Gálata 1:7 - Tachi Ak'õre Pedea

⁷ Piarã chi pedea pia waa awara newẽma. Maamina chi eda waapẽarãpa mãrá piawẽa k'ɨ̃risiapipatama pedea pia Cristo k'orea piawẽa jaratea p'anɨ pẽra.

Gálata 1:7 Referans Kwoze

Hecho 15:24

Taipa ũrisidama waapẽarã ẽpẽerã nãmãɨpa mãramá wãnak'ari ãchia jaratea p'anɨ k'orea mãra sõk'achia p'aneenak'ari k'awa k'ɨ̃risiadawẽa p'aneesidama. Maamina mãɨ ẽpẽerãt'a taipa peedaé pasima.

Gálata 5:10

Maamina Tachi Chipari Jesucristodepa mɨa k'awa bɨma mãrapa mɨa jara bɨt'a awara k'ɨ̃risiadaiwẽma. Abaɨpa mãra mãɨya ooipɨra Tachi Ak'õrepa ɨtɨaipɨ.

2 Corintio 11:13

Ãchi Cristopa peedaɨrãwẽma, mãɨpari waapẽarã seapataɨrãpɨ. Seadepa k'ɨ̃risiapipatama ãchi Cristopa peedaɨrãpɨ.

Gálata 5:12

Mɨmá ¡pia bɨma chi mãra mãɨya waa oo bepa ãchi ɨmɨk'ĩra k'ak'ua bɨat'upidait'a!

2 Corintio 2:17

Taipa erreara atadai k'orea Tachi Ak'õre pedea jaratea nipadawẽma chok'araɨrãpa oopata jĩra. Mãɨpari Cristo ome p'anɨ pẽra Tachi Ak'õrepa tai peesima. Mãɨne ichi k'ĩrari k'ɨ̃risia piadepa jarateapatama.

Apocalipsi 20:3

Tachi Ak'õrepa ɨt'aripa peedapa chi uria minachia bɨde edá jirat'aak'ari jɨ̃a nɨbɨk'ari maapae t'ap'asima, mi ãpia pida p'ue ewapiemaapa. Mãɨpa tiorepa tuachapemarã waa seaiwẽma aba mil ãyo jõrunea. Mil ãyo pak'ari ichi ẽraipɨ nãɨ ĩjũane tãaraawẽa bamẽrá.

2 Juan 1:10

Chi ẽpẽra mãramá wãrune Cristopa jarateada jĩra jarateawẽpɨra, mãɨ mãra tede eda chepirãt'ɨ mãɨnepa «sõpia p'anɨane pɨ cheda k'orea» arãt'ɨ.

1 Juan 4:1

Ũpẽarã, Tachi Ak'õre Jaoredepa pedea p'anɨane apataɨrã jõma ĩjãarãt'ɨ, mãɨpari jĩrak'aua ak'ɨt'ɨ ãchia piarã Tachi Ak'õre Jaoredepa wa waapẽarãnepa pedea p'anɨ k'awadai k'orea. Mãɨya oot'ɨ chi seapataɨrã nãɨ ĩjũane minachia p'anɨ pẽra.

Apocalipsi 19:20

K'ĩruutade chi mũra ɨ̃rɨ suak'abari bɨpa chi ãnimara mietá bɨ mãɨnepa chi Tachi Ak'õre pari pedeaparí chi piarãpẽawẽma bɨt'a jitasima. Mãɨ chi piarã Tachi Ak'õre pari pedeapariwẽpa chi ãnimara mietá bɨ t'ɨ̃nepa ẽpẽerãpa ne p'ue oodak'apɨ́ waibɨa bet'a oopachima. Mãɨya chi ẽpẽerãpa chi ãnimara mietá bɨa itu tauchaapidaadarã ãarea seapachima. Ichiaba chi mãɨ ãnimara jĩra bɨ juapa oodada sãdo minachia k'ɨ̃rianaanat'a seapachima. Chi mũra ɨ̃rɨ suak'abari bɨpa mãɨ ãnimara mietá bɨ mãɨnepa chi Tachi Ak'õre pari pedeaparí chi piarãpẽawẽma bɨt'a chok'ae p'anɨ senia azup're paara t'ɨpɨ urua bɨdea jirat'aasima.

