Hebreo 1:3 - Tachi Ak'õre Pedea

³ Ichi Warrapa Tachi Ak'õre k'ĩrawãrea achiterrea unupiparima. Ichiapuru Tachi Ak'õre sãmaasã́ bɨt'a k'awapiparima. Ichi pedea jua chaarea bɨdepa ne ãarea ooda ichi juade ara mãɨya uru bɨma. Ichia tachi nemietá oodada sɨɨk'ari Tachi Ak'õre chi auk'ará bɨ juaraari pajãne suak'abari beesima.

Hebreo 1:3 Referans Kwoze

Apocalipsi 4:11

Tachi Chipari, Tachi Ak'õre, pɨ pia bɨma jõmãɨrãpa minachia pia bɨade adamẽrá, pɨ wap'eadamẽrá mãɨnepa ãarea p'ue ooyade adamẽrá. Pɨa nejõma ooda pẽra pia bɨma jõmãɨrãpa mãɨya jaradaipɨ. Piarã pɨa k'ɨ̃riana pẽra nejõma oosima mãɨnepa nejõma pɨdepa bɨma.

Juan 1:14

Chi Pedea apataɨ ẽpẽra k'ak'uade t'õk'ari tachi t'ãena bapachima. Ichi sõpiadepa tachi minachia k'aripasima. Ichia tachiá pia k'awapisima Tachi Ak'õre piarã sãmaasã́ bɨt'a. Mãɨne taipa ichi ãarea pia bɨt'a unusidama, Tachi Ak'õre Warrat'u mãɨya bɨ pẽra.

2 Corintio 4:4

Tachi Ak'õrene ĩjãanak'apɨɨrãmá chi mãɨ pia ũrinak'ama. Nãɨ ĩjũane tiore ãchi chiparipɨ. Ãchirã́ chi piarã pedea pia Cristo k'orea itu k'awapiwẽa bɨma tau p'ãrio oo bɨ jĩra. Mãɨya ãchia Cristo pia bɨ k'orea p'ue k'awadaiwẽma. Cristo Tachi Ak'õre pẽra mãɨya pia bɨma.

Hebreo 12:2

Jesude pia k'ɨ̃risiadai p'anɨma. Ichia k'aripasima tachia naa ĩjãanamẽrá mãɨnepa k'aripaparima ewaricha ĩjãa p'ananamẽrá. K'ɨ̃risiat'ɨ sãmaasã́ ichi k'urusude minachia mĩasit'a. Mãɨ k'orea p'erai badamina p'eraé pasima. Ichia k'awasima mãɨya nak'ari minachia arapá bait'a. Idiapae Tachi Ak'õre suak'a beeparí pia bɨ juaraari suak'abari bɨma.

Juan 1:4

Chi pedea apataɨpa ne ãarea chok'ae bapipachima. Ɨnaa bɨ jĩra basima, ẽpẽerã́ ichi k'orea k'awapi bɨ pẽra.

Hebreo 10:12

Maamina Jesucristopa ara ichi itu barimama peapisima, ewaricha nemietá ãyá bɨi k'orea. Maapae Tachi Ak'õre juaraari suak'abari beesima.

Juda 1:25

Tachi Ak'õre abapuru bɨma. Ichi Tachi K'aripaparipɨ. Ichit'a chi atepe bɨma, mãɨnepa ne ãarea p'ue ooi bɨma. Naenaenapema mãɨya nima, idiapae pida mãɨya bɨma, mãɨnepa ewaricha mãɨya baipɨ. Tachi Chipari Jesucristodepa ichiaapuru pia pedeadai p'anɨma. Mãɨya beese.

Hebreo 9:26

Mãɨya badapara nãɨ ĩjũa oosidaedapema Cristo bari k'ak'o minachia piui bai pasima. Maamina nãɨ k'aadeapema ewaride ara ichi itu peapisima. Bari k'ak'o aba mãɨya oodapa tachia nemietá oodada ãarea ãyá bɨsima.

1 Juan 1:7

Maamina ichi ɨnaane bɨ jĩra tachi ɨnaane nipadaipɨra, tachi ũpẽarã ome ará pia p'ananaipɨ. Mãɨnepa ichi Warra Jesucristo oa ãrinapa tachi nemietá ãarea sɨɨparima.

Hebreo 4:14

Tachi Ak'õre Warra Jesú, tachi P'aare minachia k'awa bɨ pajãnea wãsima. Ichide ĩjãa p'anɨane a p'anɨ pẽra, piarã ĩjãa p'ananai p'anɨma.

1 Juan 3:5

Maamina mãrapa k'awa p'anɨma Jesucristo nãɨ ĩjũanea chesit'a tachi nemietá ãyá bɨi k'orea. Ichi mi ãpia pida nemietá newẽma.

2 Pedro 1:16

Tachi Chipari Jesucristo jua chaarea k'orea mãɨnepa ichi mãicha chei k'orea taipa mãrá jarateasidaɨde ara tachi k'ɨ̃risiadepa jaradada jarateadaé pasima. Mãɨpari Tachi Chipari Jesú k'ĩrawãrea achiterrea ununana pẽra mãɨya jarateasidama.

1 Pedro 3:22

Mãɨ Jesucristo chok'ae p'irabarik'ari, pajãnea wãk'ari Tachi Ak'õre juaraari bɨma. Jõma Tachi Ak'õrepa ɨt'aripa peedarã, jõma jaore mietaarã chi atepe k'awa p'anɨrã, chi jua chaarea berã sida ichi juade uru bɨma.

