Hebreo 1:2 - Tachi Ak'õre Pedea

² Maamina nãɨ k'aadeapema ewaride ichi Warradepa tachiá pedeasima. Ichi Warradepa Tachi Ak'õrepa ne ãarea oosima mãɨnepa ichi bɨsima ne ãarea uru bamẽrá.

Hebreo 1:2 Referans Kwoze

1 Corintio 8:6

Maamina tachimá, Tachi Ak'õre abapuru bɨpɨ. Ichi tachi Pajãnepema Ak'õrepɨ. Ichiapuru nejõma oosima. Tachi ichi pae chok'ae p'anɨma. Mãɨnepa Tachi Chipari Jesucristo abapuru bɨma. Ichidepa Tachi Ak'õrepa nejõma oosima. Ichidepa tachi chok'ae p'anɨma.

Juan 1:3

Ichidepa Tachi Ak'õrepa ne ãarea oosima. Ichiwẽa, Tachi Ak'õrepa mi ãpia pida ne ooé pasima.

Juan 1:14

Chi Pedea apataɨ ẽpẽra k'ak'uade t'õk'ari tachi t'ãena bapachima. Ichi sõpiadepa tachi minachia k'aripasima. Ichia tachiá pia k'awapisima Tachi Ak'õre piarã sãmaasã́ bɨt'a. Mãɨne taipa ichi ãarea pia bɨt'a unusidama, Tachi Ak'õre Warrat'u mãɨya bɨ pẽra.

1 Pedro 1:20

Nãɨ ĩjũa ooi naena Tachi Ak'õrepa Cristo jɨrɨ atak'ari nãɨ k'aadeapema ewaride peesima mãra pia p'ananamẽrá.

Mateo 28:18

Mãɨne Jesú ãchi k'ait'a chek'ari jarasima: —Tachi Ak'õrepa mɨá jua chaarea teasima pajãne mãɨnepa nãɨ ĩjũane ne ãarea mɨ juade uru bamẽrá.

Juan 13:3

Jesupa k'awa basima ichi Ak'õrepa ne ãarea ichi juade bɨsit'a, mãɨnepa k'awa basima ichi Tachi Ak'õremãɨpa chek'ari mãicha ichimá wãit'a.

Mateo 17:5

Pedro mãɨya pedeamaa bɨde jɨ̃ara ɨnaa bɨpa ãchi ãarea t'ausima. Jɨ̃ara mãɨya cheside nãɨ pedea jĩk'ua ũrisidama: «Nãɨt'a mɨ Warrapɨ. Mɨa ichi minachia k'ɨ̃ria bɨma. Mɨ ichi k'orea arapá bɨma. Ichia jara bɨ ũrit'ɨ».

Hebreo 11:3

Tachia Tachi Ak'õrene ĩjãa p'anɨ pẽra, k'awa p'anɨma Tachi Ak'õre pedeadepa nãɨ ĩjũa mãɨnepa pajã ãarea oosit'a. Mãɨya chi tachia ununak'aɨdepa ichia chi ne ãarea tachia unupataɨ oosima.

Romano 8:17

Ichi warrarã pẽra Cristo ome ichia uru bɨdepema jitadaipɨ. Tachi piarã Cristo minachia mĩana jĩra minachia mĩa p'ananaipɨra, Tachi Ak'õrepa Cristo ome ará minachia pia bɨipɨ.

Juan 3:16

»Tachi Ak'õrepa ẽpẽerã minachia k'ɨ̃ria bɨ pẽra ichi Warra aba bɨt'a nãɨ ĩjũanea peesima jõma ichide ĩjãauta atuapidaemaapa, mãɨpari ichi ome ewaricha chok'ae p'ananamẽrá.

Mateo 26:63

Maamina Jesú k'ĩup'ea beesima. Mãɨya bɨde p'aare minachia k'awa bɨpa ichiá jarasima: —Tachi Ak'õre chok'ae bɨ k'ĩrari taiyá piarã jarase. ¿Pɨ Tachi Ak'õrepa Tachi K'aripaparí teai jara badak'ãra? ¿Pɨ Tachi Ak'õre Warrak'ãra?

Mateo 21:38

Maamina ãchia mãɨ warra unusidaɨde ara ãchi tuaba pedea para beesima: “Jãɨpa chi ak'õre piuk'ari, ichia ne uru bada ãarea jɨ̃aipɨ. ¡Mãɨpuru ichi peadaipɨ! Mãɨya nãɨ ĩjũa tachi pae beeipɨ”.

Hebreo 5:8

Cristo Tachi Ak'õre Warramina ichi minachia mĩa bɨdepa ichi Ak'õre pedea sãmaasã́ ũriit'a k'awasima.

