Ep'esio 2:16 - Tachi Ak'õre Pedea

¹⁶ Ichi k'urusude piudadepa p'uuru ume bada p'uuru aba ook'ari umea Tachi Ak'õre ome pia bɨsima. Mãɨya tachi awara p'anana ichia ará pia bɨsima.

Ep'esio 2:16 Referans Kwoze

Romano 5:10

Tachi wapida Tachi Ak'õre ome chi nek'ĩramá p'anasidaɨde ichi Warra piudadepa tachi ichi ome sõpia bɨsima. Mãɨya tachi piarã k'aripaipɨ Cristo chok'ae bɨ pẽra.

Colosense 2:14

Piarã nemietá oo p'anɨ k'orea tachi, Tachi Ak'õrea tee pará p'anasidama. Mãɨpuru Moisepa bɨdade bɨ bɨma tachi piudai p'anɨ. Maamina Cristo k'urusude piuside Tachi Ak'õrepa mãɨ tee p'anana ãarea k'ɨ̃risia atuasima.

Ep'esio 2:15

Moisepa bɨdapa ne minachia wawaria oopipachima mãɨ judiorã, judiorãwẽ ãchi k'ak'awá p'ananamẽrá. Maamina Cristo piudadepa mãɨ Moisepa bɨda ãyá bɨsima, ne k'ɨ̃risiawẽa ará p'ananamẽrá mãɨnepa p'uuru chiwidi aba bɨde tuanamẽrá.

Gálata 2:20

Mɨ Cristo ome ará k'urusude barijira bɨsidama. Mãɨpuru ara mɨnepa bɨwẽma, mãɨpari Cristot'a mɨ sõne bɨma. Nãɨ k'ak'uade chok'ae bɨmisa, mɨ Tachi Ak'õre Warra Jesudepa baipɨ. Ara mãɨ Jesupa ichi Ak'õrepa oopi bɨt'a oopachi pẽra, mɨ k'ɨ̃riasima mãɨnepa mɨ k'orea ara ichi itu peapisima.

Romano 8:3

Moisepa bɨdapa tachi nemietaadepema p'ue pari ãjã́ bɨé pasima. Nãɨ k'ak'uapa oo k'ɨ̃ria bɨdepa nipapataɨrãpa mãɨ Moisepa bɨda oodai k'aepẽra nemietá oopatama. Maamina Tachi Ak'õrepa ichi Warra peesima tachi chi nemietá oopataɨrã jĩra bamẽrá. Mãɨne tachi nemietá pari piusima. Mãɨya Tachi Ak'õrepa nemietá tachi k'ak'uadepa oodada ɨtɨasima.

Romano 8:7

Nãɨ k'ak'uapa oo k'ɨ̃ria bɨt'a k'ɨ̃risia baipɨra, Tachi Ak'õre ome chi nek'ĩramaapɨ. Moisepa bɨda jĩra ooi k'ɨ̃riak'ama; mi ãpia pida p'ue ook'ama.

Romano 6:6

Tachia k'awa p'anɨma tachi k'ɨ̃risia chota bɨ piusit'a Cristo ome k'urusude barijira bɨdada jĩra. Mãɨya tachi k'ɨ̃risia chota bɨpa nãɨ k'ak'uapa nemietá oo k'ɨ̃ria bɨ waa p'ue oopiiwẽma. Tachi waa nemietá pae pari mimiapataɨrãwẽma.

1 Corintio 10:17

Tachia p'ana aba bɨ chok'araɨrãpa t'oet'aadak'ari k'opatama. Ara mãɨ jĩra tachi chok'ará p'anɨmina k'ak'ua aba bɨ jĩra p'anɨma.

Ep'esio 3:6

Ichia k'awapiwẽa bada nãɨt'a: judiorãwẽpa pedea pia Cristo k'orea ĩjãa p'anɨnepa judiorã ome ará Tachi Ak'õrepa teaidepema jitadaipɨ, abarik'a k'ak'uade p'anɨma, mãɨnepa Tachi Ak'õrepa Jesucristodepa teai jarada ará uru p'anɨma.

Ep'esio 4:4

Tachi k'ak'ua abapuru bɨma. Tachi Ak'õre Jaore abapuru bɨt'a uru p'anɨma. Tachi Ak'õrepa mãra t'ɨ̃sima abarik'a nɨ p'ananamẽrá.

Colosense 3:15

Tachi Ak'õrepa mãra t'ɨ̃sima k'ak'ua aba bɨ jĩra p'ananamẽrá. Cristopa nek'ĩramariwẽa p'anapi bɨma, mãra sõne. Mãɨpa k'awapiipɨ k'ãre oodai p'anɨ. Mãɨya p'anat'ɨ. Mãɨnepa Tachi Ak'õrea sõpia p'anɨane at'ɨ.