Hebreo 1:14 - Tachi Ak'õre Pedea

¹⁴ Mãɨyara ¿Tachi Ak'õrepa ɨt'aripa peedaɨrã k'airãma? Mãɨrã ãarea Tachi Ak'õre pae p'anɨẽra, ãchi peeparima chi ichia k'aripai bɨɨrã mãɨrã ak'ɨ p'ananamẽrá.

Hebreo 1:14 Referans Kwoze

Mateo 18:10

»Warra chak'erã k'ɨ̃rianawẽa p'anarãt'ɨ. Mɨa jararuma: Tachi Ak'õrepa ɨt'aripa peedarã mɨ Ak'õre k'ĩrari p'anɨpa ãchi ak'ɨpatama.

Hecho 27:23

Mɨ Tachi Ak'õrenepɨ. Ichide ĩjãa bɨma. Teamasi chi ichia ɨt'aripa peeda mɨk'á bai nɨbeek'ari,

Hecho 5:19

Maamina ara mãɨ teamasi chi Tachi Chiparipa ɨt'aripa peedapa chi eda wãpataɨ ewak'ari maapae ãchi awara peesima. Maapae jarasima:

Hecho 12:7

Mãɨya bɨde Tachi Chiparipa ɨt'aripa peedapa Pedroa unupisima. Mãɨpa chi jɨ̃a nɨbadamá eda ɨnaa nɨbeepisima. Pedro orromá totomĩak'ari, ɨ̃rɨmapik'ari jarasima: «Ɨbɨa p'irabarise». Mãɨya bɨde chi k'ãnena ichi jua jɨ̃ bada ẽreechoa wãsidama.

Luca 1:19

Chi ɨt'aripa peedapa Zak'aria jarasima: —Mɨ Gabrielpɨ, Tachi Ak'õre pae pari mimiaparipɨ. Ichia mɨ pɨmá peesima mãɨ pedea pia jaramẽrá.

Mateo 1:20

Mãɨya k'ɨ̃risia bɨde Tachi Chiparipa ɨt'aripa peeda k'ãmok'araadepa Josemá chek'ari nãɨya jarasima: «José, Davidepa chedada, María atai wap'earãse, ichi Tachi Ak'õre Jaoredeepuru biak'oapida pẽra.

Luca 16:22

»Mãɨya p'anɨne chichupuria bɨ piusima. Ara mãɨne Tachi Ak'õrepa ɨt'aripa peedaɨrãpa ichi Abrahán bɨmá ateewãsidama. Mãɨya bak'ari chi ɨbɨa bɨ sida piusima. Piuk'ari, maapae ichi t'ɨbarisidama.

Hecho 12:23

Maamina Herodepa Tachi Ak'õrea pia pedeaé pasima. Ara mãɨne chi Tachi Chiparipa ɨt'aripa peedapa ichi k'ɨdade beepisima. Maapae ichi p'ip'it'apa k'ok'ari, piusima.

Luca 2:9

Mãɨya bɨde Tachi Chiparipa ɨt'aripa peedapa ãchiá unupisima. Mãɨne Tachi Ak'õre k'ĩrawãrea achiterrea bɨ ãchik'á minachia ɨnaa jẽrat'ĩusima. Mãɨ k'orea oveja ak'ɨpataɨrã minachia p'erasidama.

Luca 2:13

Ara mãɨne Tachi Ak'õrepa ɨt'aripa peedarã chok'ará unupisima. Jõma ãchia Tachi Ak'õre k'orea nãɨya pia pedeasidama:

Mateo 2:13

Ãchi wãnak'ari, Tachi Chiparipa ɨt'aripa peedapa k'ãmok'araade Josea chek'ari jarasima: —Herodepa pɨ warra chak'e jɨrɨ bɨma peai k'orea. Mãɨ p'irabarik'ari pɨ warra chak'e mãɨnepa chi nae ateewãse Egito tuadea. Mãma beese aba mɨa jararumá.

Tito 3:7

Mãɨya Tachi Ak'õrepa ichi sõpiadepa tachi jĩp'a unu bɨ pẽra ewaricha ichi ome chok'ae p'ananaipɨ. Mãɨ nɨ p'anɨma.