Apocalipsi 13:14

Tachi Ak'õrepa mãɨ ĩjũanepa ochiadá ne p'ue oodak'apɨɨt'a itu oopisima chi mãɨ p'usadepa cheda t'ɨ̃ne. Mãɨya chi nãɨ ĩjũanepa ochiadapa chi nãɨ ĩjũanepemarã seasima. Ichia ẽpẽerã́ sãdo jĩra oopisima chi naapema ãnimara k'ĩra jĩra, chi nek'opa k'õ bada mãɨ wapida piuwẽa bɨ jĩra.

Apocalipsi 12:9

Mãɨne chi je waibɨa bɨ mãɨnepa chi ichi lawari p'anana ãarea nãɨ ĩjũanea bat'a peesidama. Mãɨ je waibɨa bɨ mãɨt'u chi chõarãenapema taamapɨ. Chi t'ɨ̃ Tiore mãɨnepa Ãnimara apatama. Ichia chi nãɨ ĩjũane be ãarea sea uru baparima.

Apocalipsi 2:20

Maamina mɨa mãra k'orea ne ãpia jarai bɨma. Chi wẽra Jezabel apataɨpa sea jaratea bɨt'a mãrapa mãɨa itu jarateapi p'anɨma. Ara ichia Tachi Ak'õre pari pedeapariade aparima. Maamina ichia jaratea bɨdepa chi mɨ pae pari mimiapataɨrã seaparima k'ak'uadepa nemietaade nipadamẽrá mãɨnepa ne k'iuru juapa oodada sãdorã́ teada k'odamẽrá.

Apocalipsi 2:6

Maamina nãɨ pia oo p'anɨma: chi Nicolade ĩjãa bepa piawẽa oopatat'a mãrapa k'ɨ̃rianak'ama. Mɨa pida k'ɨ̃riak'ama.

Apocalipsi 2:2

»Mãrapa oo p'anɨt'a mɨa k'awa bɨma. Mɨ pae minachia mimia p'anɨt'a mãɨnepa minachia mĩa p'anɨne ãarea choa p'anɨt'a k'awa bɨma. Mãrapa chi nemietá oopataɨrã́ itu oopidak'at'a k'awa bɨma. Eda waapẽarã mãramá wãnak'ari Jesucristopa peesiade apachidama. Maamina mãrapa jĩrak'aua ak'ɨ p'anɨnepa k'awasidama ãchi chi sea bet'a.

Juda 1:4

Mãɨya mɨa nãɨ bɨruma chi eda waapẽarã ũpẽarã jĩra berã chedak'ari mãra t'ãena eda p'anɨ pẽra. Mãɨ ẽpẽrarãpa seadepa jarateapatama Tachi Ak'õrepa ichi sõpiadepa tachi k'aripada pẽra tachi k'ak'uapa nemietá minachia oo k'ɨ̃ria bɨt'a p'ue oodai p'anɨt'a. Ãchia Tachi Chipari aba bɨ Jesucristot'a itu bɨpatama. Tãaraaenapemat'u eda bɨ basima Tachi Ak'õrepa ãchi ɨtɨait'a.

2 Juan 1:7

Chi seapataɨrã nãɨ ĩjũane minachia p'anɨma. Ãchia ĩjãanak'ama Jesucristo nãɨ k'ak'uade tachi jĩra chesit'a. Chi mãɨya bɨpa waapẽarã seaparima mãɨnepa Cristo nek'ĩramaapɨ.

