Ep'esio 1:4 - Tachi Ak'õre Pedea

^4-5 Nãɨ ĩjũa ooi naena Cristodepa tachi jɨrɨ atasima ichi pae pia p'ananamẽrá mãɨnepa ichi k'ĩrari nemietaawẽa p'ananamẽrá. Jua chiwidieda Jesucristodepa tachi ichi warrarã padayade a k'ɨ̃risiasima, mãɨya oo k'ɨ̃ria bada pẽra mãɨnepa tachi k'ɨ̃riana pẽra.

Ep'esio 1:4 Referans Kwoze

2 Timoteo 1:9

Tachi Ak'õrepa tachi k'aripasima mãɨnepa t'ɨ̃sima ichi pae pia p'ananamẽrá. Tachia pia oo p'anɨnepa mãɨya ooé pasima, mãɨpari ichi sõpiadepa ooi k'ɨ̃risia bada pẽra mãɨya oosima. Piarã nãɨ ĩjũa bai naena Tachi Ak'õrepa ichi sõpiadepa k'ɨ̃risiasima Jesucristodepa tachi k'aripait'a.

Ep'esio 2:10

Tachi Ak'õrepa tachi Jesucristodepa chiwidi oosima nepia oo p'ananamẽrá. Mãɨ nepia ichia naena bɨsima tachia oodamẽrá.

Mateo 25:34

Maapae mɨ, chi Minachia k'awa bɨpa juaraari p'anɨrã́ nãɨya jaraipɨ: “Mãra, mɨ Ak'õrepa pia beepidaɨrã, chet'ɨ. Ichi p'uurude pia p'anat'ɨ. Nãɨ ĩjũa oosiedapema mãɨ p'uuru mãra pae oo basima.

Santiago 2:5

Ũpẽarã mɨa k'ɨ̃ria berã, ¡ũrit'ɨ! ¿Tachi Ak'õrepa nãɨ ĩjũane nenea k'ede k'aripawẽk'ãra Jesucristode ĩjãanamẽrá? Mãɨya ãchi ẽpẽra ɨbɨa p'anɨ jĩra p'anɨma. Tachi Ak'õrepa ãchi ichi juade ua baipɨ. Mãɨya piarã jarasima, chi ichi k'ɨ̃ria berã́.

1 Pedro 2:9

Maamina mãra Tachi Ak'õrepa jɨrɨ atadaɨrãpɨ, Tachi Chipari p'aarerãpɨ, ichi pae bɨda ẽpẽrarãpɨ mãɨnepa ichi p'uurupɨ. Mãɨya Tachi Ak'õrepa ne minachia pia ooda k'orea mãrapa pedeapatama. Tachi Ak'õrepa mãra p'ãrionepema t'ɨ̃sima ichi ɨnaa minachia pia bɨde p'ananamẽrá.

Apocalipsi 13:8

Mãɨne chi nãɨ ĩjũane ãareaɨrãpa mãɨ ãnimara minachia k'ɨ̃riasidama. Nãɨ ĩjũa ooi naena ãchi t'ɨ̃ chi Oveja Chak'e k'art'ade eda bɨ baé pasima. Mãɨ chi ewaricha chok'ae p'ananai k'art'ade ãchi t'ɨ̃ ãarea eda bɨ bɨma.

Juan 15:16

Mãrapa mɨ jɨrɨ atadaé pasima. Mɨapuru mãra jɨrɨ atasima. Pak'uru bɨɨrɨ nejõ beraak'aɨ chaupari jĩra, mɨa mãra bɨsima wãnak'ari nepia chaudamẽrá. Mɨa mãra jɨrɨ atada pẽra mãrapa mɨ Ak'õrea mɨ t'ɨ̃nepa ne idiutat'a ichia teaipɨ.

1 Pedro 1:2

Tachi Pajãnepema Ak'õrepa mãra jɨrɨ atasima ichia naenaena k'ɨ̃risia bada jĩra. Tachi Ak'õre Jaorepa mãra ichi pae bɨsima Jesucristode ĩjãanamẽrá mãɨnepa ichi oadepa Tachi Ak'õre k'ĩrari nemietá newẽa p'ananamẽrá. Mɨa k'ɨ̃ria bɨma Tachi Ak'õrepa ichi sõpiadepa mãra k'aripa bait'a mãɨnepa ne k'ɨ̃risiawẽa bapiit'a.

1 Pedro 1:20

Nãɨ ĩjũa ooi naena Tachi Ak'õrepa Cristo jɨrɨ atak'ari nãɨ k'aadeapema ewaride peesima mãra pia p'ananamẽrá.

Colosense 3:12

Tachi Ak'õrepa mãra k'ɨ̃rianepa jɨrɨ atasima ichi pae pia p'ananamẽrá. Mãɨpuru waapẽarã k'ĩra chupuria p'anat'ɨ. Ẽpẽra pia p'anat'ɨ. Mãra chi atepe be k'ɨ̃risiarãt'ɨ. Jõmãɨrã ome k'ɨ̃risia piadepa p'anat'ɨ. Ara machi paara choa p'anat'ɨ.

