Gálata 1:21 - Tachi Ak'õre Pedea

²¹ Jerusalenea wãk'ari mɨ Siria tuadea mãɨnepa Cilicia tuadea wãsima.

Gálata 1:21 Referans Kwoze

Hecho 15:41

Maapaepuru wãsidama. Siria tuade mãɨnepa Cilicia tuade p'ɨrrɨautade p'uurucha ũpẽarã k'aripapachidama Tachi Chipari pia ĩjãanamẽrá.

Hecho 9:30

Ũpẽarãpa mãɨ k'awasidaɨde Saulo Cesarea p'uurudea ateewãsidama. Mãmãɨpa ichi p'uuru Tarsodea peesidama.

Hecho 6:9

Mãɨne waapẽarã judiorã Cirene tuadepema mãɨnepa Alejandría p'uurudepema p'anasidama. Chi judiorã ará pedeapataɨ te “Chi Ãjã́ Pari P'anɨrã” apachidama. Waapẽarã judiorã Cilicia ĩjũanepema mãɨnepa Asia ĩjũanepema p'anasidama. Ãarea mãɨ judiorã Esteban ome k'ĩruu pedea tuaneesidama.

Hecho 15:23

Ãchi ome k'art'a nãɨya bɨdak'ari tea peesidama: Jesupa peedaɨrãpa, ũpẽarã ak'ɨpataɨrãpa mãɨnepa ãarea ũpẽarã pida nãɨ k'art'a bɨutama ũpẽarã judiorãwẽ Antioquía p'uurudepema pae, Siria tuadepema pae mãɨnepa Cilicia tuadepema pae. Taipa k'ɨ̃ria p'anɨma mãra pia p'ananait'a.

Hecho 13:1

Ũpẽarã Antioquía p'uurudepema t'ãena Tachi Ak'õre pari pedeapataɨrã mãɨnepa jarateapataɨrã p'anasima. Bernabé, Saulo, Lucio Cirenenepema mãɨnepa Simón basima. Simón ɨ̃ana t'ɨ̃ «Chi P'aimá» apachidama. Manaén sida basima. Ichi Galilea tuadepema chi poro jũra jɨ̃parí jɨ̃ bɨ Herode ome tausia warisima.

Hecho 23:34

Mãɨ k'art'a ak'ɨk'ari chi atepe poro chaarea bɨpa Pabloa idisima sãmapema k'awayá. Pablo Cilicia ĩjũanepema k'awaside nãɨya jarasima: «Chi pɨ nepɨra pará bɨade apataɨrã chedak'ari mɨa pɨá ũriipɨ». Maapae ichia chi papaká berã́ jarasima Pablo chi Herodepa oopida te atepe bɨdea ateewãnak'ari, ãchia mãma ak'ɨdamẽrá.

Hecho 22:3

«Mɨ judiopɨ. Cilicia tuade Tarso p'uurude t'õsima. Maamina mɨ nãma Jerusalene warisima. Jarateaparí Gamalielpa mɨá ãarea tachi chõarãenapemarã Moisepa bɨdat'a minachia jarateasima. Mɨa Tachi Ak'õrene minachia ĩjãa bapachima mãrapa ĩjãapata jĩra.

Hecho 21:39

Mãɨne Pablopa jarasima: —Mãɨyawẽma, mɨ judiopɨ. Cilicia tuadepemapɨ. Tarso p'uuru atepe bɨde t'õsima. Mɨ chichupuria p'uuru k'ĩrari itu pedeapise.

Hecho 21:3

Wãutade Chipre ĩjũa p'ɨrra bɨ juawieri unusidama maamina Siria tuadea jĩp'a p'asa wãsidama. Mãma Tiro p'uurude edá batoosidama, chi p'ãp'orrodepemarãpa neet'á edá ameenai k'orea.

Hecho 18:18

Pablo Corinto p'uurude tãaraa basima. Mãɨne chi ũpẽarã ará p'anɨrã́ wãyane asima. P'ãp'orrode batooi naena Pablo Cencrea p'uurude poro t'ɨɨpisima, Tachi Ak'õre pae ne ooyade ada mãɨ ãarea ooda pẽra. Maapaepuru Siria tuadea wãsima, Aquila chi k'ima Priscila ome.

Mateo 4:24

Mãɨpuru Siria tuade ichi ãarea t'ɨ̃ p'oa beesima. Mãɨ k'orea ẽpẽrarãpa jõma wawariadepa k'ak'ua piawẽa be, k'ak'ua p'ua paara be, jaore mietá pará be, wawa be mãɨnepa sorek'ea be ichimá enemeepachidama. Jesupa ãchi ãarea jɨpa beepipachima.