Gálata 4:19 - Tachi Ak'õre Pedea

¹⁹ Ũpẽarã, mãra mɨ warrarã jĩra p'anɨpɨ. Mɨ mãicha mãra k'orea minachia mĩa bɨma wẽra warra t'õrune p'ua bɨ jĩra. Mɨ mãɨya minachia mĩa baipɨ aba mãra Cristo jĩra p'aneeutadea.

Gálata 4:19 Referans Kwoze

Romano 8:29

Mãɨ mãɨya bɨma, ichia naenaena k'awa basi pẽra k'airã ichidirã pait'a. Ãchi bɨsima ichi Warra Jesú jĩra p'ananamẽrá. Mãɨya ichi Warra Jesú ũpẽarã chok'ará p'anɨnepema chi naapemapɨ.

Ep'esio 4:13

aba jõmãɨrã Tachi Ak'õre Warrade ĩjãa p'anɨnepa mãɨnepa k'awa p'anɨnepa ará pia p'aneeutadea. Mãɨne tachi ne ãareaɨne Cristo jĩra p'ananaipɨ.

Romano 13:14

Mãɨpari Tachi Chipari Jesucristo nipada jĩra nipat'ɨ. Nãɨ k'ak'uapa nemietá oo k'ɨ̃ria bɨt'a oodai k'ɨ̃risiarãt'ɨ.

Ep'esio 4:24

Mãɨ k'ɨ̃risia chiwidi Tachi Ak'õrepa oosima mãra ichi jĩra p'ananamẽrá. Mãɨpuru p'aru chiwidi jɨ̃ p'anɨ jĩra k'ɨ̃risia chiwididepa nipat'ɨ. Mãɨya mãra Tachi Ak'õre k'ĩrari jĩp'a, pia nipadaipɨ chi piarã pedeapa jara bɨ jĩra.

Colosense 4:12

Chi mãra p'uurudepema Epap'rapa pia bapade a jara peeruma mãrá. Ichi Jesucristo pae pari mimiaparipɨ. Ichia ewaricha Tachi Ak'õrea ɨt'aa chiidi baparima mãra ne ãareaɨne choa p'ananamẽrá, minachia ĩjãa p'ananamẽrá mãɨnepa jõma Tachi Ak'õrepa oopi k'ɨ̃ria bɨ k'awadak'ari oodamẽrá.

Colosense 3:10

Neet'á chiwidi jɨ̃uta jĩra mãra chiwidi p'aneesidama ara Tachi Ak'õre jĩra p'ananamẽrá. Mãɨ awara mãra pia oopodoutama ichi jĩra p'aneenamẽrá mãɨnepa ichi pia k'awadamẽrá.

P'ilipense 2:5

Jesucristopa k'ɨ̃risia bada jĩra k'ɨ̃risiat'ɨ:

Santiago 1:18

Ichia k'ɨ̃riana pẽra ichi piarã pedeadepa tachi chok'ae bɨsima. Mãɨya chi ne uu ĩjũanepema naapema chauda ichiá teada jĩra tachit'u jõma ichia oodadepema ichi pae pia p'anɨma.

P'ilemón 1:10

Mɨa chichupuria idiruma pɨ pae pari mimiaparí Onésimo k'orea. Ichi mɨ warra jĩra bɨma. Mɨ nãma eda serra bɨde ichia mɨnepa Cristode ĩjãana pẽra mɨ warra jĩra beesima.

Colosense 1:27

Mãɨ pedea pia bɨt'a k'awapiwẽa bada ichidirã́ k'awapisima. Mãɨ pedea pia chi judiorãwẽ pae pida bɨma. Ichia k'awapiwẽa bada nãɨ: Cristo mãra sõne bɨma. Ichidepa k'awa p'anɨma ichi pia bɨdepema jitadaipɨ.

Colosense 2:1

Mɨa k'ɨ̃ria bɨma mãrapa nãɨ k'awadai: mɨ minachia mimia bɨma mãra Colosadepemarã, ũpẽarã Laodicea p'uurudepemarã mãɨnepa jõma ũpẽarã mɨ ununak'aɨ sida k'aripai k'orea.