1 Pedro 1:21

Cristodepa mãrapa Tachi Ak'õrene ĩjãa p'anɨma. Tachi Ak'õrepa ichi piu bada chok'ae p'irabaripik'ari atepe bɨsima. Mãɨpuru mãrapa Tachi Ak'õrene piarã ĩjãa p'anɨma mãɨnepa nɨ p'anɨma Ichia jarada ãarea oomẽrá.

Hebreo 8:1

Chi k'ɨ̃risia taipa minachia jara p'anɨt'a nãɨpɨ: tachi P'aare minachia k'awa bɨ pajãne Tachi Ak'õre suak'a beeparí auk'ará bɨde juaraari suak'abari bɨma,

Marco 16:19

Mãɨya jarak'ari Tachi Ak'õrepa Tachi Chipari Jesú ɨt'aa pajãnea ateewãsima. Mãma ichi juaraari suak'abari beesima.

Apocalipsi 3:21

Mɨa nemietá p'ueda pẽra mɨ Ak'õre ome ichi suak'a beeparí auk'ará bɨde suak'abari beesima. Ara mãɨ jĩra nemietá p'uedaadarã mɨ suak'a beeparí auk'ará bɨde mɨ ome suak'abari beepiipɨ.

Hebreo 7:27

Ichia ook'ama waapẽarã p'aare minachia k'awa p'anɨrãpa ewaricha oopata jĩra. Mãɨ p'aarerãpa ara ãchia nemietá oodada k'orea naa Tachi Ak'õrea ãnimara paateapatama. Maapaepuru waapẽarã ãnimara paateapatama ẽpẽrarãpa nemietá oodada k'orea. Maamina Jesupa ãnimara paatearu jĩra ara ichi itu peapisima ẽpẽrarãpa nemietá oopataɨ k'orea. Bari k'ak'o aba mãɨya oodapa nemietá ãarea sɨɨsima.

Hecho 2:33

Tachi Ak'õrepa ichi juaraari Jesú chi atepe bɨ bɨsima. Maapae ichi Jaore teai jarada Jesua teasima, ichiaba ichidirã́ teamẽrá. Jesupa mãɨ Jaore piarã taiyá teasima. Chi mãrapa unu p'anɨt'a mãɨnepa ũri p'anɨt'a ichi Jaorepa mãɨya oopi bɨma.

Juan 1:29

Mãɨ norema Juanpa Jesú ichimá cheru unuk'ari, ya jarasima: «¡Ak'ɨt'ɨ! Jãɨt'a Tachi Ak'õre oveja chak'epɨ. Ichidepa Tachi Ak'õrepa nãɨ ĩjũanepemarãpa nemietá oopataɨ k'ɨ̃risia atuaipɨ.

Colosense 3:1

Mãra Cristo ome chok'ae p'irabaridada pẽra ne ɨt'aripema jɨrɨ p'anat'ɨ. Mãma Cristo Tachi Ak'õre juaraari suak'abari bɨma.

Romano 8:34

¿K'aipa tachi nepɨra pará p'anɨane aima? Abaɨ pida mãɨya jaraiwẽma Jesucristo tachi k'orea piuda pẽra. Ichi piu bada chok'ae p'irabarisima. Naapae Tachi Ak'õre juaraari bɨma. Mãma tachi k'orea Tachi Ak'õrea chichupuria idi bɨma.

Hecho 7:56

Nãɨya jarasima: —¡Ak'ɨt'ɨ! ¡Mɨa pajã ewa nɨbɨt'a unu bɨma! ¡Chi Ẽpẽra Warra Tachi Ak'õre juaraari bɨt'a unu bɨma!

Romano 1:16

Mɨ p'erak'ama chi pedea pia Jesú k'orea jarateai k'orea, chi mãɨ pedea ĩjãauta Tachi Ak'õrepa ichi jua chaareadepa jõma k'aripapari pẽra; naa judiorã mãɨnepa judiorãwẽ sida.

Hebreo 9:16

Nãɨ jĩra bɨma: ẽpẽrapa k'art'ade bɨparima ichi piuk'ari k'aipa ichia uru bɨdepema jitai bɨt'a. Maamina chi jitai bɨpa mãɨ ẽpẽra piarã piusit'a mãɨ k'awapiepɨra, ne p'ue jitaiwẽma.

Mateo 22:24

—Jarateaparí, Moisepa tachi pae bɨsima ẽpẽra warra newẽa bɨ piusira, ichi ũpẽapa chi p'ẽtã́ atai pia bɨma chi ũpẽa piuda k'orea warra unui k'orea.

Tito 2:14

Tachi k'orea Jesucristopa ara ichi itu peapisima ãarea nemietaadepema k'aripai k'orea. Tachi ara ichi pae pia bɨsima ichi p'uurude p'ananamẽrá mãɨnepa nejõma pia oo k'ɨ̃ria p'ananamẽrá.

Hebreo 1:13

Tachi Ak'õrepa mi ãpia pida Ichia ɨt'aripa peedá jaraé pasima: «Mɨ juaraari suak'abari beese aba mɨa pɨchi nek'ĩramá pɨchi juade bɨrudea».

2 Pedro 1:17

Tachi Pajãnepema Ak'õrepa ichi k'orea pia jaraside mãɨnepa chi atepe unupiside tai mãma p'anasidama. Mãɨne Tachi Ak'õre chi atepe minachia k'ĩrawãrea bɨpa nãɨya jarasima: «Nãɨt'a mɨ Warrapɨ. Mɨa ichi minachia k'ɨ̃ria bɨma. Mɨ ichi k'orea arapá bɨma».