Gálata 3:28 - Tachi Ak'õre Pedea

²⁸ Mãɨ jara bɨma judio griego ome abarik'a p'anɨma, chi chipari pae pari mimiaparí mãɨnepa chi chipari pae pari mimiak'apɨ́ ome abarik'a p'anɨma, mãɨnepa ɨmɨk'ĩra wẽra ome abarik'a p'anɨma. Jõma mãra ẽpẽra aba bɨ jĩra p'anɨma, Jesucristo ome ará p'anɨ pẽra.

Gálata 3:28 Referans Kwoze

Colosense 3:11

Tachi Ak'õrepa mãɨya ooda pẽra ichi k'ĩrari griego judio ome abarik'a p'anɨma. K'ak'ua tauchaa bɨ k'ak'ua tauchaawẽa bɨ ome abarik'a p'anɨma. Tua awaraɨdepema, ne atua bɨ ẽpẽra ome abarik'a p'anɨma. Chi chipari pae pari mimiaparí, mãɨ chi chipari pae pari mimiak'apɨ́ ome abarik'a p'anɨma. Cristo chi atepe piipará bɨma. Ichi jõmãɨrã sõne bɨma.

Gálata 5:6

K'ak'ua tauchaa bɨdepa wa k'ak'ua tauchaawẽa bɨdepa tachi Jesucristo ome ará bak'ama. Mãɨpari chi ichide ĩjãa bɨdepa ichi ome ará baparima mãɨnepa waapẽarã k'ɨ̃ria baparima.

Juan 10:16

Mɨa uru bɨma waapẽarã oveja nãɨ k'ãipataɨde p'anɨwẽ. Mãɨrã sida mɨa eda ateewãipɨ. Ãchia mɨ pedea ĩjãanaipɨ. Mãɨya ãareaɨrã ará p'ananaipɨ. Mãɨne ãchi ak'ɨparí aba bɨ baipɨ.

Ep'esio 4:4

Tachi k'ak'ua abapuru bɨma. Tachi Ak'õre Jaore abapuru bɨt'a uru p'anɨma. Tachi Ak'õrepa mãra t'ɨ̃sima abarik'a nɨ p'ananamẽrá.

Romano 9:24

Tachi mãɨ ẽpẽrarãnepemapɨ. Tachi Ak'õrepa tachi jõma t'ɨ̃sima. Eda waapẽarã judiorãma, ya eda waapẽarã judiorãwẽma,

Romano 1:16

Mɨ p'erak'ama chi pedea pia Jesú k'orea jarateai k'orea, chi mãɨ pedea ĩjãauta Tachi Ak'õrepa ichi jua chaareadepa jõma k'aripapari pẽra; naa judiorã mãɨnepa judiorãwẽ sida.

1 Corintio 7:19

K'ak'ua tauchaa bai atepe pia bɨwẽma. K'ak'ua tauchaawẽa bai sida atepe pia bɨwẽma. Tachi Ak'õrepa oopi bɨ pedea oo bai pia bɨma.

Juan 11:52

Maamina abapuru judiorã k'orea piuiwẽ pasima, mãɨpari ãarea Tachi Ak'õre warrarã nãɨ ĩjũane awara awará be p'uuru aba bɨi k'orea.

Juan 17:11

»Mɨ nãɨ ĩjũane waa baiwẽma maamina ãchi nãɨ ĩjũane p'aneenaipɨ. Ak'õre, pɨ minachia pia bɨma. Mɨ pɨmá wãru pẽra pɨ t'ɨ̃nepa ãchi minachia ak'ɨ base. Pɨ t'ɨ̃nepa, mɨ mãɨya jua chaarea beepisima, ãchi k'ak'ua aba bɨ jĩra p'ananamẽrá, tachi k'ak'ua aba p'anɨ jĩra.

