Ep'esio 3:7 - Tachi Ak'õre Pedea

⁷ Tachi Ak'õrepa ichi sõpiadepa mɨ chi ichi pae mimiaparí bɨsima mãɨ pedea pia Cristo k'orea jarateamẽrá. Ichi jua chaareadepa mãɨya oosima.

Ep'esio 3:7 Referans Kwoze

Ep'esio 1:19

Mãɨnepa mɨa ɨt'aa chiidiparima mãrapa k'awadamẽrá ichi jõmãɨrã k'aepẽra atepe jua chaarea bɨt'a. Mãɨ jua chaareadepa ichia tachi ichide ĩjãapataɨrã k'aripa bɨma. Ara mãɨ jua chaarea minachia bɨdepa,

Ep'esio 3:20

¡Tachi Ak'õre minachia pia bɨma! Ichi jua chaarea tachi sõne bɨdepa ne waibɨa p'ue ooipɨ, tachia k'ɨ̃risiapataɨ k'aepẽra wa ichiá ɨt'aa chiidipataɨ k'aepẽra.

Ep'esio 3:2

Mɨmá mãrapa minachia k'awa p'anɨma Tachi Ak'õrepa ichi sõpiadepa mɨ bɨsit'a mãrá jarateamẽrá.

2 Corintio 3:6

Tachi Ak'õrepa tai bɨsima ichia ẽpẽrarã ome pedea chiwidi bɨda p'ue jarateadamẽrá. Mãɨ pedea chiwidi bɨda chi Moisepa bɨda jĩra juapa bɨdawẽma, mãɨpari Tachi Ak'õre Jaorepa k'awapi bɨma. Chi Moisepa bɨdapa k'awapi bɨma nemietá oo p'anɨ k'orea ẽpẽrarã piudai p'anɨt'a, maamina Tachi Ak'õre Jaorepa tachiá chok'ae p'anapiparima.

Hebreo 13:21

Mɨa k'ɨ̃ria bɨma chi ara mãɨ Tachi Ak'õrepa ne ãarea pia mãrá oo k'awapiit'a, ichia k'ɨ̃ria bɨ jĩra p'ue oodamẽrá. Mãɨnepa k'ɨ̃ria bɨma Jesucristodepa ichia tachi sõne ne ãarea ooit'a ichia k'ɨ̃ria bɨ jĩra p'ananamẽrá. Tachia ewaricha Jesucristoa pia pedeadai p'anɨma. Mãɨya beese.

1 Tesalonicense 2:13

Taipa ewaricha mãra k'orea Tachi Ak'õrea sõpia p'anɨane apatama. Taipa Tachi Ak'õre pedea jarateadada mãrapa ũrisidaɨde, ẽpẽrarãpa k'ɨ̃risia p'anɨ jĩra ĩjãanaé pasima. Mãɨpari mãɨ pedea piarã Tachi Ak'õre pedeat'a k'awadada pẽra ĩjãasidama. Ara mãɨ pedeapa mãra chi Cristode ĩjãapataɨrã́ pia oopi bɨma.

Colosense 1:29

Mãɨ k'orea mɨ ɨ̃apaawẽa mimia bɨma Cristopa ichi jua chaareapi bɨdepa.

1 Corintio 15:10

Maamina Tachi Ak'õrepa ichi sõpiadepa mɨ bɨsima Jesucristopa peeda bamẽrá. Ichia mɨ pari mãɨya bɨé pasima. Mãɨpari jõma chi waapẽarã Jesucristopa peedaɨrã k'aepẽra mɨa ichi pae atepe oo bɨma. Maamina ara mɨchidepa mãɨya oowẽa bɨma. Tachi Ak'õrepuru ichi sõpiadepa mɨ k'aripa bɨma mãɨya oomẽrá.

1 Corintio 3:5

Maamina ¿Pablo k'aima? ¿Apolo k'aima? Tait'u Tachi Ak'õre pae pari mimiapataɨrãpɨ. Taidepa mãrapa Tachi Chiparide ĩjãasidama. Tachi Ak'õrepa taicha oopida jĩra oosidama.

Romano 15:16

judiorãwẽ t'ãena Jesucristo pae pari mimiaparí bamẽrá. Mãɨpuru pedea pia Tachi Ak'õre k'orea ãchiá jaratea bɨma. Ĩjãasidara p'aare judiopa ãnimara paatearu jĩra mɨa ãchi Tachi Ak'õrea tearuma pia unumẽrá. Mãɨne Tachi Ak'õre Jaorepa ãchi Tachi Ak'õre pae pia bɨipɨ.

Romano 1:5

Jesucristodepa Tachi Ak'õrepa mɨ bɨsima ichia peeda bamẽrá. Ichidepa mãɨya bɨsima jõma tuachadepemarãpa Jesucristode ĩjãanamẽrá, ichi pedea oodamẽrá mãɨnepa ichiá pia pedeadamẽrá.

Ep'esio 4:16

Ichidepa jõma tachi ichi k'ak'uapɨ. Ará ãpua p'anɨma chi k'aripadai k'orea. Tachicha oodai p'anɨ jĩra ooutade jõmãɨrã k'ɨ̃rianepa pia waripododaipɨ.

Ep'esio 3:8

Jõma ẽpẽrarã Tachi Ak'õrenepemarã t'ãena mɨ k'aepe bɨmina, ichi sõpiadepa mɨt'u bɨsima judiorãwẽa chi Cristo k'orea nepia jõk'apɨ́ jarateamẽrá.

Gálata 2:8

Piarã Tachi Ak'õrepa Pedro ichia peeda bɨsima, judiorãmá jarateamẽrá. Ara mãɨ Tachi Ak'õrepa mɨ ichi peeda bɨsima judiorãwẽmá jarateamẽrá.

2 Corintio 4:1

Tachi Ak'õrepa tachi mãɨya k'ĩra chupuria bɨdepa ichi pedea itu jarateapi bɨ pẽra, taipa k'ĩra sẽ p'anɨ jĩra k'ɨ̃risiadak'ama.

Hecho 9:15

Maamina Tachi Chiparipa jarasima: —Wãse. Mɨa ichi jɨrɨ atasima mɨ k'orea pedeamẽrá judiorãwẽmá, ãchi poro jũra jɨ̃parí jɨ̃pataɨrã́ mãɨnepa israel ĩjũanepemarã́.

Romano 12:3

Tachi Ak'õrepa ichi sõpiadepa mɨ bɨsima ichi pae ne oo bamẽrá. Mãɨpuru mɨa mãrá nãɨ jararuma: mi ãpia pida k'ɨ̃risiaiwẽa bɨma ara ichi chi atepe bɨt'a. Mãrapa Cristode ĩjãanana pẽra Tachi Ak'õrepa machicha ne awara awará teasima ne oodamẽrá. Mãɨpuru ichia teada jĩra machia oo p'anɨ k'orea pia k'ɨ̃risiat'ɨ.