Gálata 5:21 - Tachi Ak'õre Pedea

²¹ waapẽarãpa uru p'anɨ k'orea piawẽa k'ɨ̃risiapataɨ, mĩa peapataɨ, piu nipapataɨ, arapaapataɨ ewari oo p'anɨne minachia nemietá oopataɨ mãɨnepa nejõma nemietá mãɨ jĩra be sida. Mɨa mãrá naena jarada jĩra mãicha jararuma: mãɨ nemietá oo be Tachi Ak'õre juade p'ananaiwẽma, ichidirã paara.

Gálata 5:21 Referans Kwoze

Romano 13:13

Tachi jĩp'a nipadai p'anɨma ãst'á nipapata jĩra. Arapá oopataɨ tiidá it'ua tode wãnaiwẽa p'anɨma, tachi k'ak'uadepa nemietá oo p'ananaiwẽa p'anɨma, k'ĩruu pedea p'ananaiwẽa p'anɨma, mãɨnepa abaɨpa uru bɨ k'orea piawẽa k'ɨ̃risiadaiwẽa p'anɨma.

Romano 8:13

Mãra nãɨ k'ak'uapa oo k'ɨ̃ria bɨdepa nipadaipɨra piudaipɨ. Maamina chi nãɨ k'ak'uapa nemietá oo k'ɨ̃ria bɨt'a Tachi Ak'õre Jaoredepa itu bɨdaipɨra, Tachi Ak'õre ome chok'ae p'ananaipɨ.

Ep'esio 5:18

It'uapa piu niparãt'ɨ. Mãɨpa nemietá atepe oopiparima. Piu nipadai k'aepẽra Tachi Ak'õre Jaoredepa p'anat'ɨ.

1 Corintio 5:11

Mãɨpari mɨa mãrá bɨsima parituapa ara ichi ũpẽaane aipɨra, maamina awaraɨ ome k'ãipataɨde nipaipɨra, erreara awaa baipɨra, juapa oodada sãdo k'ĩrari ɨt'aa chiidi baipɨra, seadepa waapẽarã k'orea k'achia pedea baipɨra, piu nipaipɨra, wa nechɨaparí baipɨra, makɨɨ ẽpẽra ome ará p'ananaiwẽa p'anɨ mãɨnepa ará nek'odaiwẽa p'anɨ.

Apocalipsi 21:27

Maamina ãarea chi Tachi Ak'õrepa pia unuk'apɨ́ chi p'uurude eda p'ue ateewãnaiwẽma. Chi nemietá oopataɨrã mãɨnepa chi seajarapataɨrã eda wãnaiwẽma. Abapuru chi ewaricha chok'ae p'ananai k'art'ade chi t'ɨ̃ bɨ berã mãɨrã p'ue eda wãnaipɨ. Mãɨ k'art'a chi Oveja Chak'epa uru bɨma.

1 Pedro 4:3

Naena mãrapa nemietá oo p'anapachidama, chi Tachi Ak'õrene ĩjãanak'apɨɨrãpa oopata jĩra. ¡Waa mãɨya oorãt'ɨ! Waapẽarã taade ne k'ĩra p'era oo oopachidama, nãɨ k'ak'uapa nemietá oo k'ɨ̃ria bɨ oopachidama, piu nipapachidama, arapá oopataɨde minachia nemietá oopachidama, waapẽarã paara it'ua minachia topachidama mãɨnepa tachi juapa oodada sãdo k'ɨ̃riapachidama. Mãɨ Tachi Ak'õrepa k'ɨ̃riak'ama.

Colosense 3:6

Jõma mãɨ k'achia k'orea Tachi Ak'õrepa ichide ĩjãanak'apɨɨrã ɨtɨaipɨ.

1 Tesalonicense 5:7

Chi k'ãi berã teamasi k'ãipatama mãɨnepa chi it'ua to berã teamasi it'ua topatama.

1 Corintio 15:50

Ũpẽarã, mɨa nãɨ jararuma: nãɨ ĩjũanepema k'ak'ua Tachi Ak'õre juade p'ue baiwẽma, ichidirã paara. Chi beraaparí k'ak'ua chi beraak'apɨ́ k'ak'uamá p'ue baiwẽma.

Apocalipsi 22:15

Maamina chi nemietá oopataɨrã, chi ẽpẽra nɨɨpataɨrã, chi k'ĩranejasia oopataɨrã, chi mĩa peapataɨrã, chi juapa oodada sãdode ĩjãapataɨrã, mãɨnepa seajarapataɨrã ãarea awara tuaneenaipɨ.

Mateo 25:34

Maapae mɨ, chi Minachia k'awa bɨpa juaraari p'anɨrã́ nãɨya jaraipɨ: “Mãra, mɨ Ak'õrepa pia beepidaɨrã, chet'ɨ. Ichi p'uurude pia p'anat'ɨ. Nãɨ ĩjũa oosiedapema mãɨ p'uuru mãra pae oo basima.

Luca 21:34

»Jĩrak'aua p'anat'ɨ Tachi Ak'õre itu bɨdaemaapa. It'ua to p'anarãt'ɨ, ne k'ɨ̃risiawẽa p'anat'ɨ mãɨnepa tachi k'ak'uapa oo k'ɨ̃ria bɨ oorãt'ɨ. Jĩrak'aua p'ananaepɨra, ãnimara k'idap'ede baepari jĩra, mãɨ jĩra mãra atua p'anɨne mɨ mãicha cheipɨ. Mãɨ ewari cherude nãɨ ĩjũanepemarã ãarea sõ pará p'ananaipɨ.

Hebreo 13:4

Ãareaɨrãpa ãchi k'ima ome pia p'ananai k'orea minachia k'ɨ̃risiat'ɨ. Tachi k'ak'uadepa nemietá oopataɨ mãɨnepa k'ima awaraɨ ome k'ãipataɨ Tachi Ak'õrepa ɨtɨai pẽra abapuru mãra k'ima ome k'ãinai p'anɨma.

2 Tesalonicense 2:5

Mãramá baside mɨa ¿mãɨ k'orea jaraé pasik'ãra? ¿K'ɨ̃risiadawẽk'ãra?