Ep'esio 3:8 - Tachi Ak'õre Pedea

⁸ Jõma ẽpẽrarã Tachi Ak'õrenepemarã t'ãena mɨ k'aepe bɨmina, ichi sõpiadepa mɨt'u bɨsima judiorãwẽa chi Cristo k'orea nepia jõk'apɨ́ jarateamẽrá.

Ep'esio 3:8 Referans Kwoze

Colosense 1:27

Mãɨ pedea pia bɨt'a k'awapiwẽa bada ichidirã́ k'awapisima. Mãɨ pedea pia chi judiorãwẽ pae pida bɨma. Ichia k'awapiwẽa bada nãɨ: Cristo mãra sõne bɨma. Ichidepa k'awa p'anɨma ichi pia bɨdepema jitadaipɨ.

1 Corintio 15:9

Piarã chi Jesucristopa peedadepema mɨ chi ãpiipará bɨ jĩra bɨpɨ. Ẽpẽrarã Tachi Ak'õreneerã piawẽa ooi k'orea ẽp'ẽ bada pẽra pia bɨwẽma ẽpẽrarãpa mɨ ichia peeda jaradait'a.

Ep'esio 3:16

Mɨa ɨt'aa chiidi bɨma ichi Jaoredepa mãɨnepa ichia ne minachia pia bɨdepema mãra sõne jua chaarea p'anapimẽrá. Mãɨya mãra chaarea p'ananaipɨ.

Ep'esio 2:7

Mãɨ jõma oosima k'aadeapema ewaride ichi sõpia minachia bɨt'a unupii k'orea. Mãɨnepa tachi chi Jesucristo ome p'anɨrã k'aripasima.

1 Timoteo 2:7

Mãɨ k'orea mɨ ichi pedea jaraparí bɨsima. Mɨ ichia peeda bɨsima piarã pedea ichide ĩjãanai p'anɨ k'orea judiorãwẽmá jarateade wãmẽrá. Mɨa piarã jara bɨma. Seawẽma.

1 Timoteo 1:13

Naena mɨa ichi k'orea piawẽa pedea bapachima mãɨnepa ichidirã ẽp'ẽ bapachima mĩapii k'orea. Chĩará k'achia pedea bapachima. Ichide waidi ĩjãawẽa bada pẽra mãɨnepa atua bɨdepa mãɨya piawẽa oo bapachima. Maamina ichia mɨ k'ĩra chupuriasima.

Gálata 1:16

ichi Warra mɨá k'awapisima judiorãwẽa ichi k'orea jaramẽrá. Mãɨne mɨa abaɨmá pida idié pasima sãmaasã́ ooi bɨ k'awai k'orea.

Romano 11:33

Tachi Ak'õre minachia ne k'awa bɨma mãɨnepa k'ɨ̃risia k'awa bɨma. Ichia ooi k'ɨ̃risia bɨt'a mi ãpia pida p'ue k'awadaiwẽma. Ichia oo bɨ sida p'ue k'awadaiwẽma.

Romano 2:4

Pɨa itu bɨ bɨma Tachi Ak'õrepa tachi ome minachia sõpia bɨt'a, ãarea choa bɨt'a mãɨnepa nemietá ooda isapea ɨtɨak'á bɨt'a. ¿Pɨa k'awawẽa bɨk'ãra Tachi Ak'õre sõpia baparima pɨ ome, ichia k'ɨ̃ria bɨẽra pɨa nemietá ooparí itu bɨk'ari ichimá chemẽrá?

2 Timoteo 1:11

Tachi Ak'õrepa mɨ bɨsima mãɨ pedea pia jaraparí bamẽrá, Jesucristopa peeda bamẽrá, mãɨnepa judiorãwẽmá jarateaparí bamẽrá.

Ep'esio 3:19

Ara tachi k'ɨ̃risiadepa p'ue k'awadak'amina mɨa ɨt'aa chiidi bɨma mãrapa mãɨ k'awadamẽrá. K'awasidara ne ãareaɨne Tachi Ak'õre jĩra p'ananaipɨ.

