Ep'esio 2:10 - Tachi Ak'õre Pedea

¹⁰ Tachi Ak'õrepa tachi Jesucristodepa chiwidi oosima nepia oo p'ananamẽrá. Mãɨ nepia ichia naena bɨsima tachia oodamẽrá.

Ep'esio 2:10 Referans Kwoze

P'ilipense 2:13

Ichiapuru mãra k'aripa bɨma ichia k'ɨ̃ria bɨ oo p'ananamẽrá mãɨnepa mãɨya oo k'ɨ̃ria p'ananamẽrá.

Colosense 1:10

Mãɨya mãra p'ue jĩp'a nipadaipɨ Tachi Chiparipa k'ɨ̃ria bɨ jĩra mãɨnepa ne ãareaɨne ichia mãra pia unuipɨ. Piarã mãrapa nejõma pia oo p'anɨnepa nejõ pia chau bɨ jĩra tuananaipɨ mãɨnepa Tachi Ak'õre pia k'awapododaipɨ.

Hebreo 13:21

Mɨa k'ɨ̃ria bɨma chi ara mãɨ Tachi Ak'õrepa ne ãarea pia mãrá oo k'awapiit'a, ichia k'ɨ̃ria bɨ jĩra p'ue oodamẽrá. Mãɨnepa k'ɨ̃ria bɨma Jesucristodepa ichia tachi sõne ne ãarea ooit'a ichia k'ɨ̃ria bɨ jĩra p'ananamẽrá. Tachia ewaricha Jesucristoa pia pedeadai p'anɨma. Mãɨya beese.

2 Corintio 5:17

Piarã abaɨ Cristo ome bɨpɨra, ichi naena bada jĩra bɨwẽma mãɨpari ichi ẽpẽra chiwidi jĩra bɨma.

2 Corintio 9:8

Piarã Tachi Ak'õrepa nejõma mãrá minachia p'ue teaipɨ. Mãɨya ewaricha ne ãareaɨne mãrapa uru p'ananai p'anɨt'a piarã uru p'ananaipɨ mãɨnepa nejõma pia oodai k'orea.

Ep'esio 4:24

Mãɨ k'ɨ̃risia chiwidi Tachi Ak'õrepa oosima mãra ichi jĩra p'ananamẽrá. Mãɨpuru p'aru chiwidi jɨ̃ p'anɨ jĩra k'ɨ̃risia chiwididepa nipat'ɨ. Mãɨya mãra Tachi Ak'õre k'ĩrari jĩp'a, pia nipadaipɨ chi piarã pedeapa jara bɨ jĩra.

P'ilipense 1:6

Mɨa nãɨ piarã k'awa bɨma: Tachi Ak'õrepa mãra sõne pia ooda, pia oopodoipɨ aba Jesucristo cherudea. Mãɨne ichia mãra jõma pia ua baipɨ.

2 Timoteo 3:17

Mãɨya ẽpẽrarã Tachi Ak'õrenerãpa nejõma pia be oo k'awadak'ari p'ue oo p'ananaipɨ.

Ep'esio 4:1

Mɨ Tachi Chipari k'orea eda serra bɨma. Mɨa mãrá chichupuria idiruma jĩp'a nipadamẽrá. Tachi Ak'õrepa mãra t'ɨ̃sima mãɨya nipadamẽrá.

2 Timoteo 2:21

Tachi sida ara mãɨ jĩra p'anɨma. Tachia k'achia itu bɨdaipɨra, Tachi Chipari pae pia p'ananaipɨ. Mãɨya tachidepa ichia ne p'ue ooipɨ mãɨnepa nejõma pia oodai k'orea p'ananaipɨ.

Tito 2:14

Tachi k'orea Jesucristopa ara ichi itu peapisima ãarea nemietaadepema k'aripai k'orea. Tachi ara ichi pae pia bɨsima ichi p'uurude p'ananamẽrá mãɨnepa nejõma pia oo k'ɨ̃ria p'ananamẽrá.

