Biblia Todo Logo
Bib sou entènèt

- Piblisite -




Gálata 3:29 - Tachi Ak'õre Pedea

29 Mãra Cristodé pẽra piarã Abrahán warrarãpɨ. Mãɨpa Tachi Ak'õrepa mãra k'aripasima ichia Abrahaná tachi k'aripayade ada pẽra.

Gade chapit la Kopi




Gálata 3:29
26 Referans Kwoze  

Ichia k'awapiwẽa bada nãɨt'a: judiorãwẽpa pedea pia Cristo k'orea ĩjãa p'anɨnepa judiorã ome ará Tachi Ak'õrepa teaidepema jitadaipɨ, abarik'a k'ak'uade p'anɨma, mãɨnepa Tachi Ak'õrepa Jesucristodepa teai jarada ará uru p'anɨma.


Mãɨpa k'awadai p'anɨma chi piarã Tachi Ak'õrene ĩjãa berãt'a Abrahán warrarãpɨ.


Ichi warrarã pẽra Cristo ome ichia uru bɨdepema jitadaipɨ. Tachi piarã Cristo minachia mĩana jĩra minachia mĩa p'ananaipɨra, Tachi Ak'õrepa Cristo ome ará minachia pia bɨipɨ.


Mãɨya Tachi Ak'õrepa ichi sõpiadepa tachi jĩp'a unu bɨ pẽra ewaricha ichi ome chok'ae p'ananaipɨ. Mãɨ nɨ p'anɨma.


Nemietá p'uedaadarãpa jõma mãɨ atadaipɨ warrapa chi ak'õrené atapari jĩra. Mɨ ãchi Tachi Ak'õre paipɨ mãɨnepa mɨ warrarã p'ananaipɨ.


Mãɨpuru waa mãra chipari pae pari mimiapataɨrãwẽma, mãɨpari Tachi Ak'õre warrarãpɨ. Tachi Ak'õre warrarã pẽra ichi warrarã pae uru bɨt'a atadaipɨ.


Ũpẽarã mɨa k'ɨ̃ria berã, ¡ũrit'ɨ! ¿Tachi Ak'õrepa nãɨ ĩjũane nenea k'ede k'aripawẽk'ãra Jesucristode ĩjãanamẽrá? Mãɨya ãchi ẽpẽra ɨbɨa p'anɨ jĩra p'anɨma. Tachi Ak'õrepa ãchi ichi juade ua baipɨ. Mãɨya piarã jarasima, chi ichi k'ɨ̃ria berã́.


Mãrapa chi ɨ̃rɨpema ak'ɨ p'anɨma. Abaɨpa piarã Cristodé k'ɨ̃risia bɨpɨra, k'awa bai bɨma tai sida Cristoderã.


Ara mãɨ jĩra Tachi Ak'õrepa pia k'awapi k'ɨ̃riasima chi ichia teayade ada pada piarã jitadait'a mãɨnepa ichia k'ɨ̃risia bɨ jĩra piarã ooparit'a. Mãɨpuru ara ichi t'ɨ̃nepa piarã teayade asima.


Ara mãɨ jĩra Tachi Ak'õrepa Abrahaná, mãɨnepa chi ichidepa unui bɨa jarasima ichia jõmãɨrã k'aripait'a. Tachi Ak'õre pedeade bɨwẽa bɨma «Abrahanepa unui ẽpẽrarã» chok'ará ẽpẽrarã jara bɨ jĩra. Mãɨpari bɨ bɨma Tachi Ak'õrepa chi Abrahanepa unui bɨa mãɨya jarasit'a abapuru pedea bɨ pẽra. Mãɨ Cristopɨ.


Tachi Ak'õrepa Noea jarasima ne waidi unuk'á bet'a mãɨ ununait'a. Mãɨ Noepa ĩjãana pẽra, Tachi Ak'õre wap'ea bada pẽra p'ãp'orro minachia bɨt'a oosima, ichi ẽpẽerã k'aripai k'orea. Mãɨya chi nãɨ ĩjũane bea ãchi nemietá k'awapisima. Noepa ĩjãana pẽra Tachi Ak'õrepa ichi jĩp'a unusima.


Mãɨyara ¿Tachi Ak'õrepa ɨt'aripa peedaɨrã k'airãma? Mãɨrã ãarea Tachi Ak'õre pae p'anɨẽra, ãchi peeparima chi ichia k'aripai bɨɨrã mãɨrã ak'ɨ p'ananamẽrá.


Cristoderãpa chi nãɨ k'ak'uapa nemietá oo k'ɨ̃ria bɨt'a k'urusude barijira bɨk'ari peasidama.


Mãɨ jara bɨma judio griego ome abarik'a p'anɨma, chi chipari pae pari mimiaparí mãɨnepa chi chipari pae pari mimiak'apɨ́ ome abarik'a p'anɨma, mãɨnepa ɨmɨk'ĩra wẽra ome abarik'a p'anɨma. Jõma mãra ẽpẽra aba bɨ jĩra p'anɨma, Jesucristo ome ará p'anɨ pẽra.


Cristo naa chok'ae p'irabarisima. Ichi mãicha cherude ichidirã chok'ae p'irabaridaipɨ.


K'ɨ̃risiarãt'ɨ Abrahanepa chedaadarã pẽra Tachi Ak'õrepa ɨtɨaiwẽane arãt'ɨ. Mɨa mãrá jararuma: “Tachi Ak'õrepa k'ɨ̃riaipɨra, cha be mawaradepa Abrahanepa chedaadarã papik'oaipɨ”.


Moisepa bɨda oo p'anɨ k'orea ichia tachi k'aripaipɨra, ichia k'aripayade ada jĩra k'aripawẽma. Maamina Tachi Ak'õrepa Abrahán k'aripayade ada pẽra ichi sõpiadepa k'aripasima.


Mɨa jara bɨt'a nãɨ jĩra bɨma: warrapa ichi ak'õrené neet'á ãarea jitai bɨmina, ichi k'aepe bɨmisa, ichi ak'õre pae pari mimiaparí jĩra bɨma.


Mɨa k'ɨ̃ria bɨma jõma mɨa jara bɨ jĩra ĩjãa be Tachi Ak'õrepa k'ĩra chupuria bai mãɨnepa ne k'ɨ̃risiawẽa bapiit'a. Mãɨ ẽpẽrarã Tachi Ak'õrenepemarãpɨ.


Swiv nou:

Piblisite


Piblisite