Gálata 5:11 - Tachi Ak'õre Pedea

¹¹ Ũpẽarã, k'ak'ua tauchaadai p'anɨt'a mɨa wapida jaratea bɨpara, chi mãɨya jaratea berãpa mɨ piawẽa oodai k'orea ẽp'ẽnaiwẽ pasima. Mɨa mãɨya jaratea bɨpara ãchia Jesú k'urusude piudadepema piawẽa k'ɨ̃risiadaiwẽ pasima.

Gálata 5:11 Referans Kwoze

1 Corintio 1:23

Maamina taipa Cristo k'urusude piuda jaratea p'anɨma. Mãɨ pedea judiorãpa pia ũrinak'ama. Judiorãwẽpa mãɨ piawẽa bɨ k'ɨ̃risiapatama.

Gálata 6:12

Chi mãra k'ak'ua tauchaapi k'ɨ̃ria berãpa mãɨya oopatama, judiorãpa pia ununamẽrá mãɨnepa ãchia Cristo k'urusude piuda k'orea jaratea p'anɨ k'orea mĩapidaemaapa.

Gálata 4:29

Abrahán ewaride Ismael, chi paritua warra jĩra t'õnapa piawẽa oopachima Isaat'a, chi Tachi Ak'õre Jaore jua chaareadepa t'õnat'a. Ara mãɨ jĩra idiapae pida Moisepa bɨdade berãpa Cristode ĩjãa be piawẽa oopatama.

Gálata 2:3

Mãɨne Tito mɨ ome bɨ judiowẽmina, ãchia jaradaé pasima ichi k'ak'ua tauchaai basit'a.

1 Corintio 15:30

Mãɨnepa piudada chok'ae p'irabaridawẽpɨra, ¿tai k'ãre k'orea Jesucristo pedea k'orea ewaricha k'achiade minachia mĩa p'anɨma?

Hecho 21:21

Maamina pɨ k'orea sea ũrisidama. Waapẽarãpa ãchiá jarasidama pɨa ãarea judiorã griego t'ãena berã́ Moisé itu bɨpi bɨt'a, ãchi warrarã k'ak'ua tauchaapik'at'a mãɨnepa awara tachi judiorãpa oopataɨ oopik'at'a.

Gálata 6:17

Chi Jesudepema pedea jaratea bɨ k'orea ẽpẽrarãpa mɨ piawẽa oosidama. Mɨ k'ak'ua k'õk'oadada pada ya anik'ari uru bɨma mãɨya unupii k'orea mɨ ichidit'a. Mãɨpuru idiipa waa mɨa k'ɨ̃riawẽma abaɨ pida mɨ waa ooit'a.

1 Corintio 1:18

Chi ẽpẽrarã t'ɨpɨ urua nɨbɨdea wãnai p'anɨrãmá, Cristo k'urusude piuda k'orea paritua pedea bɨ jĩra bɨma. Maamina tachit'u, chi Tachi Ak'õrepa k'aripapataɨrãpa k'awa p'anɨma mãɨ pedeapa Tachi Ak'õre jua chaarea k'awapi bɨt'a.

Hecho 21:28

Mãɨne jĩk'ua jara p'anasidama: «¡Israel ĩjũanepemarã, tai k'aripat'ɨ! Nãɨ ẽpẽrapa tuacha jaratea bɨma tachi israel ĩjũanepemarã, Moisepa bɨda mãɨnepa Tachi Ak'õre te minachia bɨ piawẽa bet'a. ¡Mãɨ awara griegorã Tachi Ak'õre te minachia bɨ edaria ateewãsima! ¡Nãɨ te abapuru Tachi Ak'õre pae bɨt'a mietá bɨsima!»

Hecho 16:3

Mãɨne Pablopa Timoteo ateewã k'ɨ̃ria basima. Maamina ãareaɨrãpa k'awa p'anasidama Timoteo ak'õre griego pasit'a. Mãɨpuru Pablopa Timoteo k'ak'ua tauchaasima judiorã mãɨ tuade berãpa ichi k'orea piawẽa k'ɨ̃risiapidaemaapa. Maapae wãsidama.

Gálata 3:1

Ũpẽarã Galacia tuadepemarã, ¡mãra k'ɨ̃risia newẽa p'anɨrãpɨ! ¿K'aipa mãra seasima chi piarã pedea itu bɨdamẽrá? Taipa mãrá jõma chi Jesucristo k'urusude piu bada k'orea pia jarateapachidama.