Ep'esio 1:4

Nãɨ ĩjũa ooi naena Cristodepa tachi jɨrɨ atasima ichi pae pia p'ananamẽrá mãɨnepa ichi k'ĩrari nemietaawẽa p'ananamẽrá. Jua chiwidieda Jesucristodepa tachi ichi warrarã padayade a k'ɨ̃risiasima, mãɨya oo k'ɨ̃ria bada pẽra mãɨnepa tachi k'ɨ̃riana pẽra.

1 Timoteo 6:18

Chi ne pará berã́ jarase jõmãɨrã ome nepia oodamẽrá. Mãɨnepa jarase ãchia uru p'anɨnepema sõpiadepa waapẽarã́ teadai k'orea p'ananai p'anɨ.

Tito 3:14

Tachi chi Cristode ĩjãa berãpa pia oo k'awadai p'anɨma nenea k'ede k'aripadai k'orea. Mãɨya ara tachi pari p'ananaiwẽma.

Hebreo 10:24

Jɨrɨdai p'anɨma sãmaasã́ chi k'aripadait'a pia chi k'ɨ̃rianai k'orea mãɨnepa nepia oodai k'orea.

Tito 3:8

Mãɨ pedea piarã arí bɨ pẽra, mãɨne ĩjãanai p'anɨma. Mɨa k'ɨ̃ria bɨma pɨa mãɨ minachia jaratea bai Tachi Ak'õrene ĩjãa berãpa nejõma pia oo wãnamẽrá. Mãɨ pedea minachia pia bɨma. Jõmãɨrã k'aripaparima.

Colosense 3:10

Neet'á chiwidi jɨ̃uta jĩra mãra chiwidi p'aneesidama ara Tachi Ak'õre jĩra p'ananamẽrá. Mãɨ awara mãra pia oopodoutama ichi jĩra p'aneenamẽrá mãɨnepa ichi pia k'awadamẽrá.

Tito 2:7

Jõma pia oo bɨdepa jõmãɨrã́ unupi base sãmaasã́ nipadai p'anɨ. K'ɨ̃risia piadepa jĩp'a jaratea base.

1 Corintio 3:9

Mɨa Apolo ome abarik'a Tachi Ak'õrepa oopi bɨt'a oo p'anɨma. Mãra sida Tachi Ak'õre ne uu ĩjũapɨ. Mãɨ awara mãra Tachi Ak'õrepa te oomaa bɨ jĩra p'anɨma.

1 Pedro 2:12

Tachi Ak'õrene ĩjãanak'apɨɨrã t'ãena jĩp'a nipat'ɨ. Mãɨya ãchia mãra nemietá oopataade a p'anɨmina, mãrapa pia oo p'anɨt'a unu p'anɨma. Maapae Tachi Ak'õre cherude mãra k'orea ichiá pia pedeadaipɨ.

Tito 3:1

Ũpẽarã́ k'ɨ̃risiapise chi nãɨ ĩjũanepema minachia k'awa p'anɨrã juade p'ananai p'anɨma. Ãchia jarauta oodai p'anɨma mãɨnepa nejõma pia oodai k'orea p'ananai p'anɨma.

Mateo 5:16

Ara mãɨ jĩra ẽpẽrarã k'ĩrari pia oo p'anat'ɨ ãchia Tachi Ak'õre pajãne bɨa pia pedeadamẽrá.

Juan 3:21

Maamina ãarea chi piarã oopataɨrã chi ɨnaa bɨdea che p'anɨma, ãchia mãɨ Tachi Ak'õrepa k'ɨ̃ria bɨ jĩra oopataɨ ãareaɨrãpa k'awadamẽrá.

Romano 8:29

Mãɨ mãɨya bɨma, ichia naenaena k'awa basi pẽra k'airã ichidirã pait'a. Ãchi bɨsima ichi Warra Jesú jĩra p'ananamẽrá. Mãɨya ichi Warra Jesú ũpẽarã chok'ará p'anɨnepema chi naapemapɨ.

Hecho 9:31

Mãɨmisa Judea tuade, Galilea tuade mãɨnepa Samaria tuade ũpẽarã nek'ĩramariwẽa tuanasidama mãɨnepa ne minachia k'awapodosidama. Tachi Chipari wap'ea p'anɨnepa nipasidama mãɨnepa Tachi Ak'õre Jaore chi jua chaareadepa waripodosidama.

