Gálata 3:17 - Tachi Ak'õre Pedea

¹⁷ Mɨa nãɨya jara bɨma: Tachi Ak'õre Abrahán ome pedea ausima. 430 ãyo wãyá pak'ari Moisea ichia bɨda bɨpisima. Maamina chi ichi Abrahán ome naa pedea auda, mãɨ Moisepa bɨda ãyá bɨé pasima. Ãyá bɨdapara ichia k'aripayade ada ooiwẽ pasima.

Gálata 3:17 Referans Kwoze

2 Corintio 1:20

Piarã Tachi Ak'õrepa ooi jarada jõma Cristodepa ooparima. Mãɨ k'orea tachia Tachi Ak'õrea ɨt'aa chiidiutade Cristodepa piarãane apatama. Mãɨya ichi k'orea pia jara p'anɨma.

Romano 3:3

Maamina chi eda ãchidiidepemarãpa chi ãchia oodai p'anɨ jĩra oodaé pasima. ¿Mãɨ k'orea Tachi Ak'õrepa ooi jarada ooiwẽk'ãra?

Colosense 2:4

Jõma mãɨ mɨa jara bɨma mi ãpia pida piarã jĩra jara bɨdepa mãra seapidaemaapa.

Gálata 5:4

Chi eda mãranepemarãpa k'ɨ̃risiapatama mãɨ Moisepa bɨda oo p'anɨnepa Tachi Ak'õrepa chi jĩp'a berã paara bɨit'a. Cristo awara wãsidama mãɨnepa ichi sõpiadepa jĩp'a bɨ bada itu bɨsidama.

Gálata 3:15

Ũpẽarã, mɨa ne jara bɨdepa pedearuma: ẽpẽrapa waapẽarã ome pedea auda k'art'ade bɨk'ari ichi t'ɨ̃ mãɨ k'art'ade bɨsira, mi ãpia pida mãɨ pedea bɨda p'ue ãyá bɨdaiwẽma, mãɨnepa k'ɨ̃risia awara p'ue eda bɨdaiwẽma.

1 Corintio 1:17

Cristopa mɨ peé pasima ẽpẽrarã porochoa bamẽrá, mãɨpari peesima chi pedea pia ichi k'orea jarateamẽrá. Nãɨ ĩjũanepema k'ɨ̃risiadepa jarateawẽma, Cristo k'urusude piuda ara ichi pari piuda jĩra beepiemaapa.

Juan 1:17

Tachi Ak'õrepa naena Moisepa bɨda teasima, maamina Jesucristodepa tachiá k'awapisima ichi piarã sãmaasã́ bɨt'a mãɨnepa ichi sõpiadepa tachi minachia k'aripa bɨt'a.

1 Pedro 1:20

Nãɨ ĩjũa ooi naena Tachi Ak'õrepa Cristo jɨrɨ atak'ari nãɨ k'aadeapema ewaride peesima mãra pia p'ananamẽrá.

Hebreo 11:13

Mãɨrã ãarea Tachi Ak'õrene ĩjãa p'anɨ piusidama. Maamina Tachi Ak'õrepa teai jarada ãchia nãɨ ĩjũane jitadaé pasima. Maamina k'awasidama k'aadeapema ewaride ichia ãarea teait'a. Mãɨ k'orea arapaasidama mãɨnepa waapẽarã́ pia pedeasidama nãɨ ĩjũane ãchi tua awaraɨdepemarãt'a mãɨnepa tua awaraɨde p'ɨrrɨa bet'a.

Hebreo 7:18

Chi naa bɨda Tachi Ak'õrepa mãɨ itu bɨsima, mi ãpia pida k'aripaé pasi pẽra

Ep'esio 4:17

Mãrapa piarã oodamẽrá, mɨa Tachi Chipari t'ɨ̃nepa nãɨ jararuma: waa Tachi Ak'õrene ĩjãanak'apɨɨrã jĩra niparãt'ɨ. Ãchi k'ɨ̃risia piawẽa p'anɨnepa nipapatama.

Gálata 3:21

Mãɨya bɨpɨra Tachi Ak'õrepa ichi pedea bɨda Moisea bɨpiside ¿ichi Abrahán ome pedea auda itu bɨsik'ãra? ¡Mãɨyawẽma! Moisepa bɨdadepa tachi p'ue chok'ae p'ananaipara, abapuru mãɨ bɨda oo p'anɨnepa Tachi Ak'õrepa tachi chi jĩp'a berã paara bɨi pasima.

2 Corintio 9:6

Nãɨ k'ɨ̃risiat'ɨ: «Ãpia uurupa ãpia chauipɨ. Waibɨa uurupa waibɨa chauipɨ».

1 Corintio 10:19

Maamina mɨa sãdo piarãane a jarawẽa bɨma. Chi sãdorã́ ne k'iuru teada, chi tachia k'opataɨ k'iuru ara mãɨ jĩra bɨma.

1 Corintio 7:29

Ũpẽarã, mɨa nãɨ jara k'ɨ̃ria bɨma: nãɨ ewari jõpodoruma. Mãɨ k'orea naapae chi ũpẽarã k'ima uru berãpa Tachi Ak'õre ode wã p'anɨt'a itu bɨdaiwẽa p'anɨma ãchi k'ima ome p'ananai k'orea. Mãɨpari chi k'ima nea bɨ jĩra p'ananai p'anɨma.

1 Corintio 1:12

Pia jaraideepara, waapẽarã mãranepemarãpa jarapatama: «Mɨ Pablodé». Waapẽarãpa jarapatama: «Mɨ Apolodé». Waapẽarãpa jarapatama: «Mɨ Pedrodé». Mãɨnepa waapẽarãpa jarapatama: «Mɨ Cristodé».

Romano 3:25

Tachi Ak'õrepa Jesucristo bɨsima ichi oa ãrimẽrá tachi nemietá k'orea. Mãɨne ĩjãautade Tachi Ak'õrepa tachi nemietá k'ɨ̃risia atuaparima. Mãɨpa unupi bɨma Tachi Ak'õre jĩp'a bɨt'a tachi k'aripai k'orea. Cristo chei naena nemietá oodada Tachi Ak'õrepa ãarea choa bɨdepa ɨtɨawẽa basima.

Hecho 7:6

Mãɨnepa Tachi Ak'õrepa Abrahaná jarasima chi ichidepa cheutarã chĩara tuade p'ananait'a, mãma chĩara pae pari mimiapataɨrã p'aneenait'a mãɨnepa mãɨ ẽpẽerãpa ãchi ãyo k'ak'o cuatrociento mĩa uru p'ananait'a.

Gálata 5:16

Mãɨ k'orea mɨa jararuma: Tachi Ak'õre Jaoredepa nipat'ɨ. Mãɨyaipɨra mãra k'ak'uapa nemietá oo k'ɨ̃ria bɨt'a oodaiwẽma.

Ep'esio 2:12

Nãɨ k'ɨ̃risiat'ɨ: mãra naena Cristo newẽa p'anasit'a mãɨnepa Israeldepemarãwẽ pasit'a. Tachi Ak'õre ãchi ome pedea auside ichia mãrá mi ãpia pida teai jaraé pasima. Mãɨ awara mãra sãmaasã́ pia p'ananaiwẽa p'anasidama mãɨnepa nãɨ ĩjũane Tachi Ak'õre newẽa p'anasima.