Gálata 6:12 - Tachi Ak'õre Pedea

¹² Chi mãra k'ak'ua tauchaapi k'ɨ̃ria berãpa mãɨya oopatama, judiorãpa pia ununamẽrá mãɨnepa ãchia Cristo k'urusude piuda k'orea jaratea p'anɨ k'orea mĩapidaemaapa.

Gálata 6:12 Referans Kwoze

Gálata 5:11

Ũpẽarã, k'ak'ua tauchaadai p'anɨt'a mɨa wapida jaratea bɨpara, chi mãɨya jaratea berãpa mɨ piawẽa oodai k'orea ẽp'ẽnaiwẽ pasima. Mɨa mãɨya jaratea bɨpara ãchia Jesú k'urusude piudadepema piawẽa k'ɨ̃risiadaiwẽ pasima.

Colosense 2:23

Piarã mãɨ k'ɨ̃risiat'a ne k'awapari jĩra bɨma. Ãchia jarapatama ara tachi tuaba ne oo p'anɨnepa Tachi Ak'õre ome p'ue pia p'ananai p'anɨ, waapẽarã k'aepẽra k'aepea nipadai p'anɨ, mãɨnepa ara tachi tuaba tachi k'ak'ua p'uapii p'anɨnepa minachia mĩa p'ananai p'anɨ. Maamina jõma makɨɨpa tachi k'ak'uapa nemietá ooyá bɨ jõpik'ama.

2 Corintio 11:13

Ãchi Cristopa peedaɨrãwẽma, mãɨpari waapẽarã seapataɨrãpɨ. Seadepa k'ɨ̃risiapipatama ãchi Cristopa peedaɨrãpɨ.

Hecho 15:1

Mãɨ ewaride chi eda waapẽarã Judea tuadepemarã Antioquía p'uurudea chesidama. Ãchia ũpẽarã judiorãwẽa jaratea p'aneesidama Moisepa bɨda jĩra ɨmɨk'ĩra k'ak'ua tauchaadaepɨra, Tachi Ak'õrepa ãchi k'aripaiwẽt'a.

Gálata 2:3

Mãɨne Tito mɨ ome bɨ judiowẽmina, ãchia jaradaé pasima ichi k'ak'ua tauchaai basit'a.

Luca 16:15

Mãɨne Jesupa ãchiá jarasima: «Mãra waapẽarã k'ĩrari ẽpẽra pia jĩra p'anapatama. Maamina Tachi Ak'õrepa k'awa bɨma mãra piarã sãmaasã́ p'anɨt'a. Ẽpẽrarãpa pia unupataɨ, mãɨ Tachi Ak'õrepa pia unuk'ama.

P'ilipense 3:18

Mɨa nãɨ bari k'ak'o minachia mãrá jarasima mãɨnepa jẽa bɨpa mãicha jararuma: chok'ará ẽpẽrarãpa ãchia oo p'anɨnepa unupipatama chi Cristo k'urusude piuda k'orea pedea k'ɨ̃rianak'aɨt'a.

P'ilipense 2:4

Ara machicha pia p'ananai k'orea jɨrɨrãt'ɨ, mãɨpari jɨrɨt'ɨ waapẽarã sida pia p'ananamẽrá.

P'ilipense 1:15

Piarã chi eda waapẽarã mɨ ome piawẽa p'anɨma. Ãchia Cristo k'orea jara p'anɨma mɨ k'aepẽra atepe k'awa p'anɨane adai k'orea. Maamina waapẽarãpa k'ɨ̃risia piadepa jara p'anɨma.

Gálata 6:13

Chi k'ak'ua tauchaadaadarãpa Moisepa bɨda jõma oodak'ama. Maamina ãchia mãra k'ak'ua tauchaapi k'ɨ̃ria p'anɨma, ara ãchi k'ak'ua k'orea pia pedeadai k'orea.

Gálata 2:14

Maamina mɨa unusima ãchi piarã chi pedea pia Cristo k'orea jara bɨ jĩra nipadawẽa p'anasit'a. Mãɨpuru mɨa Pedro jõmãɨrã ũpẽarã k'ĩrari nãɨya ɨtɨasima: «Pɨ judiomina, judio jĩra bak'ama. Mãɨpari judiowẽ jĩra baparima. Mãɨ ¿k'ãre k'orea judiorãpa oopataɨ, pɨa ũpẽarã judiorãwẽa oopi bɨma?»

2 Corintio 10:12

Maamina ¿sãmaasã́ tachi k'ɨ̃ría chi waapẽarã ãchit'u chi piipará beade apataɨrã jĩra k'ɨ̃risiadaima? Ara ãchit'u chaapatama, mãɨnepa ara ãchi waapẽarã paara ak'ɨpatama, k'ai piipará bɨ k'awadai k'orea. Mãɨya oodadepa, k'ɨ̃risia nea p'anɨt'a unupipatama.

