Gálata 5:19 - Tachi Ak'õre Pedea

¹⁹ Tachia chi nãɨ k'ak'uapa nemietá ooparí minachia k'awa p'anɨma. Nãɨpɨ: k'ima awaraɨ ome k'ãipataɨ, ne k'ĩra p'era oopataɨ, chi ne wawaria ome ne k'ĩra p'era ooyá p'anapataɨ,

Gálata 5:19 Referans Kwoze

Apocalipsi 21:8

Maamina chi mɨ ome wãnai k'orea wap'eapataɨrã, chi mɨne ĩjãanak'apɨɨrã, chi mɨa k'ɨ̃riak'at'a oopataɨrã, chi mĩa peapataɨrã, chi k'ĩranejasia oopataɨrã, chi ẽpẽra nɨɨpataɨrã, chi juapa oodada sãdode ĩjãapataɨrã mãɨnepa chi seajarapataɨrã azup're t'ɨpɨ urua nɨbɨde minachia mĩa p'ananaipɨ. Mãɨ chi bari k'ak'o ume piusiade apatama».

Gálata 6:8

Mãɨ k'orea nãɨ k'ak'uapa nemietá oo k'ɨ̃ria bɨ abaɨpa oo bɨpɨra, Tachi Ak'õrepa mãɨ ẽpẽra ɨtɨaipɨ. Maamina Tachi Ak'õre Jaorepa k'ɨ̃ria bɨ abaɨpa oo bɨpɨra, Tachi Ak'õrepa mãɨ ẽpẽra ewaricha ichi ome chok'ae bɨipɨ.

Tito 3:3

Piarã naena tachi sida k'ɨ̃risia piawẽa p'anasidama, Tachi Ak'õrene ĩjãanawẽa p'anasidama mãɨnepa piawẽa k'ɨ̃risia p'anasidama. Tachia nemietá oo k'ɨ̃ria berã mãɨnepa arapá oo k'ɨ̃ria berã, chipari pae pari mimiaparí jĩra jõma oopachidama. Paritua k'achiade nipapachidama, chĩarapa uru bɨ k'orea sõpiawẽa p'anapachidama, chĩarapa tachi unuemaapachidama, mãɨnepa tachia chĩara unuemaapachidama.

1 Corintio 3:3

Mãra wapida nãɨ k'ak'uapa oo k'ɨ̃ria bɨ jĩra nipapatama: waapẽarãpa uru bɨ k'orea piawẽa k'ɨ̃risiapatama mãɨnepa k'ĩruu pedeapatama. Mãɨya p'anɨ pẽra ¿nãɨ k'ak'uapa oo k'ɨ̃ria bɨ jĩra nipapatawẽk'ãra? ¿Nãɨ ĩjũanepemarã jĩra p'anɨwẽk'ãra?

Romano 8:13

Mãra nãɨ k'ak'uapa oo k'ɨ̃ria bɨdepa nipadaipɨra piudaipɨ. Maamina chi nãɨ k'ak'uapa nemietá oo k'ɨ̃ria bɨt'a Tachi Ak'õre Jaoredepa itu bɨdaipɨra, Tachi Ak'õre ome chok'ae p'ananaipɨ.

Romano 8:5

Chi nãɨ k'ak'uapa nemietá oo k'ɨ̃ria bɨdepa nipapataɨrãpa abapuru nãɨ k'ak'uapa oo k'ɨ̃ria bɨt'a k'ɨ̃risiapatama. Maamina Tachi Ak'õre Jaoredepa nipapataɨrãpa Ichia k'ɨ̃ria bɨt'u k'ɨ̃risiapatama.

Apocalipsi 22:15

Maamina chi nemietá oopataɨrã, chi ẽpẽra nɨɨpataɨrã, chi k'ĩranejasia oopataɨrã, chi mĩa peapataɨrã, chi juapa oodada sãdode ĩjãapataɨrã, mãɨnepa seajarapataɨrã ãarea awara tuaneenaipɨ.

