Gálata 6:14 - Tachi Ak'õre Pedea

¹⁴ Maamina mɨt'u mãɨya bɨwẽma. Mɨ k'orea mi ãpia pida pia pedeawẽma. Mãɨpari abapuru Tachi Chipari Jesucristo k'urusude piuda k'orea pia pedeaipɨ. Cristo k'urusude piuda pẽra chi nãɨ ĩjũanepemarãpa pia unupataɨ, mɨmá ãarea piusima. Mãɨnepa nãɨ ĩjũane berãmá mɨ piusit'a.

Gálata 6:14 Referans Kwoze

Romano 6:6

Tachia k'awa p'anɨma tachi k'ɨ̃risia chota bɨ piusit'a Cristo ome k'urusude barijira bɨdada jĩra. Mãɨya tachi k'ɨ̃risia chota bɨpa nãɨ k'ak'uapa nemietá oo k'ɨ̃ria bɨ waa p'ue oopiiwẽma. Tachi waa nemietá pae pari mimiapataɨrãwẽma.

Gálata 2:20

Mɨ Cristo ome ará k'urusude barijira bɨsidama. Mãɨpuru ara mɨnepa bɨwẽma, mãɨpari Cristot'a mɨ sõne bɨma. Nãɨ k'ak'uade chok'ae bɨmisa, mɨ Tachi Ak'õre Warra Jesudepa baipɨ. Ara mãɨ Jesupa ichi Ak'õrepa oopi bɨt'a oopachi pẽra, mɨ k'ɨ̃riasima mãɨnepa mɨ k'orea ara ichi itu peapisima.

1 Corintio 2:2

Mãra t'ãena baside mɨa abapuru Jesucristo k'orea mãɨnepa ichi k'urusude peadada k'awapi k'ɨ̃ria basima.

P'ilipense 3:3

Maamina tachit'u chi piarã tauchaadaadarãpɨ. Tachiapuru Tachi Ak'õre Jaoredepa ichiá pia pedeapatama. Mãɨnepa Jesucristopa tachi k'orea ooda pia jarapatama. Tachia nãɨ k'ak'ua k'orea Tachi Ak'õrepa tachi jĩp'a p'anɨ unui k'ɨ̃risiadak'ama.

Romano 1:16

Mɨ p'erak'ama chi pedea pia Jesú k'orea jarateai k'orea, chi mãɨ pedea ĩjãauta Tachi Ak'õrepa ichi jua chaareadepa jõma k'aripapari pẽra; naa judiorã mãɨnepa judiorãwẽ sida.

Gálata 5:24

Cristoderãpa chi nãɨ k'ak'uapa nemietá oo k'ɨ̃ria bɨt'a k'urusude barijira bɨk'ari peasidama.

1 Corintio 3:21

Ũpẽarã ak'ɨparí chi waapẽarã k'aepẽra chi piipará bɨ jĩra waa k'ɨ̃risiarãt'ɨ. Tachi Ak'õrenepa mãrapa nejõma uru p'anɨma pia p'ananai k'orea.

1 Corintio 15:58

Mãɨ k'orea ũpẽarã mɨa k'ɨ̃ria berã, minachia ĩjãa p'anat'ɨ. Tachi Chiparipa k'ɨ̃ria bɨ minachia oopariet'ɨ. Mãrapa k'awa p'anɨma chi Tachi Chipari pae oo p'anɨ, pari oo p'anɨwẽt'a.

Gálata 1:4

Chi mãɨ Jesucristopa ara ichi tachi nemietá k'orea itu peapisima nãɨ ewari mietaadepema k'aripai k'orea. Mãɨya oosima Tachi Pajãnepema Ak'õrepa k'ɨ̃riana pẽra.

1 Corintio 1:23

Maamina taipa Cristo k'urusude piuda jaratea p'anɨma. Mãɨ pedea judiorãpa pia ũrinak'ama. Judiorãwẽpa mãɨ piawẽa bɨ k'ɨ̃risiapatama.

Romano 6:2

¡Piarã mãɨya oodaiwẽa p'anɨma! Tachi nemietaadepema piusidama. Mãɨpuru ¿sãmaasã́ nemietaade nipadaima?

2 Corintio 11:12

Ara mɨchia oopari jĩra oopodoipɨ. Chi tai jĩra oo p'anɨane apataɨrãpa mãɨya pedeapatama waapẽarã k'aepẽra atepe p'anɨane a k'ɨ̃risia p'anɨẽra. Maamina mi ãpia pida p'ue jaradaiwẽma tai jĩra oo p'anɨt'a.

Luca 20:16

Ará wãk'ari ãchi ãarea k'enak'ari ichi uva k'ãena awaraɨrã́ ak'ɨpiipɨ». Chi arí berãpa mãɨ ũrisidaɨde jarasidama: —Mãɨyawẽane asidama.

Gálata 2:17

Tachia jɨrɨsidama Cristodepa Tachi Ak'õrepa tachi chi jĩp'a be paara bɨmẽrá. Mãɨpuru waapẽarãmá, tachi nemietá oopataɨrãpɨ, chi Moisepa bɨda amaanana pẽra. Mãɨyara ¿Cristopa tachiá nemietá oopi bɨk'ãra? ¡Mãɨyawẽma!

Gálata 2:19

Naena mɨ Moisepa bɨdadepa basima. Maamina mãɨ Moisepa bɨdadepema mɨ piusima. Mãɨya mɨ Tachi Ak'õre pae chok'ae beesima.

Gálata 3:21

Mãɨya bɨpɨra Tachi Ak'õrepa ichi pedea bɨda Moisea bɨpiside ¿ichi Abrahán ome pedea auda itu bɨsik'ãra? ¡Mãɨyawẽma! Moisepa bɨdadepa tachi p'ue chok'ae p'ananaipara, abapuru mãɨ bɨda oo p'anɨnepa Tachi Ak'õrepa tachi chi jĩp'a berã paara bɨi pasima.

P'ilipense 3:18

Mɨa nãɨ bari k'ak'o minachia mãrá jarasima mãɨnepa jẽa bɨpa mãicha jararuma: chok'ará ẽpẽrarãpa ãchia oo p'anɨnepa unupipatama chi Cristo k'urusude piuda k'orea pedea k'ɨ̃rianak'aɨt'a.

Colosense 2:20

Mãra Cristo ome ará piusida pẽra chi nãɨ ĩjũanepema jaore chaarearãne ĩjãanaiwẽa p'anɨma. Mãɨ ¿k'ãre k'orea waidi mãɨ k'ɨ̃risia ĩjãa p'anɨma nãɨ ĩjũanepemarãpa ĩjãapata jĩra?