2 Corintio 5:5

Piarã Tachi Ak'õrepa tachi mãɨ k'orea oosima. Ichi Jaore tachiá teasima k'awadamẽrá jõma ichia teai jarada piarã atadait'a.

1 Timoteo 5:25

Ara mãɨ jĩra waapẽarãpa pia oo p'anɨt'a tachia pia ak'ɨpatama, mãɨnepa waapẽarãpa pia oo p'anɨt'a pia ak'ɨdak'amina mẽra beeiwẽma.

1 Timoteo 2:10

Mãɨpari Tachi Ak'õre wap'ea be pẽra, wẽerãpa pia oo p'anɨnepa minachia k'ak'apia p'anɨ jĩra p'ananai p'anɨma.

1 Timoteo 5:10

Ãchia pia oodada k'orea t'ɨ̃ p'oa p'ananai p'anɨma. Ãchi warrarã pia taup'ãepachidapɨra, ãchi tedea chedaadarã́ pia pedeapachidapɨra, ũpẽarã jĩru sɨɨpachidapɨra, chi mĩa k'ede k'aripapachidapɨra mãɨnepa nejõma pia oopachidapɨra, mãɨ p'ẽtã́ t'ɨ̃ k'art'ade bɨdai p'anɨma.

1 Juan 1:7

Maamina ichi ɨnaane bɨ jĩra tachi ɨnaane nipadaipɨra, tachi ũpẽarã ome ará pia p'ananaipɨ. Mãɨnepa ichi Warra Jesucristo oa ãrinapa tachi nemietá ãarea sɨɨparima.

Hecho 9:36

Mãɨ ewaride Jesude ĩjãa bɨ wẽra Tabita apataɨ Jope p'uurude basima. Griego pedeade ichi t'ɨ̃ Dorca apachidama. Mãɨ ũpẽawẽrapa nepia be oo bapachima. Chi nenea k'ede minachia k'aripapachima.

Gálata 6:15

Tachi Ak'õremá k'ak'ua tauchaa bai wa k'ak'ua tauchaawẽa bait'a pia bɨwẽma. Ichimá, ẽpẽra chiwidi oodat'u mãɨ pia bɨma.

Romano 8:1

Naapae tachi Cristo Jesú ome p'anɨ pẽra nepɨra mi ãpia pida pará p'anɨane a bɨwẽma.

Ep'esio 2:2

Mãɨya p'ɨrrɨasidama chi nãɨ ĩjũanepema k'ɨ̃risiat'a ĩjãa p'anana pẽra mãɨnepa jaore mietaarã chi minachia k'awa bɨde ĩjãa p'anana pẽra. Nãɨ ewaride ichia chi Tachi Ak'õre pedea ĩjãanak'apɨɨrã ichi juade uru bɨma.

Ep'esio 1:1

Mɨ Pablopɨ. Tachi Ak'õrepa k'ɨ̃riana pẽra mɨ Jesucristopa peedapɨ. Mɨa nãɨ k'art'a bɨruma jõma ẽpẽrarã Tachi Ak'õrenepemarã Jesucristode ĩjãa be Ép'eso p'uurudepemarã pae.

Ep'esio 2:6

Jesucristo ome ará p'anɨ pẽra Tachi Ak'õrepa tachi chok'ae p'irabaripisima mãɨnepa mãɨ ome ará pajãne suak'abari beepisima.

Ep'esio 2:13

Maamina naapae Jesucristo ome p'anɨ pẽra, mãra chi naena t'ɨmɨa beada Tachi Ak'õrepa Cristo oadepa ichi k'ait'a enemeesima.

Ep'esio 2:15

Moisepa bɨdapa ne minachia wawaria oopipachima mãɨ judiorã, judiorãwẽ ãchi k'ak'awá p'ananamẽrá. Maamina Cristo piudadepa mãɨ Moisepa bɨda ãyá bɨsima, ne k'ɨ̃risiawẽa ará p'ananamẽrá mãɨnepa p'uuru chiwidi aba bɨde tuanamẽrá.