Ep'esio 1:10

ichia bɨda ewaride nãɨya ãarea ooipɨ: mãɨ ewaride ne ãarea pajãnepema mãɨnepa nãɨ ĩjũanepema Cristo juade bɨipɨ.

Hebreo 7:3

Melkisedé ak'õre, chi nae mãɨnepa ichi chõarãenapemarã k'orea Tachi Ak'õre pedeade bɨ bɨwẽma. Ichiaba ichi t'õna k'orea mãɨnepa piuda k'orea bɨ bɨwẽma. Mãɨya ichi Tachi Ak'õre Warra jĩra ewaricha p'aarepɨ.

Hebreo 2:3

Ara mãɨ jĩra chi Tachi Ak'õrepa tachi minachia k'aripaidepema tachia itu bɨdaipɨra, ¿Ichia ɨtɨaidepema sãmaasã́ tachi mĩrunaima? Mãɨ pedea Tachi Chipari Jesupa naa jarateasima. Chi ũrinaanapa tachiá mãɨ piarãane asidama.

Hebreo 1:5

Chi ichia ɨt'aripa peeda abaɨa nãɨya jaraé pasima: «Pɨ mɨ Warrapɨ. Idi pɨ mɨ Warraade aruma». Mãɨnepa ãchi k'orea nãɨya jaraé pasima: «Mɨ ichi ak'õre paipɨ, mãɨnepa ichi mɨ warra paipɨ».

Ep'esio 3:9

Tachi Ak'õre chi nejõma oodapa mɨ bɨsima jõmãɨrã́ k'awapimẽrá sãmaasã́ oosit'a ichia jua chiwidieda ooi k'ɨ̃risia bada. Mãɨ ooi k'ɨ̃risia bada naena k'awapiwẽa basima.

Gálata 4:4

Maamina Tachi Ak'õrepa jarada ewari paside ichi Warra nãɨ ĩjũanea peesima. Mãɨ Warra wẽrapa t'õsima, ichiaba Moisepa bɨda ooi basima.

Hecho 10:36

Tachi Ak'õrepa chi pedea pia Jesucristo k'orea pedea peesima Israeldepemarã́, Tachi Ak'õre ome pia p'ananamẽrá. Mãɨ Jesucristo ãareaɨrã Chiparipɨ.

Juan 15:15

Mɨa mãra waa mɨ pae pari mimiapataɨrãane awẽma. Chi chipari pae pari mimiaparipa ichi chiparipa ooi k'ɨ̃risia bɨ atua bɨma. Naapae mãra mɨ chi k'õp'ãerorãpɨ. Mɨa mãrá k'awapisima ne ãarea mɨ Ak'õrenepa ũrinat'a.

Juda 1:18

Mãrá nãɨya jarasidama: «K'aadeapema ewaride ẽpẽerã Tachi Ak'õre oo uru p'anapataɨrã pará p'ananaipɨ. Tachi Ak'õre k'ɨ̃rianak'a pẽra ãchi k'ak'uapa oo k'ɨ̃ria bɨt'a oo p'ananaipɨ».

Hecho 2:17

“Tachi Ak'õrepa nãɨya jara bɨma: K'aadeapema ewaride mɨ Jaore ãarea ẽpẽerã́ teaipɨ. Mãɨya mãra warrarã mãɨnepa mãra k'aurã mɨnepa pedeadaipɨ. Mɨa k'ũtãrã́ k'ãmok'araa jĩra ne unupiipɨ. Chõarã́ pida k'ãmok'araade ne unupiipɨ.

Juan 17:2

Pɨa ẽpẽerã ãarea mɨ juade bɨsima, mɨa ãchi ewaricha chok'ae bapimẽrá.

Juan 16:15

Jõma mɨ Ak'õrené, ichiaba mõrepɨ. Mãɨ k'orea mɨa jarasima Tachi Ak'õre Jaorepa mɨ pedea ũrik'ari mãrá jarateait'a.

Marco 12:6

»Chi chiparipa mãicha ẽpẽra aba uru basima; mãɨ ichi warra minachia k'ɨ̃ria bɨ pasima. “Mɨ warra wap'eadai p'anɨék'ãra” a k'ɨ̃risiak'ari, mãɨ peesima.

Marco 1:1

Nãɨ chi pedea pia Tachi Ak'õre Warra Jesucristo k'orea bɨdapɨ. Naena chi Tachi Ak'õre pari pedeaparí Isaíapa nãɨya bɨsima: «Chi mɨ pari pedeaparí pɨ naa peeipɨ, pɨ pae o jarimẽrá.

2 Pedro 3:3

Nãɨ minachia k'awat'ɨ: k'aadeapema ewaride Tachi Ak'õre oo p'aneenak'ari ee p'anapataɨrã paraɨpɨ. Ãchi k'ak'uapa nemietá oo k'ɨ̃ria bɨ oo p'ananaipɨ.