Apocalipsi 5:6

Mãɨne chi suak'a beeparí auk'ará bɨ taade, chi ẽpẽra jĩra k'ĩmari chok'ae p'anɨ mãɨnepa chi chõarã cuatro p'anɨ estarik'a mɨa Oveja Chak'e bai nɨbɨt'a unusima. Ichi chi peasida jĩra basima. K'achu siete uru basima. Mãɨnepa tau siete uru bɨma. Mãɨ tau siete p'anɨpa jara k'ɨ̃ria p'anɨma chi Tachi Ak'õre naa jaore k'ak'o siete p'anɨt'a. Tachi Ak'õrepa ãchi ãarea nãɨ ĩjũane p'ueparima.

1 Pedro 1:12

Maamina Tachi Ak'õrepa k'awapida ãchia pedeadada ãchi paewẽ pasima, mãɨpari mãra paepuru pasima. Ãchia pedeadada naapae chi pedea pia Cristo k'orea jarateapataɨrãpa tachiá pia k'awapi p'anɨma, Tachi Ak'õre Jaore pajãnepa peedadepa. Makɨɨ Tachi Ak'õrepa ɨt'aripa peedarã pida k'awa k'ɨ̃ria p'anɨma.

Mateo 25:34

Maapae mɨ, chi Minachia k'awa bɨpa juaraari p'anɨrã́ nãɨya jaraipɨ: “Mãra, mɨ Ak'õrepa pia beepidaɨrã, chet'ɨ. Ichi p'uurude pia p'anat'ɨ. Nãɨ ĩjũa oosiedapema mãɨ p'uuru mãra pae oo basima.

Juda 1:14

Enopa mãɨ ẽpẽerã k'orea pedeasima. (Mãɨ Adannepa waa Enomá ẽpẽerãnepa chedaadarã bari k'ak'o siete pa p'anasima). Enopa nãɨya jarateasima: «¡Ũrit'ɨ! Tachi Chipari cheruma chi ichidirã minachia p'anɨ paara mãɨrã ãarea ɨtɨai k'orea. Mãɨne ãarea chi ichi k'ɨ̃rianak'apɨɨrã ɨtɨaipɨ, nemietá oodada pẽra ichi k'ɨ̃rianaé pẽra, mãɨnepa ichi k'orea minachia k'achia pedeadada pẽra».

1 Pedro 1:4

ichia tachi pae pajãne uru bɨt'a jõma jitadaipɨ. Mãɨ ãrik'ama, jõk'ama, mãɨnepa nemietaawẽma.

Hebreo 6:17

Ara mãɨ jĩra Tachi Ak'õrepa pia k'awapi k'ɨ̃riasima chi ichia teayade ada pada piarã jitadait'a mãɨnepa ichia k'ɨ̃risia bɨ jĩra piarã ooparit'a. Mãɨpuru ara ichi t'ɨ̃nepa piarã teayade asima.

2 Tesalonicense 1:7

Maamina mãra, chi mĩa berã ɨ̃apaapiipɨ tai ɨ̃apaapii bɨ jĩra. Mãɨyaipɨ Tachi Chipari Jesú ichi ɨt'aripa peedaɨrã jua chaarea berã ome t'ɨpɨ tau urua nɨbɨde pajãnepa cherude. Mãɨne jõma Tachi Ak'õrene ĩjãanak'apɨɨrã mãɨnepa chi pedea pia Tachi Chipari Jesú k'orea ĩjãanak'apɨɨrã ɨtɨaipɨ.

P'ilipense 2:25

Mãrapa ũpẽa Epap'rodito mɨ k'aripamẽrá peesidama. Ichia mɨ ome Tachi Ak'õre pedea jaratea bɨma papaká bɨ chõo bɨ jĩra. Naane mɨa ichi jĩitea wãpiipɨ.

2 Corintio 9:12

Mãrapa erreara teautapa abapuru k'aripawẽma chi ũpẽarã nenea p'anɨpa uru p'ananamẽrá, mãɨpari mãɨ k'orea ãchia Tachi Ak'õrea minachia pia bɨade a p'ananaipɨ.

Romano 15:27

Mãɨ ũpẽarã judiorãwẽpa mãɨ erreara ũpẽarã judiorã pae arapá jɨrɨp'esidama. Piarã mãɨya oodai p'anasidama judiorã́ tee pará p'anɨ jĩra. Judiorãwẽpa nejõma pia Tachi Ak'õre k'orea judiorãnepa jitadada pẽra, ũpẽarã judiorã́ nepia nãɨ ĩjũanepema teadai p'anɨma.

