Gálata 2:21 - Tachi Ak'õre Pedea

²¹ Tachi Ak'õrepa ichi sõpiadepa oodat'a mɨa itu bɨwẽma. Moisepa bɨda oo p'anɨnepa chi jĩp'a be paara p'ananaipara, Cristo pari piui pasima.

Gálata 2:21 Referans Kwoze

Romano 11:6

Mãɨya Tachi Ak'õrepa ichi sõpiadepa jɨrɨ atasipɨra, taipa oo p'anɨ k'orea jɨrɨ ataé pasima. Taipa oo p'anɨ k'orea jɨrɨ atadapara, mãɨyara ichi sõpiadepa jɨrɨ ataiwẽ pasima.

Gálata 3:21

Mãɨya bɨpɨra Tachi Ak'õrepa ichi pedea bɨda Moisea bɨpiside ¿ichi Abrahán ome pedea auda itu bɨsik'ãra? ¡Mãɨyawẽma! Moisepa bɨdadepa tachi p'ue chok'ae p'ananaipara, abapuru mãɨ bɨda oo p'anɨnepa Tachi Ak'õrepa tachi chi jĩp'a berã paara bɨi pasima.

Hebreo 7:11

Tachi Ak'õrepa Moisepa bɨda Israeldepemarã́ teaside Levidepa chedada p'aarerã bɨsima mãɨ p'aarerã padamẽrá. Mãɨ p'aarerãpa oo p'anɨnepa ẽpẽrarã Tachi Ak'õremá orrobaridaipara, ¿k'ãre k'orea Aarón awara p'aare Melkisedé jĩra bɨ chei pasima?

1 Corintio 15:14

Cristo chok'ae p'irabariwẽpɨra, mãɨyara taipa pari jaratea p'anɨma mãɨnepa mãrapa pari ichide ĩjãa p'anɨma.

Gálata 2:16

Maamina tachia k'awa p'anɨma Tachi Ak'õrepa ẽpẽra aba pida bɨwẽma chi jĩp'a be paara, mãɨ Moisepa bɨda oo bɨ pẽra. Mãɨpari Jesucristopa mãɨ bɨda jĩra jõma ooda k'orea, Tachi Ak'õrepa tachi bɨparima chi jĩp'a be paara. Mãɨpuru tachia pida Jesucristode ĩjãasidama, mãɨnepa Jesucristode ĩjãa bɨ k'orea mãɨya chi jĩp'a be paara p'anapatama, Ichia mãɨ bɨda jĩra jõma ooda k'orea. Piarã Moisepa bɨda oo p'anɨnepa Tachi Ak'õrepa tachi bɨk'ama chi jĩp'a be paara.

Romano 10:3

Ãchia k'awadak'ama sãmaasã́ Tachi Ak'õrepa ẽpẽrarã ichi p'uuru jĩp'a bɨ paara bɨit'a, ichia jarada jĩra. Mãɨ itu bɨdak'ari ara ãchia oo p'anɨnepa jɨrɨ p'anɨma Tachi Ak'õre p'uuru jĩp'a bɨ padai k'orea.

1 Corintio 15:2

Mɨa jarateada piarã ĩjãa p'ananaipɨra, Tachi Ak'õrepa k'aripaipɨ. Mãɨyawẽpɨra, machia pari ĩjãasidama.

Gálata 2:18

Mɨa Moisepa bɨda itu bɨk'ari, ya mãicha ĩjãa baipɨra, mɨt'u nepɨrade beeipɨ mãɨ bɨda itu bɨsi pẽra.

Romano 8:31

¿Mãɨ k'orea sãmaasã́ k'ɨ̃risia p'anɨma? Tachi Ak'õre tachi lawari bɨ pẽra ¿k'aipa tachi p'ueima?

Marco 7:9

Mãɨ awara Jesupa jarasima: —Mãramá pia bɨma Tachi Ak'õrepa oopi bɨ pedea awara bɨdait'a, ara machia oopataɨ oodai k'orea.

1 Corintio 15:17

Cristo chok'ae p'irabaridawẽpara, mãrapa pari ichide ĩjãanai pasima mãɨnepa wapida nemietaade p'ananai pasima.

Romano 4:25

Ichia Jesú bɨsima tachi nemietá k'orea piumẽrá. Maapae piu badadepa chok'ae p'irabaripisima tachi chi ichidirã jĩp'a berã paara bɨi k'orea.