1 Corintio 6:18

Awaraɨ ome mi ãpia pida k'ãirãt'ɨ. Nemietá awara ooipɨra, mãɨpa tachi k'ak'ua mietá beepiiwẽma. Maamina k'ak'uadepema nemietá ooipɨra, tachi k'ak'ua piawẽa beeipɨ.

Gálata 5:17

Nãɨ k'ak'uapa nemietá oo k'ɨ̃ria bɨt'a Tachi Ak'õre Jaorepa k'ɨ̃riak'ama. Mãɨnepa Tachi Ak'õre Jaorepa oopi k'ɨ̃ria bɨ nãɨ k'ak'uapa k'ɨ̃riak'ama. Ãchi ará pia p'ananak'a pẽra mãrapa oo k'ɨ̃ria p'anɨ p'ue oodaiwẽma.

Gálata 5:13

Ũpẽarã, Tachi Ak'õrepa mãra t'ɨ̃sima ãjã́ pari p'ananamẽrá. Maamina k'aripada pẽra k'ɨ̃risiarãt'ɨ mãra k'ak'uapa k'ɨ̃ria bɨ jĩra oodai p'anɨt'a. Mãɨpari piarã k'ɨ̃ria p'anɨnepa chi k'aripat'ɨ.

Romano 8:9

Maamina Tachi Ak'õre Jaore piarã mãra sõne bɨ pẽra, ichidepa nipapatama. Nãɨ k'ak'uapa oo k'ɨ̃ria bɨdepa nipadak'ama. Piarã chi Cristo Jaore nea bɨt'a Cristodewẽma.

Romano 7:18

Mɨa k'awa bɨma mɨ sõne nepia newẽma. Pia jaraipɨra, mɨ nãɨ k'ak'uade bɨ pẽra ara mɨchia k'ɨ̃ria bɨdepa nepia p'ue ook'ama. Mɨa pia oo k'ɨ̃ria bɨmina p'ue ook'ama.

Romano 7:5

Tachi nãɨ k'ak'uapa oo k'ɨ̃ria bɨdepa nipasidaɨde Moisepa bɨdade jara bɨ k'orea nemietá atepe ooi k'ɨ̃riasidama. Mãɨne nemietá oo p'anɨ k'orea piudai p'anasidama.

Juan 3:6

Tachi naepa t'õna nãɨ k'ak'uadepa chedapɨ, maamina mãicha t'õna Tachi Ak'õre Jaoredepa t'õnapɨ.

Romano 8:3

Moisepa bɨdapa tachi nemietaadepema p'ue pari ãjã́ bɨé pasima. Nãɨ k'ak'uapa oo k'ɨ̃ria bɨdepa nipapataɨrãpa mãɨ Moisepa bɨda oodai k'aepẽra nemietá oopatama. Maamina Tachi Ak'õrepa ichi Warra peesima tachi chi nemietá oopataɨrã jĩra bamẽrá. Mãɨne tachi nemietá pari piusima. Mãɨya Tachi Ak'õrepa nemietá tachi k'ak'uadepa oodada ɨtɨasima.

Romano 7:25

Aba Tachi Ak'õrepuru Tachi Chipari Jesucristodepa mɨ k'aripaipɨ. Mãɨ k'orea mɨa ichiá pia bɨade aruma. Piarã mɨ k'ɨ̃risiade Moisepa bɨda oo k'ɨ̃ria bɨma, maamina nãɨ k'ak'uade bɨ pẽra nemietá mɨ sõne bɨpa nemietá oopiparima.

Hebreo 13:4

Ãareaɨrãpa ãchi k'ima ome pia p'ananai k'orea minachia k'ɨ̃risiat'ɨ. Tachi k'ak'uadepa nemietá oopataɨ mãɨnepa k'ima awaraɨ ome k'ãipataɨ Tachi Ak'õrepa ɨtɨai pẽra abapuru mãra k'ima ome k'ãinai p'anɨma.