Gálata 6:10 - Tachi Ak'õre Pedea

¹⁰ Mãɨ k'orea tachia p'ue ooutacha, jõmãɨrã minachia k'aripadai p'anɨma. Chi Jesude ĩjãapataɨrãt'a mãɨya atepe k'aripadai p'anɨma.

Gálata 6:10 Referans Kwoze

Hebreo 13:16

K'ɨ̃risia atuarãt'ɨ pia oodai k'orea mãɨnepa mãrapa uru p'anɨnepa chi k'aripa p'ananai k'orea. Mãɨ ãarea Tachi Ak'õrepa pia unu bɨma ãnimara paatea p'anɨ jĩra.

1 Tesalonicense 5:15

¡Ũrit'ɨ! Abaɨ pida mãra piawẽa oosira ichi jõnea piawẽa oorãt'ɨ. Mãɨpari ewaricha ara machi paara nepia oot'ɨ, mãɨnepa waapẽarã paara pida.

Tito 3:8

Mãɨ pedea piarã arí bɨ pẽra, mãɨne ĩjãanai p'anɨma. Mɨa k'ɨ̃ria bɨma pɨa mãɨ minachia jaratea bai Tachi Ak'õrene ĩjãa berãpa nejõma pia oo wãnamẽrá. Mãɨ pedea minachia pia bɨma. Jõmãɨrã k'aripaparima.

Mateo 25:40

Mãɨne mɨa p'anooipɨ: “Mɨa piarã jararuma: mãrapa mɨ ũpẽarã chi k'aepe k'ede k'aripasidaɨde ichiaba mɨ k'aripasidama”.

Hebreo 6:10

Tachi Ak'õre jĩp'a bapari pẽra mãrapa pia oo p'anɨt'a mãɨnepa ichi k'ɨ̃ria p'anɨt'a k'ɨ̃risia atuaiwẽma. Ichi ẽpẽrarã k'aripa p'anɨnepa mãrapa unupisidama chi ichi k'ɨ̃ria p'anɨt'a. Wapida k'aripa p'anɨma.

Ep'esio 2:19

Mãɨpuru mãra judiorãwẽ waa ẽpẽerã tua awaraɨdepemarã jĩra p'ananaiwẽma, mãɨpari Tachi Ak'õre p'uurudepemarã ome ará p'anɨma; mãra ẽpẽrarã Tachi Ak'õrenepemarãpɨ.

Juan 12:35

Jesupa p'anoosima: —Nãɨ ɨnaa bɨ mãra ome tãaraa baiwẽma. Mãɨpuru ɨnaa bɨde nipat'ɨ ichi mãra ome bɨmisa mãɨ paritua p'ãrione baedaemaapa. Chi p'ãrione ni, mãɨpa sãmá wãrut'a k'awawẽma.

Luca 6:35

»Mãɨpari mãra chi nek'ĩramá k'ɨ̃riat'ɨ. Ãchi pia oot'ɨ. Ãchiá ne teat'ɨ. Maamina mãrapa ne teautade ãchia mãrá ne teadai k'ɨ̃risiarãt'ɨ. Mãɨyapuru mãrapa Tachi Ak'õrenepa jitadait'a atepe waibɨa baipɨ mãɨnepa unupidaipɨ piarã mãra Tachi Ak'õre chi atepe bɨ warrarãpɨ. Ichia nemietá oopataɨrã mãɨnepa ichiá pia bɨade adak'aɨrã ichi sõpiadepa k'aripaparima.

Juan 9:4

Mãɨpuru ara ãst'á bɨeda, chi mɨ Peedapa oopi bɨt'a mɨa ãarea ooi bɨma. Mãɨ k'iuk'ari abaɨ pida p'ue mimiak'ama.

Tito 2:14

Tachi k'orea Jesucristopa ara ichi itu peapisima ãarea nemietaadepema k'aripai k'orea. Tachi ara ichi pae pia bɨsima ichi p'uurude p'ananamẽrá mãɨnepa nejõma pia oo k'ɨ̃ria p'ananamẽrá.

P'ilipense 4:10

Tachi Chiparidepa mɨ minachia arapá bɨma, mãrapa mɨ k'ɨ̃risia p'anɨnepa mãicha ne tea peesida pẽra. Mãɨ mãrapa naena oo k'ɨ̃ria p'ananamina p'ue oodaé pasima.

Mateo 12:50

Mɨ Ak'õre pajãne bɨpa k'ɨ̃ria bɨ oo p'ananarãpa mãɨrãt'a mɨ ũpẽarãpɨ, mɨ ũpẽawẽrapɨ mãɨnepa mɨ naepɨ.

3 Juan 1:11

Ũpẽa Gayo, nemietá oopataɨrã jĩra barãse mãɨpari pia oopataɨrã jĩra base. Chi pia ooparí Tachi Ak'õrenepɨ, maamina chi nemietá ooparipa Tachi Ak'õre atua bɨma.