P'ilipense 2:17

Tãaraawẽa bɨde mɨ Cristo k'orea peadai p'anɨma, uvaba Tachi Ak'õrea weateai jĩra. Ara mãɨya mãrapa Cristode ĩjãa p'anɨt'a ãnimara Tachi Ak'õrea paateai jĩra bɨma. Mãɨ k'orea mɨ mãra ome minachia arapá bɨma.

P'ilipense 1:8

Tachi Ak'õrepa k'awa bɨma mɨa Jesucristo minachia k'ɨ̃ria bɨdepa jõma mãra sida minachia k'ɨ̃ria bɨt'a.

1 Juan 5:21

Mɨ warrarã, juapa oodada sãdo bede ĩjãarãt'ɨ.

1 Juan 2:12

Warrarã, mɨa nãɨ k'art'a mãrá bɨruma Tachi Ak'õrepa Cristodepa mãra nemietá k'ɨ̃risia atuada pẽra.

1 Juan 2:1

Ũpẽarã, mãra mɨ warrarã jĩra p'anɨma. Mɨa mãɨ bɨruma mãrá nemietá oopidaemaapa. Maamina ẽpẽra abapa nemietá ooipɨra, aba uru p'anɨma Tachi Pajãnepema Ak'õrea tachi k'orea chichupuria idimẽrá. Mãɨ chichupuria idiparí Jesucristopɨ. Ne ãareaɨne jĩp'a ooparima.

Hebreo 5:7

Cristo nãɨ k'ak'uade baside ɨbɨa jẽa bɨpa Tachi Ak'õrea jĩk'ua chichupuria idisima, ichi piui bɨdepema p'ue k'aripai bada pẽra. Mãɨne chi Tachi Ak'õrepa k'ɨ̃ria bɨ jĩra ooyade ada pẽra, Tachi Ak'õrepa ichi pedea ũrisima.

Tito 1:4

Tito, mɨa nãɨ k'art'a pɨ pae bɨruma. Tachia abarik'a Cristode ĩjãa p'anɨ pẽra pɨt'a piarã mɨ warra jĩra bɨma. Mɨa k'ɨ̃ria bɨma Tachi Pajãnepema Ak'õrepa mãɨnepa Tachi Chipari Jesucristo pida ãchi sõpiadepa pɨ k'aripa p'ananait'a mãɨnepa ne k'ɨ̃risiawẽa p'anapiit'a.

P'ilemón 1:19

Ara mɨ juapa nãɨya bɨruma: ichi tee pará bada mɨa teaipɨ. ¡K'ɨ̃risiase, mɨnepa Cristode ĩjãana pẽra pɨa mɨá tee pará bɨt'a!

1 Timoteo 1:2

Timoteo, mɨa nãɨ k'art'a pɨ pae bɨruma. Mɨnepa Cristode ĩjãana pẽra pɨ piarã mɨ warra jĩra bɨma. Mɨa k'ɨ̃ria bɨma Tachi Pajãnepema Ak'õrepa mãɨnepa Tachi Chipari Jesucristo pida ãchi sõpiadepa pɨ k'aripa p'ananamẽrá, k'ĩra chupuria p'ananamẽrá mãɨnepa ne k'ɨ̃risiawẽa bapi p'ananamẽrá.

Luca 22:44

Jesú minachia sõp'ua nɨbada pẽra, Tachi Ak'õrea mãicha ɨt'aa chiidi basima. Mãɨne ichi jɨa oa jĩra ĩjũanea baesima.]

2 Corintio 12:14

Mɨ mãramá wãi k'orea bɨma. Nãɨpa bari k'ak'o ũpea paipɨ. Maamina mɨa idiwẽma mãrapa k'aripadamẽrá. Mãrapa uru be jɨrɨ bɨwẽma, mãɨpari mãrat'u k'ɨ̃ria bɨma. Warra chak'erãpa ne yaadak'ama ãchi ak'õrea mãɨnepa naea ne teadai k'orea, mãɨpari chi ak'õrerãpa ne yaapatama ãchi warrarã́ teadai k'orea.

1 Tesalonicense 2:7

Mãɨpari k'ɨ̃ria p'anɨnepa taipa mãra k'aripa p'anasidama chi naepa chi warra chak'erã ak'ɨpari jĩra.

3 Juan 1:4

Mɨ ũpẽarãpa chi piarãpẽa pedeade nina ũrirune mɨ minachia arapá baparima.