Romano 15:16

judiorãwẽ t'ãena Jesucristo pae pari mimiaparí bamẽrá. Mãɨpuru pedea pia Tachi Ak'õre k'orea ãchiá jaratea bɨma. Ĩjãasidara p'aare judiopa ãnimara paatearu jĩra mɨa ãchi Tachi Ak'õrea tearuma pia unumẽrá. Mãɨne Tachi Ak'õre Jaorepa ãchi Tachi Ak'õre pae pia bɨipɨ.

Romano 13:6

Mãɨ k'orea chi mãrapa erreara teadai p'anɨt'a mãra minachia k'awa berã́ teapatama, ãchi Tachi Ak'õre pae pari mimiapataɨrã jĩra p'anɨ pẽra, mãɨnepa mãɨya mimiapata pẽra.

Hecho 13:2

Ewariaba ũpẽarãpa Tachi Ak'õrene k'ɨ̃risiadayá nek'odak'apɨ́ ewaride oo p'anɨne Tachi Chiparia pia pedea p'anasidama. Mãɨya p'anɨne Tachi Ak'õre Jaorepa ãchiá jarasima: «Bernabé mãɨnepa Saulo mɨa t'ɨ̃sima. Mãɨpuru ãchi awara bɨt'ɨ mɨa oopi bɨt'a oodamẽrá».

Hecho 11:22

Ũpẽarã Jerusalenepemarãpa mãɨ k'awasidaɨde Bernabé Antioquiadea peesidama.

Luca 1:23

Mãɨ Zak'aríapa chi mimiat'a p'aare judiodé jõma ook'ari, ichi tiidá wãsima.

Mateo 24:31

Mãɨne ãnimara k'achu chaarude mɨa Tachi Ak'õrepa ɨt'aripa peedaɨrã tuacha wãpiipɨ Tachi Ak'õrepa jɨrɨ atadaɨrã tausia ará jeredamẽrá.

Mateo 13:41

Mɨ, chi Ẽpẽra Warrapa mɨ Ak'õrepa ɨt'aripa peedarã peeipɨ nemietá oopataɨrã mãɨnepa nemietá oopipataɨrã Mɨ juade ua bɨdepemarã jɨrɨp'ek'oaipɨ.

1 Pedro 3:7

Ɨmɨk'ĩrarã k'ima pará berã, k'ɨ̃risia piadepa mãra k'ima ome pia p'anat'ɨ. Mãra k'ima pia bapii k'ɨ̃ria p'anɨnepa ãchi pia ak'ɨt'ɨ, wẽra ɨmɨk'ĩra k'aepẽra ɨbɨwẽa bɨ pẽra mãɨnepa mãra ome ará p'anɨrã́ Tachi Ak'õrepa, ichi sõpiadepa chok'ae p'ananait'a pari teada pẽra. Mãɨya oodaepɨra, mãrapa ɨt'aa chiidiutat'a Tachi Ak'õrepa pia ũriwẽma.

Santiago 2:5

Ũpẽarã mɨa k'ɨ̃ria berã, ¡ũrit'ɨ! ¿Tachi Ak'õrepa nãɨ ĩjũane nenea k'ede k'aripawẽk'ãra Jesucristode ĩjãanamẽrá? Mãɨya ãchi ẽpẽra ɨbɨa p'anɨ jĩra p'anɨma. Tachi Ak'õrepa ãchi ichi juade ua baipɨ. Mãɨya piarã jarasima, chi ichi k'ɨ̃ria berã́.

Hebreo 10:11

P'aarerãpa ewaricha Tachi Ak'õre pae ne oopatama mãɨnepa ãnimara paateapatama. Maamina mãɨpa nemietá ãyá bɨk'ama.

Hebreo 8:6

Maamina Jesú tachi P'aare Minachia K'awa bɨpa pajãne oo baparit'a atepe pia bɨma p'aarerãpa nãɨ ĩjũane oopataɨ k'aepẽra. Ara mãɨ jĩra Tachi Ak'õrepa Jesudepa pedea auda atepe pia bɨma ẽpẽerã ome pedea auda k'aepẽra, Tachi Ak'õrepa ẽpẽrarã minachia k'aripayade ada pẽra.

Hebreo 6:12

Taipa k'ɨ̃rianawẽma mãra k'oa p'ananait'a, mãɨyawẽapuru k'ɨ̃ria p'anɨma chi mãra waapẽarã ũpẽarã jĩra p'ananait'a. Ãchia Cristode ĩjãa p'anɨẽra mãɨnepa ãarea choa p'anɨẽra, Tachi Ak'õrepa teai jarada ãarea jitadaipɨ.

Hebreo 5:9

Ne ãareaɨne arí ooda pẽra, chi ichi pedea ũriutarã ãarea k'aripaipɨ ewaricha chok'ae p'ananamẽrá.