1 Corintio 7:14

Mãɨ Jesude ĩjãawẽa bɨ ɨmɨk'ĩra Tachi Ak'õre pae beesima, ichi k'imapa ĩjãa bɨ pẽra. Ara mãɨ jĩra chi Jesude ĩjãawẽa bɨ wẽra Tachi Ak'õre pae beesima ichi k'imapa ĩjãa bɨ pẽra. Mãɨyawẽpara mãra warrarã Tachi Ak'õre pae p'ananaiwẽ pasima. Chi ak'õre mãɨnepa chi nae Tachi Ak'õre pae p'anɨ pẽra ãchi sida Tachi Ak'õre pae p'anɨma.

Romano 3:22

Mãɨya Tachi Ak'õrepa ara ichia jararut'a ooparima, mãɨ Jesucristo ichi piuside ichi Ak'õre pedea ũri basi pẽra. Mãɨya ichia chi ãarea Jesude ĩjãautat'a chi ichidirã jĩp'a berã paara bɨparima. Aba pida k'ĩra awara unuk'ama.

Romano 8:1

Naapae tachi Cristo Jesú ome p'anɨ pẽra nepɨra mi ãpia pida pará p'anɨane a bɨwẽma.

Gálata 3:14

Mãɨyasima Tachi Ak'õrepa Jesucristodepa judiorãwẽ sida k'aripamẽrá ichia naena Abrahaná k'aripayade ada jĩra. Tachia Jesucristode ĩjãa p'anɨ pẽra Tachi Ak'õrepa ichi Jaore teai jarada jitasidama.

Gálata 3:26

Jesucristode ĩjãa p'anɨ pẽra jõma mãra Tachi Ak'õre warrarãpɨ.

Gálata 4:14

K'ɨdade beedamina mãrapa mɨ itu bɨdaé pasima mãɨnepa jeret'aadaé pasima. Mãɨpari mãrapa mɨá pia pedeasidama Tachi Ak'õrepa ɨt'aripa peedá mãrapa pia pedeauta jĩra mãɨnepa Jesucristoa pia pedeauta jĩra.

Gálata 5:24

Cristoderãpa chi nãɨ k'ak'uapa nemietá oo k'ɨ̃ria bɨt'a k'urusude barijira bɨk'ari peasidama.

Ep'esio 1:1

Mɨ Pablopɨ. Tachi Ak'õrepa k'ɨ̃riana pẽra mɨ Jesucristopa peedapɨ. Mɨa nãɨ k'art'a bɨruma jõma ẽpẽrarã Tachi Ak'õrenepemarã Jesucristode ĩjãa be Ép'eso p'uurudepemarã pae.

P'ilipense 1:1

Mɨ Pablopɨ. Timoteo mɨ ome bɨma. Tai Jesucristo pae pari mimiapataɨrãpɨ. Mɨa nãɨ k'art'a ũpẽarã P'ilipo p'uurudepemarã pae bɨruma: ũpẽarã ak'ɨpataɨrã, ũpẽarã k'aripapataɨrã mãɨnepa jõma ẽpẽrarã Tachi Ak'õrenepemarã Jesucristo ome berã pae.

Colosense 1:4

Taipa ũri p'anɨma mãrapa Jesucristode ĩjãa p'anɨt'a mãɨnepa jõma Tachi Ak'õre ẽpẽrarã minachia k'ɨ̃ria p'anɨt'a.

1 Timoteo 1:12

Tachi Chipari Jesucristopa mɨ jua chaarea bɨpisima ichi pedea jaratea bamẽrá. Ichia k'awasima mɨa nejõma jĩp'a ooit'a ichi pae. Mãɨpuru mɨ bɨsima ichia k'ɨ̃ria bɨt'a oo bamẽrá. Mãɨ k'orea mɨ sõpia bɨade aruma ichiá.

2 Timoteo 1:1

Mɨ Pablopɨ. Tachi Ak'õrepa, ichia k'ɨ̃riana pẽra mɨ Jesucristopa peedapɨ. Ichia mɨ peesima chi Tachi Ak'õrepa teai jarada chok'ae bai k'orea jarade wãmẽrá. Mãɨ chok'ae bai Jesucristodepa bɨpɨ.