Gálata 4:30 - Tachi Ak'õre Pedea

³⁰ Maamina Tachi Ak'õre pedeade nãɨya bɨ bɨma: «Chi chipari pae pari mimiaparí wẽra mãɨnepa ichi warra ãyá jeret'aase. Chi chipari pae pari mimiaparí wẽra warrapa ichi ak'õrepa uru bɨ p'ue ataiwẽma. Mãɨpari chi chipari pae pari mimiapariwẽ wẽra warrapa mãɨ ataipɨ».

Gálata 4:30 Referans Kwoze

Juan 8:35

Chi chipari pae pari mimiaparí ichi chiparidirã ome ap'i baiwẽma, maamina chi chipari warra ichi ak'õre ome ewaricha baparima.

Santiago 4:5

Tachi Ak'õrepa tachi sõne bɨda Jaorepa k'ɨ̃ria bɨma aba Tachi Ak'õret'u k'ɨ̃ria p'ananamẽrá. ¿Mãrapa k'ɨ̃risia p'anɨk'ãra Tachi Ak'õre pedeade ara ichi k'ɨ̃ría mãɨya bɨpisit'a?

Gálata 3:22

Maamina Tachi Ak'õre pedeade bɨ bɨma nemietaapa jõmãɨrã eda serra uru bɨt'a. Mãɨya Jesucristopa ichi Ak'õrepa jarada oosi pẽra, chi ichide ĩjãautapa mãɨ Tachi Ak'õrepa teai jarada jitadaima.

Gálata 3:8

Chõarãena Tachi Ak'õre pedeade bɨ bɨma judiorãwẽpa Tachi Ak'õrene ĩjãasidara ichia ãchi ichidí jĩp'a berã paara bɨi pasit'a. Mãɨ k'orea chõarãena Tachi Ak'õrepa Abrahaná chi pedea pia pedeasima. Ichia nãɨya jarasima: «Pɨdepa mɨa nãɨ ĩjũane be p'uuru jõma k'aripaipɨ».

Romano 11:2

Tachi Ak'õrepa naena israel ĩjũanepemarã jɨrɨ atasima ichi p'uuru bamẽrá. Mãɨpuru ãchi itu bɨwẽa bɨma. Mãrapa Tachi Ak'õre pedeade Elía k'orea bɨda k'awa p'anɨma. Eliapa Tachi Ak'õrea israel ĩjũanepemarã k'orea nãɨya piawẽa pedeasima.

Romano 4:3

Tachi Ak'õre pedeade nãɨya jara bɨma: «Abrahanpa Tachi Ak'õrene ĩjãasima. Mãɨ k'orea Tachi Ak'õrepa ichi nepɨra newẽa bɨade a jarasima».

Gálata 4:22

Nãɨya bɨ bɨma: Abrahanpa warra ume uru basima. Chi Sara pae pari mimiaparí wẽra Agarpa warra aba t'õsima. Chi abaɨ warra chi chipari pae pari mimiak'apɨ́ Sarapa t'õsima.

Gálata 4:31

Mãɨpuru ũpẽarã, tachi chi chipari pae pari mimiaparí wẽra warrarã jĩra p'anɨwẽma. Mãɨpari chi chipari pae pari mimiapariwẽ warrarã jĩra p'anɨma.