Gálata 6:8 - Tachi Ak'õre Pedea

⁸ Mãɨ k'orea nãɨ k'ak'uapa nemietá oo k'ɨ̃ria bɨ abaɨpa oo bɨpɨra, Tachi Ak'õrepa mãɨ ẽpẽra ɨtɨaipɨ. Maamina Tachi Ak'õre Jaorepa k'ɨ̃ria bɨ abaɨpa oo bɨpɨra, Tachi Ak'õrepa mãɨ ẽpẽra ewaricha ichi ome chok'ae bɨipɨ.

Gálata 6:8 Referans Kwoze

Romano 8:13

Mãra nãɨ k'ak'uapa oo k'ɨ̃ria bɨdepa nipadaipɨra piudaipɨ. Maamina chi nãɨ k'ak'uapa nemietá oo k'ɨ̃ria bɨt'a Tachi Ak'õre Jaoredepa itu bɨdaipɨra, Tachi Ak'õre ome chok'ae p'ananaipɨ.

Santiago 3:18

Ne k'ɨ̃risiawẽa baparidepa, waapẽarã ne k'ɨ̃risiawẽa p'anapiparima, net'a tau uupari jĩra. Mãɨ ẽpẽrapa unuipɨ chi waapẽarãpa jĩp'a oo p'anɨt'a, nejõ bɨɨrɨ pia chaupari jĩra.

2 Pedro 2:19

Ãchi k'aade wãnaipɨra, pia p'aneenayane apatama, chi chipari pae pari mimiaparí ichi chipari juadepema mĩruwãru jĩra. Maamina nemietá p'ue itu bɨdak'a pẽra pia p'aneenaiwẽma. Mãɨpa ãchi nemietá pae pari mimiapataɨrã papiipɨ. Piarã paritua nemietá p'ue itu bɨdaepɨra, tachi makɨɨ pae pari mimiapataɨrãpɨ.

Gálata 6:7

Ara mãra tuaba searãt'ɨ. Abaɨ pida Tachi Ak'õre p'ue seaiwẽma. K'ɨ̃risiat'ɨ: chi ne uurupa ichia uuda jĩra ara mãɨya baaipɨ.

Romano 13:14

Mãɨpari Tachi Chipari Jesucristo nipada jĩra nipat'ɨ. Nãɨ k'ak'uapa nemietá oo k'ɨ̃ria bɨt'a oodai k'ɨ̃risiarãt'ɨ.

Apocalipsi 22:11

Chi nemietá oo bɨt'a itu bɨse ichi waa k'achiade bamẽrá. Chi ne ãareaɨne Tachi Ak'õrepa k'ɨ̃riak'apɨ́ oo bɨt'a itu bɨse ichi mãɨne bamẽrá. Maamina chi jĩp'a oo bɨt'a itu bɨse ewaricha jĩp'a oo bamẽrá. Mãɨnepa chi Tachi Ak'õre pae pia bɨt'a, ewaricha Tachi Ak'õre pae pia bai bɨma.

Juan 4:36

Ne uu ĩjũa baadai ewari chesima. Ne uu ĩjũa baauta jĩra mãra mimianaipɨ ẽpẽerãpa mɨne ĩjãanamẽrá. Mãɨya ãchi Tachi Ak'õre ome ewaricha chok'ae p'ananaipɨ. Chi ne uu ĩjũa baaparí arapaaparima ichia erreara jitai bɨ pẽra. Ara mãɨ jĩra mãra arapaadaipɨ ẽpẽerãpa mɨne ĩjãauta k'orea. Chi ne uu ĩjũa baaparí chi ne uuparí ome arapá p'ananaipɨ.

Juda 1:21

Tachi Ak'õrepa tachi k'ɨ̃ria bɨdepa nipat'ɨ. Tachi Chipari Jesucristopa k'ĩra chupuria bɨdepa ewaricha chok'ae bapiit'a nɨ p'anat'ɨ.

