Gálata 3:15 - Tachi Ak'õre Pedea

¹⁵ Ũpẽarã, mɨa ne jara bɨdepa pedearuma: ẽpẽrapa waapẽarã ome pedea auda k'art'ade bɨk'ari ichi t'ɨ̃ mãɨ k'art'ade bɨsira, mi ãpia pida mãɨ pedea bɨda p'ue ãyá bɨdaiwẽma, mãɨnepa k'ɨ̃risia awara p'ue eda bɨdaiwẽma.

Gálata 3:15 Referans Kwoze

Hebreo 9:17

Chi k'art'a bɨda wapida chok'ae bɨmisa chi jitai padapa mãɨ p'ue jitaiwẽma. Aba piuk'aripuru p'ue jitaipɨ.

Romano 6:19

Mɨa mãɨya pedea bɨma nãɨ k'ɨ̃risia jarateai k'orea. Mãɨya jaratea bɨma mãrapa mãɨ ãarea ará k'ɨ̃risia ãyá ũripidaemaapa. Piarã naena mãrapa ara mastu teasidama nemietá pae pari mimiapataɨrã p'ananai k'orea. Mãɨya mãrapa k'ĩra p'era oosidaɨde, jõma nemietá ewaricha atepe oo p'anapachidama. Maamina naapae Tachi Ak'õre pae pari mimiapataɨrã pẽra ara mastu teat'ɨ jĩp'a oodai k'orea. Mãɨya Tachi Ak'õre pae pia p'ananaipɨ.

Romano 3:5

Mɨ pedearuma ẽpẽrarã pedeapata jĩra. Chi eda waapẽarãpa jarapatama nemietá oo p'anɨnepa, chi Tachi Ak'õre jĩp'a bɨt'a unupipataade apatama. Mãɨne Tachi Ak'õrepa ɨtɨaipɨra, ichi jĩp'a bɨwẽane apatama. ¿Chi mãɨya jara p'anɨa k'ãre jaradaima? ¿Jaradaik'ãra Tachi Ak'õre jĩp'a bɨwẽt'a, tai ɨtɨai pẽra?

1 Corintio 15:32

Ép'eso p'uurude Tachi Ak'õre pedea jarateai k'orea mɨ minachia mĩasima ãnimara k'achia be ome chõo bɨ jĩra. Piudada chok'ae p'irabaridawẽpɨra, ¿mɨ minachia mĩana k'orea k'ãre piat'a atasima? Piarã tachi chok'ae p'irabaridawẽpɨra, pia bɨma oodai waapẽarãpa jarapata jĩra: «Pia nek'odaipɨ, it'ua todaipɨ nũ piudai pẽra».

Hecho 1:15

Mãɨya p'anɨne ewariaba Pedro chi ũpẽarã esa bai nɨbeesima chi ẽpẽerã́ pedeai k'orea. Ãchi 120 p'anasidama. Mãɨne jarasima:

Romano 1:13

Ũpẽarã, mɨa k'ɨ̃ria bɨma mãrapa k'awadait'a piarã bari k'ak'o minachia mãramá wãi k'ɨ̃risia basit'a. Maamina wapida p'ue wãwẽa bɨma. Mãramá wã k'ɨ̃ria bɨma mɨa jaratea bɨdepa mãmapemarãpa Jesucristode ĩjãanamẽrá waapẽarã tuadepemarãpa ĩjãanana jĩra.

Gálata 6:18

Ũpẽarã, mɨa k'ɨ̃ria bɨma Tachi Chipari Jesucristopa ichi sõpiadepa ãarea mãra k'aripa bait'a. Mãɨya beese.

Hebreo 6:13

Tachi Ak'õre k'aepẽra chi atepe bɨ newẽma. Mãɨpuru Abrahán ome pedea auside ara ichi t'ɨ̃nepa piarã k'aripayade asima.

Hebreo 6:16

Ẽpẽrarãpa piarãnepa jarautade ãchi k'aepẽra chi atepe bɨ t'ɨ̃nepa mãɨya jarapatama. Mãɨne abaɨ pida p'ue mãɨ seade adak'ama.