Gálata 3:14 - Tachi Ak'õre Pedea

¹⁴ Mãɨyasima Tachi Ak'õrepa Jesucristodepa judiorãwẽ sida k'aripamẽrá ichia naena Abrahaná k'aripayade ada jĩra. Tachia Jesucristode ĩjãa p'anɨ pẽra Tachi Ak'õrepa ichi Jaore teai jarada jitasidama.

Gálata 3:14 Referans Kwoze

1 Corintio 12:13

Chi eda tachidiidepemarã tachi judiorãpɨ, chi eda tachidiidepemarã judiorãwẽpɨ, chi eda tachidiidepemarã chi chipari pae pari mimiapataɨrãpɨ, chi eda tachidiidepemarã chi chipari pae pari mimiapataɨrãwẽpɨ. Maamina chi ara Tachi Ak'õre Jaore aba bɨpa tachi jõmãɨrã k'ak'ua aba bɨde bɨsima. Jõma tachia chi Jaore abarik'a bɨ jitasidama.

Ep'esio 2:18

Cristodepa tachi umeepa abarik'a tachi Pajãnepema Ak'õremá naa p'ue chedaipɨ, ichi Jaore aba bɨdepa.

Gálata 3:2

Mɨa nãɨ mãrá idiruma: Tachi Ak'õre Jaore jitasidaɨde, ¿mãrapa Moisepa bɨda oo p'anasidak'ãra? Wa ¿chi pedea Jesú k'orea ũrinak'ari ĩjãasidak'ãra?

Hecho 2:33

Tachi Ak'õrepa ichi juaraari Jesú chi atepe bɨ bɨsima. Maapae ichi Jaore teai jarada Jesua teasima, ichiaba ichidirã́ teamẽrá. Jesupa mãɨ Jaore piarã taiyá teasima. Chi mãrapa unu p'anɨt'a mãɨnepa ũri p'anɨt'a ichi Jaorepa mãɨya oopi bɨma.

1 Pedro 1:22

Chi piarã pedea oo p'anɨ pẽra mãra nemietaawẽa p'aneesidama. Mãɨpuru ũpẽarã piarã k'ɨ̃ria p'anɨma. Sõnepa piarã minachia chi k'ɨ̃ria p'anat'ɨ.

Juan 7:39

Jesupa makɨɨdepa k'awapisima chi ichide ĩjãautapa Tachi Ak'õre Jaore atadait'a. Mãɨ ewaride Tachi Ak'õre Jaore waidi chewẽa basima Jesú waidi pajãnea wãwẽa badadeepuru.

Ep'esio 4:30

Nemietá oo p'anɨpa Tachi Ak'õre Jaore sõp'uapirãt'ɨ. Tachi Ak'õrepa ichi mãrá teasima ichidirã k'awadamẽrá. Ichi Jaore mãra ome baipɨ aba Tachi Ak'õrepa ichi ẽpẽrarã jõma pia bɨi ewaridea.

Ep'esio 3:16

Mɨa ɨt'aa chiidi bɨma ichi Jaoredepa mãɨnepa ichia ne minachia pia bɨdepema mãra sõne jua chaarea p'anapimẽrá. Mãɨya mãra chaarea p'ananaipɨ.

Ep'esio 2:22

Cristo ome p'anɨ pẽra mãra sida jõma ẽpẽrarã Tachi Ak'õrenepemarã paara, te aba bɨ jĩra p'anɨma. Mãɨ tede Tachi Ak'õre ichi Jaoredepa baparima.

Gálata 4:6

Mãra Tachi Ak'õre warrarã pẽra ichi Warra Jaore peesima mãra sõne bamẽrá. Ichi Jaore tachi sõne bɨpa «¡Mɨ Ak'õre!» aparima, tachi Ichi warrarã k'awadamẽrá.

Gálata 3:16

Ara mãɨ jĩra Tachi Ak'õrepa Abrahaná, mãɨnepa chi ichidepa unui bɨa jarasima ichia jõmãɨrã k'aripait'a. Tachi Ak'õre pedeade bɨwẽa bɨma «Abrahanepa unui ẽpẽrarã» chok'ará ẽpẽrarã jara bɨ jĩra. Mãɨpari bɨ bɨma Tachi Ak'õrepa chi Abrahanepa unui bɨa mãɨya jarasit'a abapuru pedea bɨ pẽra. Mãɨ Cristopɨ.

2 Corintio 1:22

Ichi Jaorepa tachicha tauchaapisima ichidirã k'awadamẽrá. Mãɨnepa tachi sõne bɨsima k'awadamẽrá jõma ichia teai jarada piarã atadaipɨ.

Hecho 5:32

Mãɨ taipa ara jarapatama. Tachi Ak'õre Jaore pida abarik'a jaraparima. Tachi Ak'õrepa ichi Jaore chi ichide ĩjãapataɨrã́ teaparima.

Hecho 4:12

Abapuru Jesupa tachi p'ue k'aripaipɨ. T'ɨ̃ awara waa newẽma mãɨ t'ɨ̃neepuru nãɨ ĩjũane tachi ẽpẽerã k'aripamẽrá.

Luca 24:49

Piarã mɨa mãramá mɨ Ak'õrepa ichi Jaore teai jarada peeipɨ. Mãɨpuru mãra nãma Jerusalene nɨp'aneet'ɨ aba ichi pajãnepa jua chaarea bɨ jitautadea.

Luca 11:13

Mãra chi k'achia berãpa mãra warrarã́ nepia tea k'awa p'anɨpɨra, ¿mãra Ak'õre pajãne bɨpa chi idi p'anɨa ichi Jaore teaiwẽk'ãra?

1 Pedro 3:9

Abaɨ pida mãra piawẽa oosira ara mãɨya oorãt'ɨ. K'achia pedeasira ara mãɨya k'achia pedearãt'ɨ. Mãɨpari ɨt'aa chiidit'ɨ Tachi Ak'õrepa ichi k'aripamẽrá. K'awa p'anɨma Tachi Ak'õrepa mãra atasit'a, mãɨya p'ananamẽrá. Mãɨya p'ananaipɨra, Tachi Ak'õrepa mãra sida k'aripaipɨ.