Hecho 15:5

Maamina waapẽarã p'ariseorã Jesude ĩjãapataɨrãpa bai nɨp'aneenak'ari jarasidama: —Chi ũpẽarã judiorãwẽ k'ak'ua tauchaadai p'anɨma. Ãchirã́ jarateadai p'anɨma Moisepa bɨda ĩjãanamẽrá.

Juan 7:18

Abaɨpa ara ichi k'ɨ̃risiadepa pedea bɨpɨra mãɨya oo bɨma ẽpẽerãpa ara ichi k'orea pia pedeadamẽrá. Maamina abaɨpa k'ɨ̃ria bɨpɨra waapẽarãpa chi ichi peeda k'orea pia pedea bɨpɨra, mãɨpa piarãpẽa pedea jaraparima; sea jarak'ama.

Luca 20:47

P'ẽtãarã neet'á ẽemaripatama mãɨnepa minachia tãaraa ɨt'aa chiidipatama ẽpẽrarãpa mãra pia ununamẽrá. Mãɨ k'orea Tachi Ak'õrepa ãchi atepe ɨtɨaipɨ».

Mateo 23:28

Ara mãɨ jĩra mãra ẽpẽra ɨ̃rɨpema jĩp'a berã jĩra p'anɨma, maamina piarã mãrapa jarateapataɨ oodak'ama. Ichiaba edaria mãra ãarea sõk'achia p'anɨma.

Mateo 23:5

»Ãchia ne ãarea oopatama waapẽarãpa pia ununamẽrá. Tachi Ak'õre pedea k'art'ade bɨda ne yaaparí chak'ede eda bɨdak'ari ãchi tau bɨɨrɨde mãɨnepa juap'ot'ode jɨ̃patama. Maamina chi ne yaaparí jobɨa oopatama waapẽarãpa pia ununamẽrá. Ichiaba mãɨ k'orea ãchia neet'á i jijichoa teesoa be k'osadak'ari jɨ̃patama.

Mateo 6:16

»Mãrapa Tachi Ak'õrene k'ɨ̃risiadayá nek'odak'apɨ́ ewaride ooutade k'ĩra piawẽa p'aneerãt'ɨ Tachi Ak'õrene ĩjãapataade apataɨrãpa oopataɨ jĩra. Ãchi mãɨya p'anapatama jõmãɨrãpa k'awadamẽrá Tachi Ak'õrene k'ɨ̃risiadayá nek'odak'apɨ́ ewaride oo p'anɨ. Mɨa piarã jararuma: ẽpẽrarãpa ãchi pia jaradai k'ɨ̃ria p'anɨ pẽra mãɨ ãchi k'orea pedea pia pedeadada puru nepia uru p'anɨma. Mãɨt'u Tachi Ak'õrenepa mi ãpia pida nepia uru p'anɨwẽma.

Mateo 6:2

Pɨa nenea k'edea ne tearude seat'a Tachi Ak'õrene ĩjãapataade apataɨrãpa oopata jĩra oorãse. Ãchia ne teautade, mãɨ k'orea jarapatama judiorã ará pedeapataɨ tede mãɨnepa p'uurude pida jõmãɨrãpa ãchi k'orea pia pedeadamẽrá. Mɨa piarã jararuma: ẽpẽrarãpa ãchi k'orea pia pedeadait'a k'ɨ̃ria p'anɨ pẽra, mãɨ ãchi k'orea pedea pia pedeadada puru nepia uru p'anɨma. Mãɨt'u Tachi Ak'õrenepa mi ãpia pida nepia uru p'anɨwẽma.

Mateo 6:5

»Pɨa Tachi Ak'õrea ɨt'aa chiidirude Tachi Ak'õrene ĩjãapataade apataɨrãpa oopataɨ jĩra oorãse. Ãchia judiorã ará pedeapataɨ tede mãɨnepa p'uurude bai nɨp'aneenak'ari Tachi Ak'õrea ɨt'aa chiidipatama ẽpẽrarãpa pia ununamẽrá. Mɨa piarã jararuma: ẽpẽrarãpa ãchi pia ununai k'ɨ̃ria p'anɨ pẽra mãɨ ãchi k'orea pedea pia pedeadada puru nepia uru p'anɨma. Mãɨt'u Tachi Ak'õrenepa mi ãpia pida nepia uru p'anɨwẽma.

Mateo 5:10

Pia p'anɨma chi jĩp'a be k'orea waapẽarãpa mĩapi p'anɨrã, Pajãne Bɨpa ichi juade ua bɨẽra.

Mateo 23:27

»¡Mãra p'ariseorã, Moisepa bɨda jarateapataɨrã, chi pia jĩra berã, chupuri p'anɨma Tachi Ak'õrepa ɨtɨai pẽra! Mãrapa jãɨrã te mawara ɨ̃rɨpema t'ot'oa p'ɨrɨpatama, pia ununamẽrá. Maamina mãɨ jãɨrã tiida k'ak'ua minachia beraadada chi mik'ia nɨbɨma, chi bɨɨrɨ paara.