1 Corintio 2:9

Maamina k'awadaé pasima Tachi Ak'õre pedeade nãɨya bɨ bɨ jĩra: «Chi Tachi Ak'õrepa ichi k'ɨ̃ria berã pae pia ooda uru bɨ, mi ãpia pida wapida ununak'ama, k'ɨɨrɨpa ũrinak'ama mãɨnepa mi ãpia pida k'awa k'ɨ̃risiadak'ama».

Romano 12:10

Piarã k'ɨ̃rianepa chi k'ɨ̃ria p'anat'ɨ. Chi waapẽarã ome pia p'anat'ɨ, ãchi machi k'aepẽra atepe p'anɨ jĩra mãɨnepa waapẽarã k'orea pia k'ɨ̃risiat'ɨ.

Hecho 5:41

Ara mãɨne Jesupa peedaɨrã chi judiorã chõarã ará p'anɨmãɨpa arapá wãsidama. K'awasidama Tachi Ak'õrepa ãchi pia unusit'a, Jesú t'ɨ̃ k'orea mĩasida pẽra.

Apocalipsi 3:18

Mãɨpuru mɨa mãrá nãɨya ũraaruma: nee chi ichiera t'ɨpɨde torbarida, mãɨ mɨnepa atat'ɨ. Mãɨya mãra piarã ɨbɨa padaipɨ. Mãɨnepa p'aru t'ot'oa be mɨnepa atat'ɨ jɨ̃nai k'orea. Mãɨya mãra ãk'adá p'anana k'orea k'ĩra p'eradaiwẽma. Mãɨnepa mɨnepa nẽará atat'ɨ mãra taude t'aadak'ari pia ununamẽrá.

1 Timoteo 1:15

Nãɨ pedea piarã arí bɨ pẽra jõmãɨrãpa ĩjãanai p'anɨma: Jesucristo nãɨ ĩjũanea chesima nemietá oopataɨrã k'aripai k'orea. Mãɨrãnepema, mɨt'u chi atepe k'achia pará basima.

Hecho 9:15

Maamina Tachi Chiparipa jarasima: —Wãse. Mɨa ichi jɨrɨ atasima mɨ k'orea pedeamẽrá judiorãwẽmá, ãchi poro jũra jɨ̃parí jɨ̃pataɨrã́ mãɨnepa israel ĩjũanepemarã́.

P'ilipense 4:19

Piarã jõma mãrapa newẽa p'anɨt'a, mɨ Pajãnepema Ak'õrepa nejõma pia uru bɨdepema Jesucristodepa teaipɨ.

Gálata 2:8

Piarã Tachi Ak'õrepa Pedro ichia peeda bɨsima, judiorãmá jarateamẽrá. Ara mãɨ Tachi Ak'õrepa mɨ ichi peeda bɨsima judiorãwẽmá jarateamẽrá.

P'ilipense 2:3

Waapẽarã k'aepẽra atepe pia be k'ɨ̃risia p'anɨnepa mi ãpia pida oorãt'ɨ. Mãɨnepa oorãt'ɨ mãra paepuru pia p'ananai k'orea. Mãɨpari k'ɨ̃risiat'ɨ waapẽarã mãra k'aepẽra atepe pia berã.

Ep'esio 3:2

Mɨmá mãrapa minachia k'awa p'anɨma Tachi Ak'õrepa ichi sõpiadepa mɨ bɨsit'a mãrá jarateamẽrá.

1 Corintio 1:30

Mãawẽa Tachi Ak'õrepa mãra Jesucristo ome ará bɨsima. Mãɨya Cristodepa Tachi Ak'õrepa ichi k'ɨ̃risia tachiá k'awapisima. Ichia tachi jĩp'a bɨsima, ara ichi pae pia bɨsima, mãɨnepa nemietaadepema k'aripasima.

Juan 1:16

Ichi minachia k'awa bɨdepa, sõpiadepa tachi k'aripa basima mãɨnepa sõpiadepa tachi k'aripa bɨma.

Ep'esio 3:1

Mãɨpuru mɨa [mãra k'orea Tachi Ak'õrea ɨt'aa chiidiparima]. Mɨ Pablopɨ. Mãra judiorãwẽa Jesucristo k'orea jaratea bɨ k'orea eda serra bɨma.

Luca 14:22

Chi ichi pae pari mimiaparipa mãɨya ook'ari jarasima: “Pɨa jarada jĩra mɨa oosima, maamina ãk'au wapida pari nɨbɨade asima”.