearu jĩra ara ichi itu peapisima ẽpẽrarãpa nemietá oopataɨ k'orea. Bari k'ak'o aba mãɨya oodapa nemietá ãarea sɨɨsima.

Juan 17:19

Ãchi k'orea ara mɨ pɨ pae awara beeruma, ãchi sida pɨ pae awara p'ananamẽrá pɨ piarãt'a k'awa p'anɨnepa.

Hebreo 13:12

Ara mãɨ jĩra Jesú p'uuru awara minachia mĩasima ichi oapa ẽpẽerã Tachi Ak'õre pae pia bɨi k'orea.

1 Corintio 1:30

Mãawẽa Tachi Ak'õrepa mãra Jesucristo ome ará bɨsima. Mãɨya Cristodepa Tachi Ak'õrepa ichi k'ɨ̃risia tachiá k'awapisima. Ichia tachi jĩp'a bɨsima, ara ichi pae pia bɨsima, mãɨnepa nemietaadepema k'aripasima.

Hebreo 9:28

Ara mãɨ jĩra Cristopa bari k'ak'o aba ara ichi itu peapisima chok'araɨrãpa nemietá oodada ãyá bɨi k'orea. Ichi mãicha cheipɨ, maamina mãɨne cheiwẽma tachia nemietá oopataɨt'a ãyá bɨi k'orea. Mãɨpari cheipɨ ichi nɨ p'anɨrã k'aripai k'orea.

Hebreo 9:12

Mãma Cristo «Tachi Ak'õre pae k'ɨda jẽesa chi atepe piipará bɨde» barimama eda wãsima. Mãmá wãside chivo mãɨnepa p'ak'a warra oa Tachi Ak'õre k'ĩrari jĩp'oi k'orea ateewãé pasima. Mãɨpari ara ichi oa ateewãsima. Bari k'ak'o aba mãɨya oodapa tachi k'aripasima ewaricha nepɨrawẽa p'ananamẽrá.

1 Pedro 2:24

Cristopa tachi nemietá ichi ɨ̃rɨ k'urusude ateewãsima tachi nemietaadepema piudak'ari jĩp'a p'ananamẽrá. Ichi k'ak'ua p'uak'oa p'anasidaɨdepa mãra jɨpa p'aneesidama.

Hebreo 10:20

Mãɨ k'ɨda jẽesa p'aru eatɨa jira bɨ k'õaru jĩra Jesú piusidepa o chiwidi jarisima, chi Tachi Ak'õre orrobariutat'a chok'ae p'ananamẽrá.

Hebreo 9:26

Mãɨya badapara nãɨ ĩjũa oosidaedapema Cristo bari k'ak'o minachia piui bai pasima. Maamina nãɨ k'aadeapema ewaride ara ichi itu peapisima. Bari k'ak'o aba mãɨya oodapa tachia nemietá oodada ãarea ãyá bɨsima.

Hebreo 2:14

Mãɨ warrarã k'ak'ua pará mãɨnepa oa pará ooda pẽra Jesú sida abarik'a basima ichi piudadepa tiore p'uei k'orea. Mãɨ tiorepa tachi piudai p'anɨ ichi juade uru bɨma.

1 Juan 5:6

Mãɨ Jesucristo, chi nãɨ ĩjũanea chek'ari paniane porochoadapɨ mãɨnepa ichi oa k'urusude ãrinapɨ. Nãɨ ĩjũanea chek'ari abapuru paniane porochoaé pasima, mãɨpari ichi oa sida k'urusude ãrisima. Tachi Ak'õre Jaorepa k'awapi bɨma mãɨ piarãt'a, ichia chi piarã pedea k'awapipari pẽra.

Juan 19:34

Mãɨya bɨde aba papaká bɨpa Jesú orrode miasupa susima piarã piusi k'awai k'orea. Ara mãɨne oa mãɨnepa pania chesima.

Hebreo 2:11

Jesupa ẽpẽerã Tachi Ak'õre pae pia bɨparima. Ichia, mãɨnepa mãɨ ẽpẽerã pida ãchi Ak'õre ara aba bɨt'a uru p'anɨma. Mãɨ k'orea Jesú p'erak'ama ãchi ichi ũpẽarãane ai k'orea.