P'ilipense 2:17

Tãaraawẽa bɨde mɨ Cristo k'orea peadai p'anɨma, uvaba Tachi Ak'õrea weateai jĩra. Ara mãɨya mãrapa Cristode ĩjãa p'anɨt'a ãnimara Tachi Ak'õrea paateai jĩra bɨma. Mãɨ k'orea mɨ mãra ome minachia arapá bɨma.

Ep'esio 3:6

Ichia k'awapiwẽa bada nãɨt'a: judiorãwẽpa pedea pia Cristo k'orea ĩjãa p'anɨnepa judiorã ome ará Tachi Ak'õrepa teaidepema jitadaipɨ, abarik'a k'ak'uade p'anɨma, mãɨnepa Tachi Ak'õrepa Jesucristodepa teai jarada ará uru p'anɨma.

Gálata 3:29

Mãra Cristodé pẽra piarã Abrahán warrarãpɨ. Mãɨpa Tachi Ak'õrepa mãra k'aripasima ichia Abrahaná tachi k'aripayade ada pẽra.

Gálata 3:9

Mãɨpuru chi Abrahanpa ĩjãana jĩra ĩjãa berã Tachi Ak'õrepa jõma k'aripaipɨ Abrahán k'aripada jĩra.

Gálata 3:7

Mãɨpa k'awadai p'anɨma chi piarã Tachi Ak'õrene ĩjãa berãt'a Abrahán warrarãpɨ.

Romano 8:17

Ichi warrarã pẽra Cristo ome ichia uru bɨdepema jitadaipɨ. Tachi piarã Cristo minachia mĩana jĩra minachia mĩa p'ananaipɨra, Tachi Ak'õrepa Cristo ome ará minachia pia bɨipɨ.

Hecho 16:26

Mãɨya bɨde iurumia ɨbɨa wãsima. Mãɨpa chi jɨ̃a nɨbɨpataɨ te jĩru minachia oresima. Ara mãɨne ãarea chi eda wãpataɨ itu ewak'oa wãsidama. Chi jɨ̃a nɨbee k'ãnena baek'oawãsima.

Mateo 4:11

Ara mãɨne tiore Jesuk'á bada ãyá wãsima. Mãɨne Tachi Ak'õrepa ɨt'aripa peedaɨrã Jesumá chedak'ari ichiá nek'opisidama.

Marco 10:17

Jesú mãmãɨpa wãrune ẽpẽra ichimá p'ira chesima. Mãɨ ẽpẽra Jesú k'ĩrari sĩraporode k'obeek'ari idisima: —Pia Jarateaparí, ¿mɨa k'ãre ooi bɨma Tachi Ak'õre ome ewaricha chok'ae bai k'orea?

Romano 11:14

Mɨa judiorãwẽa jaratea bɨdepa k'ɨ̃ria bɨma mɨ ẽpẽrarã judiorã pida mãɨ pedea ũri k'ɨ̃rianait'a, jiwá p'anɨ jĩra. Mãɨya Tachi Ak'õrepa eda ãchidiidepema k'aripaipɨ.

1 Corintio 1:21

Tachi Ak'õrepa ichi k'ɨ̃risiadepa oodadepa, ara ichi k'awapi bɨma. Maamina nãɨ ĩjũanepemarãpa ara ãchi k'ɨ̃risiadepa ichi k'awadak'ama. Ara mãɨ taipa jarateapataɨ k'ɨ̃risia newẽa bɨ jĩra bɨmina, Tachi Ak'õremá pia basima, mãɨnepa jõma chi ichide ĩjãauta k'aripait'a.

Hebreo 2:3

Ara mãɨ jĩra chi Tachi Ak'õrepa tachi minachia k'aripaidepema tachia itu bɨdaipɨra, ¿Ichia ɨtɨaidepema sãmaasã́ tachi mĩrunaima? Mãɨ pedea Tachi Chipari Jesupa naa jarateasima. Chi ũrinaanapa tachiá mãɨ piarãane asidama.

Hebreo 9:28

Ara mãɨ jĩra Cristopa bari k'ak'o aba ara ichi itu peapisima chok'araɨrãpa nemietá oodada ãyá bɨi k'orea. Ichi mãicha cheipɨ, maamina mãɨne cheiwẽma tachia nemietá oopataɨt'a ãyá bɨi k'orea. Mãɨpari cheipɨ ichi nɨ p'anɨrã k'aripai k'orea.