Colosense 1:22

Maamina Cristo piudadepa Tachi Ak'õrepa mãra ichi ome pia bɨsima ichi k'ĩrari k'achiawẽa p'ananamẽrá mãɨnepa waapẽarãpa mãra k'orea k'achia pedeadawẽa p'ananamẽrá.

Ep'esio 5:27

Jõma mãɨ oosima tachi ichi pae minachia pia bɨi k'orea, jayoawẽa, asosoawẽa, mãɨnepa mi ãpia pida paritua mietaawẽa. Ichia k'ɨ̃ria basima tachi ichi pae pia p'ananait'a, k'achia p'ananayane a jarawẽa.

Apocalipsi 17:8

Chi pɨa ununa ãnimara mietá bɨ naena chok'ae bada, idiapae newẽma, maamina ewariaba chi uria minachia bɨdepa cherude, Cristopa mãɨ ɨtɨaipɨ. Nãɨ ĩjũanepemarãpa mãɨ ãnimara unuutade k'awa k'ɨ̃risiadawẽa p'aneenaipɨ. Nãɨ ĩjũa ooi naena ãchi t'ɨ̃ chi ewaricha chok'ae p'ananai k'art'ade bɨwẽa basima.

Hecho 13:48

Judiorãwẽpa mãɨ ũrisidaɨde arapaasidama. Ara mãɨne Tachi Chipari k'orea pedea pia pedeasidama. Chi Tachi Ak'õrepa ewaricha ichi ome chok'ae beadai k'orea bɨdarãpa ichide ĩjãasidama.

Juan 17:24

»Ak'õre, pɨa nãɨ ĩjũa ooi naena mɨ k'ɨ̃ria basima. Mãɨpuru pajãne mɨ chi choma bɨsima. Mɨa k'ɨ̃ria bɨma ãarea pɨa mɨá teadaɨrã mãma mɨ ome ará p'ananait'a, pɨa mɨ chi choma bɨda ununamẽrá.

1 Tesalonicense 4:7

Tachi Ak'õrepa tachi jɨrɨ ataé pasima k'achiade p'ananamẽrá, mãɨpari jɨrɨ atasima ichi pae jĩp'a p'ananamẽrá.

P'ilipense 2:15

Mãɨya mãra k'orea k'achia pedeadawẽa p'ananaipɨ mãɨnepa jĩp'a p'ananaipɨ. Ẽpẽrarã minachia nemietá oopataɨrã t'ãena p'anɨmina nemietá newẽa p'anat'ɨ. Tachi Ak'õre warrarã pẽra ãchi t'ãena k'ãk'ãi uchuchoapataɨ jĩra p'anɨma.

2 Timoteo 2:19

Mãɨya p'anɨmina, Tachi Ak'õre ẽpẽrarãpa Cristode minachia ĩjãa p'anɨma, te jĩrupa te chaarea bapipari jĩra. Tĩitaude ne bɨpata jĩra Tachi Ak'õrepa nãɨya jarasima: «Tachi Chiparipa jõma ichidirã k'awa bɨma». Mãɨnepa jarasima: «Ãarea Tachi Chiparide ĩjãa p'anɨane a berãpa k'achia itu bɨdai p'anɨma».

Hecho 18:10

Mɨ pɨ ome bɨma. Abaɨ pida pɨ p'ue piawẽa ooiwẽma, mɨa ẽpẽerã minachia nãɨ p'uurude uru bɨ pẽra».

2 Timoteo 2:10

Mãɨ k'orea mɨa jõma choa bɨma Tachi Ak'õrepa jɨrɨ atada ẽpẽrarã k'aripai k'orea. Mãɨya Tachi Ak'õrepa ãchi sida Jesucristodepa k'aripaipɨ, ewaricha ichi pia bɨdepema uru p'ananamẽrá.

Ep'esio 4:2

Mãra chi atepe be k'ɨ̃risiarãt'ɨ, mãɨpari k'ɨ̃risia piadepa p'anat'ɨ. Ara machi paara k'ɨ̃rianepa choa p'anat'ɨ.

1 Corintio 1:8

Mãɨpa Tachi Ak'õrepa mãra chaarea uru baipɨ aba nãɨ ewari jõrunea. Mãɨya Tachi Chipari Jesucristo cherude mãra k'orea k'achia pedeadaiwẽa p'ananaipɨ.

Mateo 24:31

Mãɨne ãnimara k'achu chaarude mɨa Tachi Ak'õrepa ɨt'aripa peedaɨrã tuacha wãpiipɨ Tachi Ak'õrepa jɨrɨ atadaɨrã tausia ará jeredamẽrá.

Ep'esio 5:2

Jõmãɨrã k'ɨ̃riat'ɨ Cristopa tachi k'ɨ̃ria bɨ unupida jĩra. K'ɨ̃rianepa tachi k'orea ara ichi itu peapisima Tachi Ak'õrea ãnimara paatearu jĩra. Tachi Ak'õrepa mãɨ pia unusima.

