Gálata 5:22 - Tachi Ak'õre Pedea

²² Maamina Tachi Ak'õre Jaorepa nakɨɨ teaparima: waapẽarã k'ɨ̃ria p'anapataɨ, arapá p'anapataɨ, ne k'ɨ̃risiawẽa p'anapataɨ, jõma choa p'anapataɨ, ẽpẽrarã ome sõpia p'anapataɨ, ẽpẽra pia p'anapataɨ, ãchia jara p'anɨ jĩra oopataɨ,

Gálata 5:22 Referans Kwoze

Juan 15:5

»Mɨ chi uva bɨɨrɨ chi piarãpẽapɨ. Mãra chi pak'uru juapɨ. Chi mɨ ome ará be minachia chaupatama, mɨ mãra ome ará bɨ pẽra. Mãrapa mɨwẽa mi ãpia pida Tachi Ak'õre pae p'ue oodaiwẽma.

Juan 15:2

Mɨ pak'uru jua chaudak'aɨ ichia mãɨ t'ɨat'uparima, maamina chi chaupataɨ pak'uru jua mãɨ t'ɨat'uparima atepe chaudamẽrá.

Ep'esio 5:9

Ɨnaane nipadaipɨra sõpia p'ananaipɨ, jĩp'a oodaipɨ mãɨnepa piarãnepa nipadaipɨ.

Juan 15:16

Mãrapa mɨ jɨrɨ atadaé pasima. Mɨapuru mãra jɨrɨ atasima. Pak'uru bɨɨrɨ nejõ beraak'aɨ chaupari jĩra, mɨa mãra bɨsima wãnak'ari nepia chaudamẽrá. Mɨa mãra jɨrɨ atada pẽra mãrapa mɨ Ak'õrea mɨ t'ɨ̃nepa ne idiutat'a ichia teaipɨ.

Romano 7:4

Ũpẽarã, ara mãɨ jĩra mãra Cristo ome p'anɨ pẽra, ichi piuk'ari Moisepa bɨdadepema pari ãjã́ p'aneesidama. Naapae mãra Cristoderã pẽra Tachi Ak'õre pae p'ue nepia oodaipɨ.

1 Pedro 1:22

Chi piarã pedea oo p'anɨ pẽra mãra nemietaawẽa p'aneesidama. Mãɨpuru ũpẽarã piarã k'ɨ̃ria p'anɨma. Sõnepa piarã minachia chi k'ɨ̃ria p'anat'ɨ.

Mateo 12:33

»Nejõ bɨɨrɨ pia bɨpɨra, chauk'ari, nejõ pia baipɨ. Mãɨpari nejõ bɨɨrɨ mietá bɨpɨra, chauk'ari, nejõ mietá baipɨ. Nejõ bɨɨrɨ chi nejõnepa k'awapatama.

1 Corintio 13:13

Nãɨ ũpea p'anɨ jõk'ama: nejõma pia ĩjãa bai, jõma pia pamẽrá nɨ bai mãɨnepa waapẽarã k'ɨ̃ria bai. Mãɨ ũpeadepema waapẽarã k'ɨ̃ria bai chi atepe piipará bɨma.

P'ilipense 1:11

Mɨa ɨt'aa chiidi bɨma mãra Jesucristodepa ne ãareaɨne jĩp'a p'ananamẽrá. Mãɨya ẽpẽrarãpa Tachi Ak'õre chi atepe bɨade adaipɨ mãɨnepa ichiá pia pedeadaipɨ.

Colosense 1:10

Mãɨya mãra p'ue jĩp'a nipadaipɨ Tachi Chiparipa k'ɨ̃ria bɨ jĩra mãɨnepa ne ãareaɨne ichia mãra pia unuipɨ. Piarã mãrapa nejõma pia oo p'anɨnepa nejõ pia chau bɨ jĩra tuananaipɨ mãɨnepa Tachi Ak'õre pia k'awapododaipɨ.

Gálata 5:13

Ũpẽarã, Tachi Ak'õrepa mãra t'ɨ̃sima ãjã́ pari p'ananamẽrá. Maamina k'aripada pẽra k'ɨ̃risiarãt'ɨ mãra k'ak'uapa k'ɨ̃ria bɨ jĩra oodai p'anɨt'a. Mãɨpari piarã k'ɨ̃ria p'anɨnepa chi k'aripat'ɨ.

Ep'esio 4:23

Mãɨpari Tachi Ak'õrea mãra k'ɨ̃risia chiwidi itu oopit'ɨ.

