Ep'esio 5:4 - Tachi Ak'õre Pedea

⁴ Pedea mietá, nepɨra piawẽa, mãɨnepa pedea mietaadepa nepɨrɨrãtɨ, mãɨya pedeait'a pia bɨwẽ pẽra. Mãɨpari Tachi Ak'õrea sõpia bɨade at'ɨ.

Ep'esio 5:4 Referans Kwoze

Colosense 3:8

Maamina naapae jõma nãɨ itu bɨt'ɨ: mãra sõnepa k'ĩruupataɨ, k'ĩruu pedeapataɨ, waapẽarã́ piawẽa oopataɨ, waapẽarã́ k'achia pedeapataɨ mãɨnepa pedea k'achia jarapataɨ.

Ep'esio 4:29

Pedea k'achia pedearãt'ɨ. Mãɨpari waapẽarã k'aripadai k'orea abapuru pedea piat'a pedeat'ɨ. Mãɨya chi mãra pedea ũri be pia p'ananaipɨ.

1 Tesalonicense 5:18

Nejõma k'orea Tachi Ak'õrea sõpia p'anɨane a p'anat'ɨ. Mãɨt'a Tachi Ak'õrepa k'ɨ̃ria bɨma, mãra Jesucristode ĩjãapataɨrã pẽra.

2 Pedro 2:18

Ãchia pedea auk'ará jarateapatamina, mãɨpa tachi k'aripak'ama. Ãchia jarateapatama nãɨ k'ak'uapa nemietá oo k'ɨ̃ria bɨ oodai p'anɨ. Mãɨya chi tãaraawẽa nemietaadepema wãnana berã ãchia seapatama mãicha nemietá oodamẽrá.

Hebreo 13:15

Mãɨ k'orea Jesucristodepa tachia, chi Tachi Ak'õrene ĩjãa p'anɨane a p'anɨrãpa, ewaricha ichiá pia pedeadai p'anɨma ãnimara paateauta jĩra.

P'ilipense 4:6

Ne paritua k'orea minachia k'ɨ̃risiarãt'ɨ, mãɨpari Tachi Ak'õrea ɨt'aa chiidit'ɨ, ichiá chichupuria idit'ɨ, mãɨnepa nejõma k'orea pia bɨade at'ɨ.

Juda 1:10

Maamina mãɨ ẽpẽrarã mãra t'ãena chedaadapa ãchia ũrinawẽa p'anɨ k'orea piawẽa pedeapatama. Ãnimararã k'ɨ̃risiapata jĩra k'ɨ̃risiapatama. Ãnimara abapuru ichi k'ak'uapa k'ɨ̃ria bɨ jĩra mãɨya oopatama. Mãɨ k'orea Tachi Ak'õrepa ɨtɨaipɨ.

2 Corintio 9:15

Piarã Tachi Ak'õrepa mãɨ teada k'orea tachia Tachi Ak'õrea sõpia bɨade adai p'anɨma. Mãɨ teada atepe piipará bɨ pẽra tachia p'ue k'awa jaradawẽma sãmaasã́ bɨt'a.

Juda 1:13

Ãchi p'usa jɨ̃ara t'awa jĩra p'anɨma. Ara chi p'usapa ichi t'awadepa k'ok'op'ea amaapari jĩra, ãchia ne k'ĩra p'era wawaria oopatama. Mietade wãpata pẽra, ãchi chi k'ãk'ãi urua wãru jĩra p'anɨma, chi o atua p'anɨẽra. Tachi Ak'õrepa uria minachia p'ãrio bɨde bɨsima ãchi ewaricha ɨtɨai k'orea.

2 Corintio 1:11

Mãra pida tai k'orea Tachi Ak'õrea ɨt'aa chiidi p'anɨnepa k'aripa p'anɨma. Chok'araɨrãpa mãɨya ɨt'aa chiidi p'anɨ pẽra chok'araɨrãpa Tachi Ak'õrea sõpia bɨade adaipɨ ichi sõpiadepa tai k'aripa bɨ k'orea.

Romano 1:28

Ãchia Tachi Ak'õre itu bɨdada pẽra ichia itu bɨsima nemietá k'ɨ̃risiadak'ari, chi tachia oodaiwẽa p'anɨt'a mãɨya oo p'ananamẽrá.

2 Pedro 2:7

Maamina ẽpẽra jĩp'a bɨt'a Lot apataɨt'a Tachi Ak'õrepa Sodoma paa peeidepema k'aripasima. Lot sõp'ua bapachima mãɨ p'uurudepemarãpa nejõma nemietá oo p'anɨ k'orea.

P'ilemón 1:8

Mãɨ k'orea pɨá idiruma mɨa jararut'a oomẽrá. Cristodepa mɨa, pɨá mãɨ p'ue oopi bɨmina, mãɨya oopiiwẽma.

1 Tesalonicense 3:9

¿Sãmaasã́ jaradaima, tai sõ arapá p'anɨt'a Tachi Ak'õre ome, mãra k'orea?

Ep'esio 1:16

mɨa ewaricha mãra k'orea Tachi Ak'õrea sõpia bɨade aparima mãɨnepa mãra k'orea ɨt'aa chiidiparima.

Juan 6:23

Mãɨne waapẽarã p'ãp'orro Tiberia p'uurudepa chesidama chi Jesupa Tachi Chiparia sõpia bɨade ak'ari ẽpẽerã́ p'ana k'opidamá.