Gálata 4:17 - Tachi Ak'õre Pedea

¹⁷ Mãra t'ãena chi piawẽa jarateapataɨrãpa nejõma oo p'anɨma mãrapa ãchi pedea ĩjãanamẽrá. Maamina ãchia mãɨya oodak'ama mãra k'aripadai k'orea. Mãra taidepa ãyá atee k'ɨ̃ria p'anɨma sõnepa ãchi ome p'ananamẽrá.

Gálata 4:17 Referans Kwoze

Romano 16:18

Ãchia Tachi Chipari Jesucristopa k'ɨ̃ria bɨ oo p'anɨwẽma, mãɨpari ãchia k'ɨ̃ria p'anɨt'a oo p'anɨma. Ãchi pedea pia bɨdepa chi k'ɨ̃risiadawẽa berã seapatama.

2 Pedro 2:3

Erreara k'ɨ̃ria p'anɨ pẽra, mãra erreara atadai k'orea ara ãchi k'ɨ̃risiadepa sea jarateadaipɨ. Minachia tãaraaenapema Tachi Ak'õrepa ãchi nepɨra ak'ɨi k'orea bɨma, mãɨnepa tãaraawẽa bɨde ãchi piarã ɨtɨaipɨ.

1 Corintio 4:8

Tachi Ak'õrenepa jita k'ɨ̃ria p'anana mãrapa nejõma uru p'anɨane apatama. Tachi Ak'õrepa tea bɨ minachia uru p'anɨane apatama. Taiwẽa, mãra tuaba chi atepe k'awa p'anɨrã jĩra p'aneenayane a k'ɨ̃risia p'anɨma. Maamina mãɨyawẽma. Mãra piarã chi atepe k'awa p'anɨrã p'aneenaipara pia bai pasima. Mãɨya tai sida mãra ome ará chi atepe k'awa p'anɨrã p'aneenai pasima.

Romano 10:2

Mɨa jararuma ãchia Tachi Ak'õre piarã k'awa k'ɨ̃ria p'anɨ. Maamina Tachi Ak'õrepa k'ɨ̃ria bɨ k'orea piawẽa k'ɨ̃risia p'anɨma.

Mateo 23:15

»¡Mãra p'ariseorã, Moisepa bɨda jarateapataɨrã, chi pia jĩra berã, chupuri p'anɨma Tachi Ak'õrepa ɨtɨai pẽra! Nãɨ ĩjũane mãɨnepa seniane wãpatama mãrapa jarateade nipada abaɨa ĩjãapidai k'orea. Maamina mãɨ ẽpẽra mãra ome p'ɨrrɨaparí mãra k'aepea atepe k'achia beeipɨ mãɨnepa mãra k'aepea atepe t'ɨpɨ tau uruade paawãipɨ.

2 Pedro 2:18

Ãchia pedea auk'ará jarateapatamina, mãɨpa tachi k'aripak'ama. Ãchia jarateapatama nãɨ k'ak'uapa nemietá oo k'ɨ̃ria bɨ oodai p'anɨ. Mãɨya chi tãaraawẽa nemietaadepema wãnana berã ãchia seapatama mãicha nemietá oodamẽrá.

P'ilipense 2:21

Jõmãɨrãpa ara ãchi pia p'ananai jɨrɨpatama, Jesucristopa k'ɨ̃ria bɨ jɨrɨdai k'aepẽra.

2 Corintio 11:3

Maamina mɨa wap'ea bɨma waapẽarãpa mãra seadait'a taamapa k'ɨ̃risia k'awaadepa Eva seada jĩra. Mãɨyara mãrapa Cristode piarã sõnepa ĩjãa p'anɨt'a itu bɨdaipɨ.

1 Corintio 11:2

Ũpẽarã, ewaricha mɨ k'orea k'ɨ̃risia p'anɨ pẽra mãɨnepa mɨa jarateada ũri p'anɨ pẽra mãrá pia jararuma.

1 Corintio 4:18

Waapẽarã mãranepema chi atepe k'awa p'anɨrã jĩra nipadai p'anɨma, k'ɨ̃risia p'anɨ pẽra mɨ mãramá wãiwẽt'a.

Gálata 4:16

Mɨa piarãpẽa pedeadepa ɨtɨa bɨ pẽra ¿mɨ mãra ome chi nek'ĩramá paik'ãra?

Gálata 4:18

Piarã pia bɨma ewaricha k'ɨ̃risia pia sõnepa ĩjãa p'ananait'a. Maamina mãɨya p'ananaiwẽa p'anɨma mɨ aba mãra ome bɨdeepuru. Mãɨpari mɨ newẽne pida mãɨya ĩjãanai p'anɨma.