Romano 6:22

Naapae mãra nemietá oodaadadepema pari ãjã́ p'aneenana pẽra Tachi Ak'õre pae pari mimiapataɨrã p'aneesidama. Mãɨya Tachi Ak'õre pae pia p'aneesidama. Mãɨpuru ichi ome ewaricha chok'ae p'ananaipɨ.

1 Pedro 1:8

Mãrapa ununak'amina Jesucristo k'ɨ̃ria p'anɨma. Nãɨena ununawẽa p'anɨmina ichide ĩjãa p'anɨma. Ichi k'orea minachia arapá p'anɨma. Jãɨya arapá p'anɨ pẽra mãɨ arapá sãmaasã́ bɨ k'orea p'ue k'awa jaradawẽma.

1 Timoteo 4:12

Pɨ k'ũtã́ bɨmina abaɨa itu k'aepe bɨ jĩra k'ɨ̃risiapirãse. Mãɨpari pɨa pedearudepa, ne oo bɨdepa, awaraɨrã piarã k'ɨ̃ria bɨdepa, k'ĩra jĩp'a bɨdepa mãɨnepa Cristode ĩjãa bɨdepa ũpẽarã́ unupise sãmaasã́ p'ananai p'anɨt'a.

Romano 15:3

Piarã Cristo pida ara ichia k'ɨ̃ria bɨt'a ooé pasima, mãɨpari Tachi Ak'õre pedeade bɨ bɨ jĩra mãɨyasima. Nãɨya bɨ bɨma: «Tachi Ak'õre, ãchia pɨ k'orea k'achia pedeasidaɨde mɨ k'orea pida k'achia pedeasidama».

1 Pedro 5:12

Ũpẽa Silvanopa nãɨ k'art'a chak'e k'aripa bɨsima. Mɨa k'awa bɨma ara ichia jara bɨ jĩra nejõma ooparit'a. Nãɨ k'art'adepa mɨa mãra k'aripa k'ɨ̃ria bɨma pia ĩjãanamẽrá. Mãɨnepa k'awapii k'ɨ̃ria bɨma piarã Tachi Ak'õrepa ichi sõpiadepa k'aripa bɨt'a. Mãɨ ĩjãa p'anat'ɨ.

Romano 15:14

Ũpẽarã, mɨa k'awa bɨma mãrapa piarã pia oo p'anɨt'a mãɨnepa minachia k'awa p'anɨ pẽra machit'u p'ue chi jaratea p'ananait'a.

Luca 13:9

Mãɨya chaui k'awadaipɨ. Nãɨ ãyo cherude chausira mãɨ itu bɨipɨ. Chauepɨra mãɨ t'ut'aase”».

1 Timoteo 3:11

Ara mãɨ jĩra wẽrarã jĩp'a nipadai p'anɨma ẽpẽrarãpa wap'eadamẽrá. Waapẽarã k'orea minachia k'achia pedeadaiwẽa p'anɨma. Minachia k'ĩrip'a p'ananaiwẽa p'anɨma mãɨnepa ne ãareaɨne oodai p'ananai p'anɨma ãchia jaradada jĩra.

2 Tesalonicense 3:2

Tachi Ak'õrea ɨt'aa chiidit'ɨ tai ẽpẽra k'achia berãpa piawẽa oo k'ɨ̃ria p'anɨnepema k'aripamẽrá, Cristode ĩjãa k'ɨ̃riawẽa berã sida paara p'anɨ pẽra.

Romano 8:5

Chi nãɨ k'ak'uapa nemietá oo k'ɨ̃ria bɨdepa nipapataɨrãpa abapuru nãɨ k'ak'uapa oo k'ɨ̃ria bɨt'a k'ɨ̃risiapatama. Maamina Tachi Ak'õre Jaoredepa nipapataɨrãpa Ichia k'ɨ̃ria bɨt'u k'ɨ̃risiapatama.

Romano 14:17

Tachi Ak'õrepa ichi juade p'anɨrã́ jarak'ama k'ãre k'odai p'anɨt'a mãɨnepa k'ãre todai p'anɨt'a. Mãɨpari k'ɨ̃ria bɨma ãchia ichi Jaoredepa jĩp'a oo p'ananait'a, ne k'ɨ̃risiawẽa p'ananait'a mãɨnepa arapá p'ananait'a.

Romano 15:30

Ũpẽarã, Tachi Ak'õre Jaoredepa tachi chi k'ɨ̃ria p'anɨma. Mãɨpuru Tachi Chipari Jesucristodepa mɨa mãrá chichupuria idiruma mɨ k'aripadait'a, Tachi Ak'õrea ɨt'aa chiididamẽrá.