Ep'esio 5:8 - Tachi Ak'õre Pedea

⁸ Naena mãra p'ãrionepema pasima, maamina idiapae Tachi Chipari ome p'anɨ pẽra mãra ɨnaanepemarãpɨ. Mãɨpuru ɨnaanepema warrarã jĩra nipat'ɨ.

Ep'esio 5:8 Referans Kwoze

Juan 8:12

Mãɨya nak'ari Jesupa ẽpẽerã́ mãicha jarasima: —Mɨ nãɨ ĩjũanepemarã pae ɨnaa bɨ jĩra bɨma. Parituapa mɨ k'aade wãipɨra p'ãrione nipaiwẽma, mãɨpari ɨnaane bɨ pẽra chok'ae baipɨ.

1 Juan 1:7

Maamina ichi ɨnaane bɨ jĩra tachi ɨnaane nipadaipɨra, tachi ũpẽarã ome ará pia p'ananaipɨ. Mãɨnepa ichi Warra Jesucristo oa ãrinapa tachi nemietá ãarea sɨɨparima.

Colosense 1:13

Tachi Ak'õrepa chi p'ãrionepema tiore juadepema tachi k'aripak'ari bɨsima ichi Warra k'ɨ̃ria bɨ juade ichidirã paara ua bamẽrá.

Juan 12:46

Mɨ nãɨ ĩjũanea ɨnaa bɨ jĩra che bɨma chi mɨne ĩjãauta p'ãrione p'ananaemaapa.

Ep'esio 4:18

Ãchi k'ɨ̃risia p'ãrione bɨ pẽra Tachi Ak'õre k'orea k'awadak'ama. Ãchi sõ chaareapa Tachi Ak'õre atua p'anɨ pẽra ichia chok'ae bapiparit'a nea p'anɨma.

Juan 12:36

Chi ɨnaa bɨ mãra t'ãena uru p'anɨne mãɨ ɨnaa bɨde ĩjãat'ɨ, ɨnaa bɨdepema ẽpẽrarã padai k'orea. Mãɨ pedea jarak'ari Jesú mĩruwãsima.

Ep'esio 2:2

Mãɨya p'ɨrrɨasidama chi nãɨ ĩjũanepema k'ɨ̃risiat'a ĩjãa p'anana pẽra mãɨnepa jaore mietaarã chi minachia k'awa bɨde ĩjãa p'anana pẽra. Nãɨ ewaride ichia chi Tachi Ak'õre pedea ĩjãanak'apɨɨrã ichi juade uru bɨma.

2 Corintio 4:6

Nãɨ ĩjũa jõma p'ãrio nɨbada Tachi Ak'õrepa ɨnaapisima. Ara mãɨ jĩra ichi ɨnaa bɨt'a tachi sõne ɨnaapisima. Mãɨpa jara bɨma ichi k'ĩrawãrea Cristodepa tachiá k'awapisit'a.

Tito 3:3

Piarã naena tachi sida k'ɨ̃risia piawẽa p'anasidama, Tachi Ak'õrene ĩjãanawẽa p'anasidama mãɨnepa piawẽa k'ɨ̃risia p'anasidama. Tachia nemietá oo k'ɨ̃ria berã mãɨnepa arapá oo k'ɨ̃ria berã, chipari pae pari mimiaparí jĩra jõma oopachidama. Paritua k'achiade nipapachidama, chĩarapa uru bɨ k'orea sõpiawẽa p'anapachidama, chĩarapa tachi unuemaapachidama, mãɨnepa tachia chĩara unuemaapachidama.

Luca 16:8

»Maapae chi chiparipa jarasima ichi neet'á ak'ɨparí sõk'achia bɨ k'ɨ̃risia minachia basima ichia mãɨya oo bada k'orea. Piarã Tachi Ak'õre ẽpẽrarã k'aepẽra nãɨ ĩjũanepemarãpa mãɨ ãchi aɨk'aɨrã ome ne netodai k'orea, ãchia pia ne k'ɨ̃risiadak'ari oopatama.

Ep'esio 6:12

Tachi ẽpẽrarã paara chõo p'anɨwẽma. Mãɨ k'aepẽra jaore mietaarã nãɨ ĩjũa p'ãrionepemarã paara chõo p'anɨma. Ãchi chi tachia ununak'apɨ́ chi jua chaarea berãpɨ, chi ɨt'aripema jaore mietaarãnepema poro chaarearãpɨ.

2 Corintio 3:18

Tachia Cristode ĩjãa p'anɨ pẽra tachi k'ĩra neet'apa mẽra pɨra uru p'anɨ jĩra p'anɨwẽma. Mãɨpuru tachidepa waapẽarãpa Tachi Chipari k'ĩrawãrea unu p'anɨma k'ĩra ak'ɨpataɨde ak'ɨ p'anɨ jĩra. Mãɨne Tachi Chipari Jaorepa tachi ewaricha pia oopodo bɨma Tachi Chipari jĩra p'ananamẽrá.

