Gálata 2:13 - Tachi Ak'õre Pedea

¹³ Mãɨne waapẽarã ũpẽarã judiorã pida chi judiorãwẽ itu bɨsidama Pedropa piarãwẽenepa oo bɨ jĩra. Mãɨya oo p'anɨ pẽra Bernabé pida ara mãɨya piawẽa oosima.

Gálata 2:13 Referans Kwoze

1 Corintio 15:33

Itu seapirãt'ɨ. Mãra nemietá oopataɨrã ome ará nipadaipɨra, ãchia mãra pia nipapataɨ waa pia nipapidaiwẽma.

Ep'esio 4:14

Mãɨyara waa warra chak'e jĩra p'ananaiwẽma. Warra chak'epa paritua pedeauta ĩjãaparima. Mãɨ awara ẽpẽrarã sea k'awa berãpa jaratea p'anɨnepa seade ĩjãapipatama nãupa japa ãyá ateeru jĩra. Maamina tachi mãɨ japa jĩra p'ananaiwẽma.

Hebreo 13:9

Maamina chi eda waapẽarãpa ne wawaria piawẽa jarateapatama. Ãchirã́ itu seapirãt'ɨ. Mãrapa ne wawaria k'o p'anɨnepa wa nek'odawẽa p'anɨnepa k'aripak'ama. Chi mãɨya oo p'anɨrã pia p'anɨwẽma. Mãɨpari Tachi Ak'õrepa ichi sõpiadepa k'aripa bɨma mãrapa pia sõnepa ĩjãanamẽrá.

1 Corintio 8:9

Piarã tachia k'o k'ɨ̃ria p'anɨt'a p'ue k'odai p'anɨma. Maamina jĩrak'aua p'anat'ɨ mãrapa ne paritua k'o p'anɨnepa machi ũpẽa pia atua bɨt'a k'achiade baepidaemaapa.

1 Corintio 5:6

Ara machi waapẽarã k'aepẽra pia beade adaiwẽa p'anɨma. ¿Mãrapa atua p'anɨk'ãra p'ana ooropiparí ãpia bɨpa harina jõma ẽesãapipari? Ara mãɨ jĩra chi nemietá ãpia oorupa chi waapẽarã ũpẽarã ãarea mietaade bɨpiparima.

Hecho 4:36

Mãɨne ẽpẽra José apataɨ ãchi ome basima. Jesupa peedaɨrãpa ichi t'ɨ̃ bɨsidama Bernabé. (Bernabé t'ɨ̃ jara k'ɨ̃ria bɨma «Sõpiapiparí Warra»). Ichi Levidepa ununa pasima. Mãɨ Chipredepema pasima.

Gálata 2:1

Catorce ãyo pak'ari mɨ Bernabé ome mãicha Jerusalenea wãsima. Tito sida wãsima.

1 Corintio 12:2

Mãrapa k'awa p'anɨma Tachi Ak'õrene ĩjãanak'apɨɨrã p'anaside paritua k'orea piawẽa k'ɨ̃risiapachidama. Juapa oodada sãdo bede ĩjãapachidama. Chok'ae p'anɨwẽ pẽra pedeadak'ama.

Mateo 23:28

Ara mãɨ jĩra mãra ẽpẽra ɨ̃rɨpema jĩp'a berã jĩra p'anɨma, maamina piarã mãrapa jarateapataɨ oodak'ama. Ichiaba edaria mãra ãarea sõk'achia p'anɨma.

Gálata 2:9

Ũpẽarã chi atepe k'awa p'anɨrã Santiagopa, Pedropa mãɨnepa Juanpa k'awasidama Tachi Ak'õrepa ichi sõpiadepa piarã mɨ judiorãwẽmá peesit'a. Mãɨne ãchi mɨ ome mãɨnepa Bernabé ome arapá jua jitasidama k'awapidai k'orea abarik'a k'ɨ̃risia uru p'anɨt'a. Ãchia jarasidama taipa judiorãwẽmá jaratea p'ananait'a, mãɨnepa ãchia judiorãmá jaratea p'ananait'a.