1 Juan 2:26

Mɨa mãɨ bɨsima waapẽarãpa mãra sea k'ɨ̃ria p'anɨ pẽra.

2 Timoteo 2:18

Ãchi chi piarã pedeadepema ãyá wãsidama. Ãchia jarateapatama ẽpẽrarã piudada ya chok'ae p'irabarik'oasidat'a. Mãɨ k'orea waapẽarãpa Cristode ĩjãa p'anɨ k'orea k'ɨ̃risia ãyá k'ɨ̃risia p'aneesidama.

Gálata 6:17

Chi Jesudepema pedea jaratea bɨ k'orea ẽpẽrarãpa mɨ piawẽa oosidama. Mɨ k'ak'ua k'õk'oadada pada ya anik'ari uru bɨma mãɨya unupii k'orea mɨ ichidit'a. Mãɨpuru idiipa waa mɨa k'ɨ̃riawẽma abaɨ pida mɨ waa ooit'a.

Gálata 4:17

Mãra t'ãena chi piawẽa jarateapataɨrãpa nejõma oo p'anɨma mãrapa ãchi pedea ĩjãanamẽrá. Maamina ãchia mãɨya oodak'ama mãra k'aripadai k'orea. Mãra taidepa ãyá atee k'ɨ̃ria p'anɨma sõnepa ãchi ome p'ananamẽrá.

Gálata 2:4

Mãɨnepema pedeasidama chi eda waapẽarã ũpẽarã piarãwẽpa jarapachida pẽra. Mãɨrã ũpẽarã jĩra p'ananapa ak'ɨ p'anapachidama tachi chi Moisepa bɨdadepema ãyá wãsida k'awa. Jesucristode ĩjãanai k'aepẽra, chi Moisepa bɨdat'a mãicha oopi k'ɨ̃ria p'anasidama, chi mãɨ bɨda pae pari mimiapataɨrã jĩra p'anasi pẽra.

2 Corintio 4:2

Nejõma k'achia ẽpẽrarãpa mẽra oopataɨ mãɨnepa p'era oopataɨ taipa itu bɨsidama. Waapẽarã seadak'ama. Tachi Ak'õre pedea k'ĩra ãyá jarateadak'ama, mãɨpari chi piarã pedea pia jarateapatama. Mãɨya Tachi Ak'õre k'ĩrari taipa jõmãɨrã́ k'awapipatama jĩp'a oo p'anɨ.

Hecho 20:30

Ara machidepemarã pida sea jarateadaipɨ Jesude ĩjãapataɨrã ãyá wãnamẽrá.

Hecho 13:10

—¡Tiore warra, pɨa ne ãarea jĩp'a bɨt'a k'ɨ̃riak'ama! ¡Nemietá ooyá bɨma mãɨnepa chi sea bɨma! ¿K'ãre k'orea ara pɨchia Tachi Chipari pedea seaade a bɨma?

Mateo 24:24

Mãɨ ewaride waapẽarãpa ara ãchi Tachi Ak'õrepa Tachi K'aripaparí teai jaradaade a jaradaipɨ. Ichiaba waapẽarãpa sea jaradaipɨ ãchi Tachi Ak'õre pari pedeapataɨade adaipɨ. Mãɨrãpa ẽpẽrarãpa ne p'ue oodak'apɨ́ waibɨa be oodaipɨ ẽpẽrarã seadai k'orea. Tachi Ak'õrepa jɨrɨ atadaɨrã sida p'ue seadaipara, ãchi sida seadai pasima.

Gálata 1:6

Mɨa k'awa k'ɨ̃risiawẽma sãmaasã́ mãrapa ɨ̃apachia Tachi Ak'õre jãɨya itu bɨsidat'a. Ichia mãra t'ɨ̃sima Cristo sõpiadepa k'aripai k'orea, maamina mãrapa chi eda waapẽarãpa pedea pia jĩra jara p'anɨt'a minachia ũri p'anɨma.