Gálata 1:13 - Tachi Ak'õre Pedea

¹³ Mãrapa ũrisidama mɨ sãmaasã́ nipasit'a judiorãpa jarateapataɨ jõma oo baside. K'awa p'anɨma mɨa Tachi Ak'õreneerã ẽpẽrarã minachia piawẽa oopachit'a. Jõma jõpi k'ɨ̃ria basima.

Gálata 1:13 Referans Kwoze

Hecho 8:3

Mãɨne Saulopa Jesude ĩjãapataɨrã piawẽa oopachima waa ĩjãapidaemaapa. Techa wãk'ari ɨmɨk'ĩrarã mãɨnepa wẽrarã sida jitak'oak'ari chi jɨ̃a nɨbɨpataɨ temá jidibari ateewãpachima.

1 Corintio 15:9

Piarã chi Jesucristopa peedadepema mɨ chi ãpiipará bɨ jĩra bɨpɨ. Ẽpẽrarã Tachi Ak'õreneerã piawẽa ooi k'orea ẽp'ẽ bada pẽra pia bɨwẽma ẽpẽrarãpa mɨ ichia peeda jaradait'a.

Hecho 9:26

Saulo jĩitea Jerusalenea wãside chi Jesude ĩjãapataɨrã ome bee k'ɨ̃ria basima. Maamina ichi wap'ea p'anasidama. Ãchia ĩjãanawẽa p'anasidama ichia piarã Jesude ĩjãa bɨt'a.

Hecho 9:21

Ãarea mãɨ ũriutapa k'awa k'ɨ̃risiadaé pasima. Ãchia nãɨya idi tuanasidama: «¿Nãɨwẽk'ãra chi Jerusalene Jesude ĩjãapataɨrã jõpi k'ɨ̃ria badat'a? ¿Nãma che bɨwẽk'ãra ãchi p'aarerã chi mãɨrã chaarearãmá jɨ̃a nɨbɨyá ateewãyá k'ɨ̃ria badat'a?»

1 Timoteo 1:13

Naena mɨa ichi k'orea piawẽa pedea bapachima mãɨnepa ichidirã ẽp'ẽ bapachima mĩapii k'orea. Chĩará k'achia pedea bapachima. Ichide waidi ĩjãawẽa bada pẽra mãɨnepa atua bɨdepa mãɨya piawẽa oo bapachima. Maamina ichia mɨ k'ĩra chupuriasima.

P'ilipense 3:6

Mɨa mãɨ judiorãpa oopachidaɨt'a ãarea minachia ũri bapachi pẽra chi Cristode ĩjãapataɨrã ẽp'ẽ wãpachima ãchi piawẽa ooi k'orea. Mãɨ judiorãpa oopachidaɨt'a jõma oo bapachi pẽra mi ãpia pida mɨ k'orea k'achia pedeadawẽa baipɨ.

Hecho 8:1

Saulopa chi Esteban peadada k'orea pia unusima. Mãɨne waapẽarã Tachi Ak'õre wap'ea berãpa Esteban t'ɨbaridak'ari, ichi k'orea minachia jẽa p'aneesidama. Mãɨ ewaride ẽpẽerãpa Jerusalene Jesude ĩjãapataɨrã minachia mĩapi p'aneesidama. Mãɨpuru chi Jesude ĩjãapataɨrã ãarea Judea tuadea mãɨnepa Samaria tuadea mĩruwãsidama. Chi Jesupa peedaɨrã Jerusalene p'aneesidama.

1 Corintio 10:32

Mãrapa ne oo p'anɨnepa judiorã, judiorãwẽ mãɨnepa ẽpẽrarã Tachi Ak'õrenepemarã nemietaade baepirãt'ɨ.

1 Timoteo 1:14

Tachi Chipari Jesucristopa ichi sõpiadepa mɨ minachia k'aripasima ichide ĩjãamẽrá mãɨnepa ichi k'ɨ̃ria uru bamẽrá.