Juan 6:27

Mimiarãt'ɨ chik'o k'odai k'orea, mãɨ chik'o jõpari pẽra. Mãɨpari mimiat'ɨ chi Tachi Ak'õre ome ewaricha chok'ae bapiparí p'ana atadai k'orea. Mãɨ mɨ, chi Ẽpẽra Warrapa teaipɨ. Tachi Ak'õrepa mɨ mãɨ k'orea bɨsima.

Romano 6:13

Mãra k'ak'uá itu nemietá oopirãt'ɨ. Mãɨpari ara mãra Tachi Ak'õrea teat'ɨ. Mãra nemietaade piu p'anana Tachi Ak'õre pae chok'ae p'aneesidama. Mãɨpuru mãra k'ak'ua Tachi Ak'õrea teat'ɨ jĩp'a oodai k'orea.

Mateo 19:29

Mɨ k'orea abaɨpa ichi te, ũpẽarã, ũpẽawẽrarã, ak'õre, nae, k'ima, warrarã, ĩjũa ameeipɨra, ichia ameena k'aepẽra cien atepe unuipɨ, ichiaba Tachi Ak'õre ome ewaricha chok'ae baipɨ.

Tito 3:7

Mãɨya Tachi Ak'õrepa ichi sõpiadepa tachi jĩp'a unu bɨ pẽra ewaricha ichi ome chok'ae p'ananaipɨ. Mãɨ nɨ p'anɨma.

Juan 4:14

Maamina chi mɨa tea bɨ pania torut'a waa opisia baiwẽma. Chi mɨa tea bɨ pania ichide ewaricha wea baipɨ mãɨnepa Tachi Ak'õre ome ewaricha ichi chok'ae baipɨ.

2 Pedro 2:12

Maamina sea jarateapataɨrãpa ãchia ne atua p'anɨnepema piawẽa pedeapatama. Ãnimara jĩra k'ɨ̃risiawẽa p'anɨma. Aba ãchi k'ak'uapa k'ɨ̃ria bɨt'a oopatama. Ãnimara t'õpatama ẽpẽrarãpa jitadak'ari peadamẽrá. Ara mãɨ jĩra sea jarateapataɨrã piudaipɨ.

1 Timoteo 1:16

Maamina mãɨ k'orea Tachi Ak'õrepa mɨ k'ĩra chupuriasima. Mãɨya Jesucristopa mɨ, chi k'achia badadepema unupisima ichia ãarea pia choa bɨt'a. Mɨnepa chi wapida ĩjãanak'apɨɨrã́ k'awapisima sãmaasã́ ẽpẽra k'achia k'ĩra chupuriaparit'a ewaricha chok'ae p'aneenamẽrá.

Mateo 25:46

Maapae Tachi Ak'õrepa ãchi t'ɨpɨ tau urua k'iiwãk'á nɨbɨdea peek'oaipɨ, maamina chi jĩp'a berã ichi ome ateewãipɨ ewaricha chok'ae beadamẽrá.

Romano 6:23

Piarã nemietá oo p'anɨ k'orea ẽpẽrarã piudaipɨ. Maamina Tachi Chipari Jesucristodepa Tachi Ak'õrepa ewaricha chok'ae bapiipɨ, ne pari tea bɨ jĩra.

Romano 8:6

Chi abaɨpa nãɨ k'ak'uapa oo k'ɨ̃ria bɨt'a k'ɨ̃risia baipɨra piuipɨ. Maamina chi Tachi Ak'õre Jaorepa k'ɨ̃ria bɨt'a k'ɨ̃risia baipɨra ne k'ɨ̃risiawẽa baipɨ mãɨnepa Tachi Ak'õre ome chok'ae baipɨ.

Romano 8:11

Maamina ichi Jaore mãra sõne bɨ pẽra, ichidepa mãra k'ak'ua piui bɨt'a chok'ae p'irabaripiipɨ Cristo Jesú chok'ae p'irabaripida jĩra.

1 Corintio 15:42

Chi piudada chok'ae p'irabaridait'a ne uuda jĩra bɨma. K'ak'ua beraa bɨt'a t'ɨbaripatama maamina k'ak'ua beraak'apɨ́ chok'ae p'irabariipɨ.