Hebreo 1:8

Maamina ichi Warra k'oreapuru Tachi Ak'õrepa nãɨya jarasima: «Tachi Ak'õre, pɨ ewaricha ne ãareaɨrã chiparipɨ. Pɨ p'uuru jĩp'a bapiparima.

Hebreo 9:26

Mãɨya badapara nãɨ ĩjũa oosidaedapema Cristo bari k'ak'o minachia piui bai pasima. Maamina nãɨ k'aadeapema ewaride ara ichi itu peapisima. Bari k'ak'o aba mãɨya oodapa tachia nemietá oodada ãarea ãyá bɨsima.

Juan 3:25

Mãɨ ewaride waapẽarã Juan ome p'ɨrrɨapataɨrã judio aba bɨ ome k'ĩruu pedeasidama, ne sɨɨdak'ari, ya mãɨ k'orea Tachi Ak'õrepa ãchi pia unumẽrá.

Mateo 3:17

Mãɨ awara Tachi Ak'õre pajãnepa edá pedearu ũrisidama. Nãɨya jarasima: «Nãɨt'a mɨ Warra chi k'ɨ̃ria bɨpɨ. Mɨ ichi k'orea minachia sõ arapá bɨma».

Mateo 13:39

Chi nek'ĩramá, mãɨpa ne uu mietá uuda jara k'ɨ̃ria bɨma tiore mietapɨ. Chi ne uu ĩjũa chaudai ewari jara k'ɨ̃ria bɨma nãɨ jõi ewari. Chi ne uu ĩjũa chauparí ewari mimiapataɨrã jara k'ɨ̃ria bɨma Tachi Ak'õrepa ɨt'aripa peedarã.

Marco 12:7

Maamina chi ne uu ĩjũa mimiapataɨrãpa chi mãɨ warra unusidaɨde ãchi tuaba jarasidama: “Jãɨpa chi ak'õre piuk'ari, ichia ne uru bada ãarea jɨ̃aipɨ. ¡Mãɨpuru ichi peadaipɨ! Mãɨya chi ĩjũa tachidí paipɨ”.

Juan 1:10

Mãɨ ɨnaa bɨ ĩjũane basima. Tachi Ak'õrepa ichidepa nãɨ ĩjũa oodamina nãɨ ĩjũanepemarãpa ichi k'awadaé pasima.

Juan 5:26

Mɨ Ak'õrepa chok'ae bapipari jĩra, mɨa ara mãɨya chok'ae bapiparima ichia mãɨya bɨda pẽra.

Juan 5:27

Mãɨ awara mɨ bɨsima ãareaɨrã ɨtɨamẽrá, mɨ Ẽpẽra Warra pẽra.

Juan 9:29

Taipa k'awa p'anɨma Tachi Ak'õrepa Moisea pedeasit'a, maamina jãɨ ẽpẽra sãmapemat'a atua p'anɨma.

1 Corintio 2:7

Taipa chi Tachi Ak'õre k'ɨ̃risia naena k'awapiwẽa bada jaratea p'anɨma. Nãɨ ĩjũa ooi naena Tachi Ak'õrepa mãɨ k'ɨ̃risiadepa ne ooi bɨsima tachi ichi ome ará pia p'ananamẽrá.

Hebreo 3:6

Maamina Tachi Ak'õre warra Cristo ichi ẽpẽrarã chiparipɨ. Ãchi ome jõma arí oo bɨma. Tachia Cristode ĩjãa p'ananaipɨra mãɨnepa ichidepa ne jitadai k'orea arapá nɨ p'ananaipɨra, Tachi Ak'õreneerãpɨ.

Hebreo 4:14

Tachi Ak'õre Warra Jesú, tachi P'aare minachia k'awa bɨ pajãnea wãsima. Ichide ĩjãa p'anɨane a p'anɨ pẽra, piarã ĩjãa p'ananai p'anɨma.

Hebreo 7:28

Moisepa bɨdapa ẽpẽrarã ne ãareaɨne jĩp'awẽa be bɨparima p'aare minachia k'awa p'anɨrã p'ananamẽrá. Maamina mãɨ Moisepa bɨ bada teak'ari, Tachi Ak'õrepa piarãpẽa jarasima ichi Warra ewaricha P'aare minachia k'awa bɨ bayade asima. Mãɨya ichi Warra bɨsima chi tachi pae p'aare arí bɨ beemẽrá.

Juan 13:32

Mɨ, chi Ẽpẽra Warrapa Tachi Ak'õre chi choma bɨt'a unupiipɨra, Tachi Ak'õrepa mɨ abarik'a chi choma bɨt'a unupiipɨ. Ichia tãaraawẽa bɨde mãɨ unupiipɨ.