Juan 10:16

Mɨa uru bɨma waapẽarã oveja nãɨ k'ãipataɨde p'anɨwẽ. Mãɨrã sida mɨa eda ateewãipɨ. Ãchia mɨ pedea ĩjãanaipɨ. Mãɨya ãareaɨrã ará p'ananaipɨ. Mãɨne ãchi ak'ɨparí aba bɨ baipɨ.

1 Tesalonicense 3:12

Taipa k'ɨ̃ria p'anɨma Tachi Chiparipa mãra k'aripa bai jõmãɨrã ome minachia chi k'ɨ̃ria p'ananamẽrá taipa mãra minachia k'ɨ̃ria p'anɨ jĩra.

Ep'esio 3:17

Mãɨnepa ɨt'aa chiidi bɨma ĩjãa p'anɨ pẽra Cristo mãra sõne bamẽrá. Ɨt'aa chiidi bɨma mãra ne ãareaɨne k'ɨ̃rianepa p'ananamẽrá. Mãɨya chaarea p'ananaipɨ minachia k'arra jãa p'anɨ jĩra.

Gálata 5:13

Ũpẽarã, Tachi Ak'õrepa mãra t'ɨ̃sima ãjã́ pari p'ananamẽrá. Maamina k'aripada pẽra k'ɨ̃risiarãt'ɨ mãra k'ak'uapa k'ɨ̃ria bɨ jĩra oodai p'anɨt'a. Mãɨpari piarã k'ɨ̃ria p'anɨnepa chi k'aripat'ɨ.

Romano 8:33

¿K'aipa Tachi Ak'õrea ichia jɨrɨ atadaɨrã k'orea p'ue k'achia pedeaima? Ara Tachi Ak'õrepuru tachi chi ichidirã jĩp'a berã paara bɨparima.

Mateo 24:24

Mãɨ ewaride waapẽarãpa ara ãchi Tachi Ak'õrepa Tachi K'aripaparí teai jaradaade a jaradaipɨ. Ichiaba waapẽarãpa sea jaradaipɨ ãchi Tachi Ak'õre pari pedeapataɨade adaipɨ. Mãɨrãpa ẽpẽrarãpa ne p'ue oodak'apɨ́ waibɨa be oodaipɨ ẽpẽrarã seadai k'orea. Tachi Ak'õrepa jɨrɨ atadaɨrã sida p'ue seadaipara, ãchi sida seadai pasima.

Mateo 24:22

Tachi Chiparipa mãɨ ewari edá baepiépara mi ãpia pida ẽpẽra baiwẽ pasima. Maamina ichia mãɨ ewari edá baepisima, ichia jɨrɨ atada ẽpẽerã k'orea.

1 Juan 4:16

Tachia k'awa p'anɨma mãɨnepa ĩjãa p'anɨma Tachi Ak'õrepa tachi k'ɨ̃ria bɨt'a. Tachi Ak'õrepa ne ãareaɨne k'ɨ̃ria bɨma. Chi piarã k'ɨ̃ria uru bɨ Tachi Ak'õre ome bɨma mãɨnepa Tachi Ak'õre ichi ome bɨma.

2 Pedro 3:14

Ũpẽarã, mãrapa jõma mãɨ nɨ p'anɨ pẽra ne ãareaɨne k'ĩra jĩp'a nipat'ɨ Tachi Ak'õrepa mãra pia, ne k'achiawẽa, ichi ome ne k'ɨ̃risiawẽa p'anɨ unumẽrá.

Colosense 2:2

Mɨa k'ɨ̃ria bɨma jõmãɨrã sõpiapiit'a, k'ɨ̃ria p'anɨnepa ará pia p'ananai, mãɨnepa piarã k'ɨ̃risia k'awa uru p'anɨnepa pia p'ananai. Mãɨya Tachi Ak'õrepa naena k'awapiwẽa bada k'awadaipɨ. Mãɨ Cristopɨ.

Gálata 5:22

Maamina Tachi Ak'õre Jaorepa nakɨɨ teaparima: waapẽarã k'ɨ̃ria p'anapataɨ, arapá p'anapataɨ, ne k'ɨ̃risiawẽa p'anapataɨ, jõma choa p'anapataɨ, ẽpẽrarã ome sõpia p'anapataɨ, ẽpẽra pia p'anapataɨ, ãchia jara p'anɨ jĩra oopataɨ,

Gálata 5:6

K'ak'ua tauchaa bɨdepa wa k'ak'ua tauchaawẽa bɨdepa tachi Jesucristo ome ará bak'ama. Mãɨpari chi ichide ĩjãa bɨdepa ichi ome ará baparima mãɨnepa waapẽarã k'ɨ̃ria baparima.

Hecho 15:18

Tachi Chiparipa mãɨya jara bɨma. Chõarãena mãɨ minachia k'awapi bɨma”.