Colosense 4:5

Cristode ĩjãanak'apɨɨrã t'ãena k'ɨ̃risia k'awa p'anɨnepa nipat'ɨ. Ewaricha jɨrɨt'ɨ ichi k'orea ãchiá k'awapidai k'orea.

Ep'esio 5:16

Mãrapa ne p'ue ooutacha pia oot'ɨ, nãɨ ewaride ẽpẽrarãpa ne ãarea nemietá oopata pẽra.

1 Juan 5:1

Jesú Tachi Ak'õrepa Tachi K'aripaparí teai jarada abaɨpa ĩjãaipɨra, mãɨ ẽpẽra Tachi Ak'õrenepa t'õnapɨ. Chi Tachi Pajãnepema Ak'õre k'ɨ̃ria bɨpa ichi warrarã sida k'ɨ̃ria bɨma.

Hebreo 3:6

Maamina Tachi Ak'õre warra Cristo ichi ẽpẽrarã chiparipɨ. Ãchi ome jõma arí oo bɨma. Tachia Cristode ĩjãa p'ananaipɨra mãɨnepa ichidepa ne jitadai k'orea arapá nɨ p'ananaipɨra, Tachi Ak'õreneerãpɨ.

Marco 3:4

Maapae Jesupa ãchiá idisima: —¿Mimianak'apɨ́ ewaride k'ãre oodai p'anɨma? ¿Nepia ooima, wa nemietá ooima? ¿Abaɨ k'ɨdade bɨ k'aripai wa itu piupiik'ãra? Maamina ãchi k'ĩup'ea p'aneesidama.

Ep'esio 3:15

Ichia jõma pajãne be mãɨnepa nãɨ ĩjũane be oosima mãɨnepa ichidepa p'anɨma.

Mateo 5:43

»Mãrapa k'awa p'anɨma nãɨya jarapataɨt'a: “Ẽpẽra abaɨ k'ɨ̃riase, maamina pɨ nek'ĩramá unuemaa uru base”.

Hecho 6:7

Mãɨne ũpẽarãpa Tachi Ak'õre pedea minachia pedeapachidama. Mãɨya chi Jesude ĩjãapataɨrã Jerusalene atepe waripodosidama. Mãɨ awara minachia p'aarerã pida ĩjãasidama.

Gálata 1:23

Ãchia abapuru ũripachidama ũpẽarãpa nãɨya jara p'anɨt'a: «Chi tachi piawẽa ooi k'orea ẽp'ẽ badapa, idiapae jaratea nima, jõmãɨrãpa Cristode ĩjãanamẽrá. Naena mãɨ ichia jõpi k'ɨ̃ria basima».

Ep'esio 4:28

Chi nechɨaparí pada waa nechɨaiwẽa bɨma, mãɨpari ara ichi juapa mimiai bɨma ne uru bai k'orea. Mãɨya ichia uru baipɨ nenea k'ede k'aripai k'orea.

1 Tesalonicense 5:21

Jõma mãɨ jĩrak'aua ũrit'ɨ, maapae aba chi piadepuru ĩjãat'ɨ.

1 Pedro 2:5

Mãra ichidepa chok'ae p'anɨ pẽra mawara te oopataɨ jĩra p'anɨma. Mãranepa Tachi Ak'õrepa ichi te ooruma. Mãɨnepa mãra p'aarerã ichi pae papi bɨma. Mãrapa Jesucristodepa Tachi Ak'õre pae ne oo p'anɨne, ichiá ãnimara paateauta jĩra oo p'anɨma. Mãɨya oo p'anɨt'a ichia pia unu bɨma.

1 Pedro 4:17

Naapae Tachi Ak'õrepa ichidirã ne nepɨra ak'ɨipɨ. Tachi Ak'õrepa tachi nepɨra naa ak'ɨipɨra, ¿chi pedea pia Tachi Ak'õre k'orea ĩjãanak'apɨɨrã sãmaasã́ p'ananaima?

3 Juan 1:3

Mɨ minachia arapaasima, waapẽarã ũpẽarã mɨmá chedaadapa nepɨrɨsida pẽra pɨa chi piarã pedea ĩjãa bɨt'a.

3 Juan 1:10

Mãɨ k'orea jãmá wãrune mɨa jõmãɨrã́ k'awapiipɨ ichia piawẽa oo bɨt'a. Ichia seadepa tai k'orea k'achia pedeaparima. Mãɨ awara chi ũpẽarã jarateapataɨrã jãmá wãutá ichia pia pedeak'ama mãɨnepa ũpẽarãpa ãchi tede mãɨrã k'ãipidayá ooutade itu k'ãipik'ama. Mãɨrã́ pia pedeasidara mãɨ ũpẽarã ãyá jeret'aaparima.

2 Corintio 2:8

Mãɨ k'orea mɨa mãrá chichupuria idiruma mãrapa ichi k'ɨ̃ria p'anɨt'a mãicha k'awapidamẽrá.