Hebreo 10:5

Mãɨ k'orea Cristo nãɨ ĩjũanea cheside ichia Tachi Ak'õrea nãɨya jarasima: «Pɨa ãnimara paateadait'a mãɨnepa ne teadait'a mãɨya k'ɨ̃riawẽma. Maamina pɨa mɨá tachi k'ak'ua teasima mãɨ teamẽrá.

Juan 6:51

Mɨ chi p'ana chok'ae bapiparí p'anapɨ, chi mãɨ p'ana ɨt'aripa chedapɨ. Parituapa mãɨ p'ana k'oipɨra ewaricha chok'ae baipɨ. Chi mɨa tea bɨ p'ana mɨ k'ak'uapɨ. Mɨa mɨ k'ak'ua teaipɨ, mãɨpa ẽpẽerã chok'ae p'ananamẽrá.

Ep'esio 5:2

Jõmãɨrã k'ɨ̃riat'ɨ Cristopa tachi k'ɨ̃ria bɨ unupida jĩra. K'ɨ̃rianepa tachi k'orea ara ichi itu peapisima Tachi Ak'õrea ãnimara paatearu jĩra. Tachi Ak'õrepa mãɨ pia unusima.

Ep'esio 5:26

Ichia mãɨya oosima tachi Tachi Ak'õre pae pia bɨi k'orea. Ichi pedeapa tachi nemietá sɨɨsima paniapa sɨɨda jĩra.

Hebreo 5:7

Cristo nãɨ k'ak'uade baside ɨbɨa jẽa bɨpa Tachi Ak'õrea jĩk'ua chichupuria idisima, ichi piui bɨdepema p'ue k'aripai bada pẽra. Mãɨne chi Tachi Ak'õrepa k'ɨ̃ria bɨ jĩra ooyade ada pẽra, Tachi Ak'õrepa ichi pedea ũrisima.

Hebreo 9:14

Mãɨyapɨra, ¿Cristo oapa tachi atepe piipará bɨwẽk'ãra? Cristo nemietá newẽa basima. Tachi Ak'õre Jaore piuk'apɨɨpa k'aripada pẽra ara ichi itu peapisima ãnimara Tachi Ak'õrea paatearu jĩra. Nemietá oo p'anɨ k'orea tachi piudai p'anasidama. Maamina Cristopa ara ichi itu peapida pẽra tachia nemietá oodada Tachi Ak'õrepa k'ɨ̃risia atuak'ari tachi k'ɨ̃risia jĩp'a bɨsima. Mãɨya chi Tachi Ak'õre chok'ae bɨpa k'ɨ̃ria bɨt'a tachia mãɨ p'ue oodaipɨ.

Hebreo 10:29

Mãɨpa ¿sãmaasã́ k'ɨ̃risia p'anɨma? ¿Tachi Ak'õrepa chi ichi Warra itu bɨpataɨ atepe ɨtɨaiwẽk'ãra? Tachi Ak'õrepa ichi Warra oadepa pedea chiwidi ausima tachi ichi pae pia bɨi k'orea. Mãɨyara chi Tachi Ak'õre Warra oa ãrina piawẽa bɨade apataɨrã ¿ichia atepe ɨtɨaiwẽk'ãra? Mãɨ awara Tachi Ak'õre Jaorepa ichi sõpiadepa tachi k'aripa bɨma. Mãɨyara chi Tachi Ak'õre Jaore k'orea mietá bɨade apataɨrã ¿ichia atepe ɨtɨaiwẽk'ãra?

1 Pedro 3:18

Cristo jĩp'a bɨmina nemietá k'orea bari k'ak'o aba mĩasima. Mãɨpa tachi chi jĩp'a bewẽ Tachi Ak'õre ome pia bɨsima. Ichi nãɨ k'ak'ua piusima, maamina Tachi Ak'õre Jaoredepa chok'ae p'irabarisima.