Gálata 2:17 - Tachi Ak'õre Pedea

¹⁷ Tachia jɨrɨsidama Cristodepa Tachi Ak'õrepa tachi chi jĩp'a be paara bɨmẽrá. Mãɨpuru waapẽarãmá, tachi nemietá oopataɨrãpɨ, chi Moisepa bɨda amaanana pẽra. Mãɨyara ¿Cristopa tachiá nemietá oopi bɨk'ãra? ¡Mãɨyawẽma!

Gálata 2:17 Referans Kwoze

1 Juan 3:5

Maamina mãrapa k'awa p'anɨma Jesucristo nãɨ ĩjũanea chesit'a tachi nemietá ãyá bɨi k'orea. Ichi mi ãpia pida nemietá newẽma.

Gálata 2:15

Judiorãwẽpa Moisepa bɨda nea p'anɨ pẽra tachi judiorãpa ãchi nemietá oopataɨrãne apatama. Tachi t'õnaananepa judiorã pẽra mãɨ Moisepa bɨda uru p'anɨma.

Romano 11:7

¿Mãɨnepema sãmaasã́ k'ɨ̃risia p'anɨma? Israel ĩjũanepemarãpa Tachi Ak'õre p'uuru padai jɨrɨ p'anamina, mãɨya oodaé pasima. Maamina israel ĩjũanepemarã chok'araawẽa p'anɨpa ĩjãasidama, Tachi Ak'õrepa jɨrɨ atada pẽra. Waapẽarãpa ĩjãanai k'ɨ̃rianaé pasima.

Hebreo 8:2

mãɨnepa chi Pajãne Tachi Ak'õre tede eda mimiaparima. Mãɨ chi piarãpẽa te ãnimara e oodapɨ. Ẽpẽrapa mãɨ ooé pasima, mãɨpari Tachi Chiparipa mãɨ oosima.

Gálata 3:21

Mãɨya bɨpɨra Tachi Ak'õrepa ichi pedea bɨda Moisea bɨpiside ¿ichi Abrahán ome pedea auda itu bɨsik'ãra? ¡Mãɨyawẽma! Moisepa bɨdadepa tachi p'ue chok'ae p'ananaipara, abapuru mãɨ bɨda oo p'anɨnepa Tachi Ak'õrepa tachi chi jĩp'a berã paara bɨi pasima.

Gálata 2:11

Ewariaba Pedro Antioquía p'uurudea ũpẽarã ak'ɨde wãsima. Mãma jõmãɨrã ũpẽarã k'ĩrari mɨa ichi ɨtɨasima, ichia piarã piawẽa ooda pẽra.

Romano 15:8

Mɨa jararuma: Cristo chesima tai judiorã k'aripai k'orea. Tachi Ak'õrepa judiorã chõarãenapemarã ome pedea bɨda Cristopa oosima. Mãɨpa unupisima Tachi Ak'õrepa jara bɨ jĩra ooparit'a.

Romano 3:6

¡Piarã mãɨyawẽma! Tachi Ak'õre mãɨya jĩp'a bɨwẽpara, ¿sãmaasã́ nãɨ ĩjũanepemarã nepɨra ak'ɨi pasima?

Romano 3:4

Mãɨyawẽma. Tachi Ak'õrepa ooi jarada piarã jõma ooipɨ. Ẽpẽrarã seajarapatamina Tachi Ak'õrepa ooparima ichia jara bɨ jĩra. Ichi Pedeade nãɨya bɨ bɨma: «Jõmãɨrãpa k'awadaipɨ pɨa jara bɨ jĩp'a bɨt'a; abaɨ pida pɨ k'orea k'achia pedearude pɨa k'awapiipɨ pɨ jĩp'a bɨt'a».

Mateo 1:21

Mariapa warra t'õipɨ. Mãɨ warrapa ichi p'uurudepemarã ãchi nemietaadepema k'aripaipɨ. Mãɨpuru ichi t'ɨ̃ bɨse Jesú».

Luca 20:16

Ará wãk'ari ãchi ãarea k'enak'ari ichi uva k'ãena awaraɨrã́ ak'ɨpiipɨ». Chi arí berãpa mãɨ ũrisidaɨde jarasidama: —Mãɨyawẽane asidama.

Gálata 6:14

Maamina mɨt'u mãɨya bɨwẽma. Mɨ k'orea mi ãpia pida pia pedeawẽma. Mãɨpari abapuru Tachi Chipari Jesucristo k'urusude piuda k'orea pia pedeaipɨ. Cristo k'urusude piuda pẽra chi nãɨ ĩjũanepemarãpa pia unupataɨ, mɨmá ãarea piusima. Mãɨnepa nãɨ ĩjũane berãmá mɨ piusit'a.