Luca 1:79

Mãɨpa chi p'ãrione berã́, mãɨnepa chi piudai wap'ea berã́ Tachi Ak'õrepa ichi ɨnaa k'awapiipɨ. Ichiaba tachiá k'awapiipɨ sãmaasã́ ichi ode ne k'ɨ̃risiawẽa nipadai k'orea».

2 Corintio 6:14

Cristode ĩjãanak'apɨɨrã ome pedea bɨrãt'ɨ. ¿Ẽpẽra jĩp'a bɨ sãmaasã́ ẽpẽra k'achia ome pia baima? ¿Chi ɨnaane bɨ sãmaasã́ chi p'ãrione bɨ ome pia baima?

1 Corintio 1:30

Mãawẽa Tachi Ak'õrepa mãra Jesucristo ome ará bɨsima. Mãɨya Cristodepa Tachi Ak'õrepa ichi k'ɨ̃risia tachiá k'awapisima. Ichia tachi jĩp'a bɨsima, ara ichi pae pia bɨsima, mãɨnepa nemietaadepema k'aripasima.

Romano 2:19

Mãrapa k'ɨ̃risia p'anɨma Tachi Ak'õrene ĩjãanak'apɨɨrã́ p'ue pia jaratea p'ananait'a tau p'ãrio berã ateeuta jĩra, p'ãrione berã ɨnaanea ateeuta jĩra.

Juan 1:9

Chi nãɨ ĩjũane chei badat'a, mãɨ chi piarãpẽa ɨnaa bɨpɨ. Mãɨ ãareaɨrã pae urua bɨma.

Mateo 4:16

Mãra p'ãrione tuanasidama Tachi Ak'õre atua p'anana pẽra. Maamina idi ɨnaane p'anɨma Tachi Ak'õre k'awa p'anɨ pẽra. Mãra chok'ae p'anɨmina piuda jĩra tuanapachidama. Maamina idi ɨmata ɨnaaru jĩra Tachi Ak'õrepa piarã ichi k'orea mãrá k'awapii bɨma».

Gálata 5:25

Tachi Ak'õre Jaoredepa chok'ae p'anɨ pẽra, tachi ichidepa nipadai p'anɨma.

Romano 1:21

Ãchia Tachi Ak'õre k'awa p'anasidamina ichiá pia pedeadaé pasima mãɨnepa sõpia bɨade adaé pasima. Mãɨpari k'ɨ̃risia newẽa berã jĩra p'aneesidama. Mãɨya piawẽa k'ɨ̃risiadak'ari p'ãrione p'aneesidama.

Ep'esio 5:2

Jõmãɨrã k'ɨ̃riat'ɨ Cristopa tachi k'ɨ̃ria bɨ unupida jĩra. K'ɨ̃rianepa tachi k'orea ara ichi itu peapisima Tachi Ak'õrea ãnimara paatearu jĩra. Tachi Ak'õrepa mãɨ pia unusima.

Hecho 17:30

Ẽpẽerãpa chi Tachi Ak'õre atua p'ananapa naena mãɨya oodada ichia itu bɨsima. Maamina idiapae jara bɨma ãarea tuachadepemarãpa nemietá itu bɨdak'ari ichide ĩjãanamẽrá.

Mateo 3:8

Mãrapa oo p'anɨnepa mãra nemietá oo p'anana piarã itu bɨdada unupit'ɨ.

Juan 12:35

Jesupa p'anoosima: —Nãɨ ɨnaa bɨ mãra ome tãaraa baiwẽma. Mãɨpuru ɨnaa bɨde nipat'ɨ ichi mãra ome bɨmisa mãɨ paritua p'ãrione baedaemaapa. Chi p'ãrione ni, mãɨpa sãmá wãrut'a k'awawẽma.

Romano 13:12

Nãɨ ewari mietá bɨ jõpodoma teamasi nɨbada ewaripodo jĩra. Mãɨpuru tachia nemietá itu bɨdak'ari pia oodai p'anɨma. Mãɨya nemietaadepema jõma ãyá p'ananaipɨ, papaká bɨpa ãst'á ichi ne jɨ̃parí chaarea bɨt'a jɨ̃ bɨ jĩra.

Colosense 1:12

Mãɨya arapá p'anɨnepa Tachi Pajãnepema Ak'õrea sõpia p'anɨane adaipɨ. Mãra jõma ichi ẽpẽrarã ome ɨnaane pia bɨsima ichia uru bɨdepema jitadamẽrá.