Gálata 2:15 - Tachi Ak'õre Pedea

¹⁵ Judiorãwẽpa Moisepa bɨda nea p'anɨ pẽra tachi judiorãpa ãchi nemietá oopataɨrãne apatama. Tachi t'õnaananepa judiorã pẽra mãɨ Moisepa bɨda uru p'anɨma.

Gálata 2:15 Referans Kwoze

Tito 3:3

Piarã naena tachi sida k'ɨ̃risia piawẽa p'anasidama, Tachi Ak'õrene ĩjãanawẽa p'anasidama mãɨnepa piawẽa k'ɨ̃risia p'anasidama. Tachia nemietá oo k'ɨ̃ria berã mãɨnepa arapá oo k'ɨ̃ria berã, chipari pae pari mimiaparí jĩra jõma oopachidama. Paritua k'achiade nipapachidama, chĩarapa uru bɨ k'orea sõpiawẽa p'anapachidama, chĩarapa tachi unuemaapachidama, mãɨnepa tachia chĩara unuemaapachidama.

Ep'esio 2:3

Naena jõma tachi ãchi jĩra p'ɨrrɨasidama chi nãɨ k'ak'uapa nemietá ooyá bɨt'a oo p'anana pẽra. Nãɨ k'ak'uapa nemietá oo k'ɨ̃ria bɨt'a mãɨnepa tachia nemietá ooyá k'ɨ̃risia bɨt'a oo p'anasidama. Mãɨ nemietá pẽra Tachi Ak'õrepa ichi k'ĩruupidepa tachi ɨtɨai basima ãarea nemietá oopataɨrã ɨtɨapari jĩra.

Romano 3:9

Mãɨpuru ¿k'ãre jaradaima? ¿Jaradaik'ãra tai judiorã waapẽarã k'aepẽra atepe pia p'anɨma? ¡Mãɨyawẽma! Mɨa nãɨ k'art'ade k'awapisima judiorãpa mãɨnepa judiorãwẽpa nemietá oopataɨt'a.

P'ilipense 3:4

Mɨa nãɨ k'ak'ua k'orea mãɨya k'ɨ̃risia bai bɨmina mãɨya k'ɨ̃risiak'ama. Piarã abaɨpa ichi k'ak'ua k'orea Tachi Ak'õrepa jĩp'a unui k'ɨ̃risia bɨpɨra, ichi k'aepẽra mɨa atepe mãɨya p'ue k'ɨ̃risia bai bɨma.

Romano 4:16

Tachi Ak'õrepa teai jarada tachia jitadaipɨ ichide ĩjãa p'anɨ pẽra. Tachi Ak'õrepa ichi sõpiadepa mãɨ pari tea bɨma. Mãɨpuru jõma Abrahán ẽpẽrarã, chi Moisepa bɨdadepa p'anɨrãpa, mãɨ piarã jitadaipɨ. Maamina abapuru ãchiapuru jitadaiwẽma, mãɨpari judiorãwẽ pida Abrahán jĩra Tachi Ak'õrene ĩjãanaipɨra jitadaipɨ. Mãɨya Abrahán jõma tachi, chi Tachi Ak'õrene ĩjãa berã ak'õrepɨ.

Hecho 22:21

Maamina Tachi Chiparipa mɨá jarasima: “Wãse. Mɨa pɨ t'ɨmɨa judiorãwẽmá peeipɨ”».

Mateo 9:11

Waapẽarã p'ariseorãpa mãɨ unusidama. Mãɨ k'orea Jesú ome p'ɨrrɨapataɨrã́ idisidama: —Mãra jarateaparí ¿k'ãre k'orea Romanepema pae erreara jɨrɨp'epataɨrã ome mãɨnepa waapẽarã nemietá oopataɨrã ome ará nek'oparima?

Luca 24:7

Ichia nãɨya jarasima: “Mɨ, chi Ẽpẽra Warra ẽpẽerã k'achiarã́ jita teadai p'anɨma. Mɨ k'urusude peadaipɨ, maamina ewari ũpeaɨde chok'ae p'irabariipɨ”.

Gálata 2:17

Tachia jɨrɨsidama Cristodepa Tachi Ak'õrepa tachi chi jĩp'a be paara bɨmẽrá. Mãɨpuru waapẽarãmá, tachi nemietá oopataɨrãpɨ, chi Moisepa bɨda amaanana pẽra. Mãɨyara ¿Cristopa tachiá nemietá oopi bɨk'ãra? ¡Mãɨyawẽma!