Ep'esio 1:3 - Tachi Ak'õre Pedea

³ Tachi Chipari Jesucristo Ak'õrea pia pedeadai p'anɨma. Cristo ome p'anɨ pẽra ichi Jaoredepa nejõma pia tachiá pajãnepa tea bɨma.

Ep'esio 1:3 Referans Kwoze

1 Pedro 1:3

Tachi Chipari Jesucristo, Pajãnepema Ak'õrea pia pedeadai p'anɨma. Ichia tachi minachia k'ĩra chupuriada pẽra Jesucristo piu bada chok'ae p'irabaridadepa tachi chok'ae chiwidi jĩra p'aneepisima. Mãɨpuru piarã k'awa p'anɨma

2 Corintio 1:3

Tachi Chipari Jesucristo Pajãnepema Ak'õrea pia pedeadai p'anɨma. Ichi chi tachi k'ĩra chupuriaparí Tachi Ak'õrepɨ mãɨnepa tachi sõpiapiparí Tachi Ak'õrepɨ.

Ep'esio 2:6

Jesucristo ome ará p'anɨ pẽra Tachi Ak'õrepa tachi chok'ae p'irabaripisima mãɨnepa mãɨ ome ará pajãne suak'abari beepisima.

Ep'esio 1:20

Tachi Ak'õrepa Cristo piu bada chok'ae p'irabaripik'ari pajãne ichi juaraari suak'a beepisima.

Ep'esio 6:12

Tachi ẽpẽrarã paara chõo p'anɨwẽma. Mãɨ k'aepẽra jaore mietaarã nãɨ ĩjũa p'ãrionepemarã paara chõo p'anɨma. Ãchi chi tachia ununak'apɨ́ chi jua chaarea berãpɨ, chi ɨt'aripema jaore mietaarãnepema poro chaarearãpɨ.

Ep'esio 3:10

Naapae ẽpẽrarã Tachi Ak'õrenepemarãnepa Ichia ichi ne ãareaɨne minachia ne k'awa bɨt'a k'awapisima chi jua chaarea berã́ mãɨnepa chi pajãnepema chi atepe k'awa berã́.

Gálata 3:9

Mãɨpuru chi Abrahanpa ĩjãana jĩra ĩjãa berã Tachi Ak'õrepa jõma k'aripaipɨ Abrahán k'aripada jĩra.

Juan 17:21

Ak'õre, pɨ mɨ ome bɨ pẽra mãɨnepa mɨ pɨ ome bɨ pẽra mɨa idi bɨma ãchi sida tachi ome k'ak'ua aba bɨ jĩra p'ananamẽrá. Mãɨya nãɨ ĩjũanepemarãpa ĩjãanaipɨ pɨa mɨ peesit'a.

Ep'esio 1:17

Mɨa Tachi Chipari Jesucristo Ak'õrea, chi tachi Pajãnepema Ak'õre pia bɨa ɨt'aa chiidiparima ichi Jaoredepa mãrá pia k'ɨ̃risiapimẽrá mãɨnepa ichi k'orea k'awapimẽrá. Mãɨya mãrapa ichi minachia k'awadaipɨ.

2 Corintio 11:31

Tachi Pajãnepema Chipari Jesú Ak'õrea ewaricha pia pedeadai p'anɨma. Ichia k'awa bɨma mɨa sea jarak'ama.

2 Corintio 5:21

Cristopa nemietá ook'a pasima. Maamina tachi k'orea Tachi Ak'õrepa ichi nemietá ooparí jĩra unusima. Mãɨya Cristodepa Tachi Ak'õre jĩp'a bɨt'a waapẽarã́ p'ue unupipatama.

1 Corintio 12:12

Tachi k'ak'ua aba bɨmina tachi k'ak'uade nejõma uru p'anɨma. Chi Cristo ichide ĩjãapataɨrã ome ara mãɨ jĩra p'anɨma.

Romano 12:5

Ara mãɨ jĩra tachi chok'ará p'anɨmina, Cristo ome p'anɨ pẽra k'ak'ua aba bɨ jĩra p'anɨma. Mãɨya tachi jõmãɨrã k'ak'ua abaɨde ará p'anɨma.

Ep'esio 1:10

ichia bɨda ewaride nãɨya ãarea ooipɨ: mãɨ ewaride ne ãarea pajãnepema mãɨnepa nãɨ ĩjũanepema Cristo juade bɨipɨ.

2 Corintio 5:17

Piarã abaɨ Cristo ome bɨpɨra, ichi naena bada jĩra bɨwẽma mãɨpari ichi ẽpẽra chiwidi jĩra bɨma.

Romano 15:6

Mãɨya mãrapa Tachi Pajãnepema Chipari Jesucristo Ak'õrea ará pia pedea p'ananaipɨ.

Hebreo 8:5

P'aarerãpa oo p'anɨnepa unupipatama pajãne sãmaasã́ bɨt'a. Mãɨpuru Moisepa chi Tachi Ak'õre te ãnimara e ooi naena Tachi Ak'õrepa ichiá nãɨya jarasima: «Jõma arí oot'ɨ mɨa eyade unupida jĩra».

P'ilipense 2:11

Mãɨne jõmãɨrãpa Jesucristo jõmãɨrã Chipariade a jaradaipɨ mãɨnepa Tachi Pajãnepema Ak'õrea pia pedeadaipɨ.

1 Corintio 1:30

Mãawẽa Tachi Ak'õrepa mãra Jesucristo ome ará bɨsima. Mãɨya Cristodepa Tachi Ak'õrepa ichi k'ɨ̃risia tachiá k'awapisima. Ichia tachi jĩp'a bɨsima, ara ichi pae pia bɨsima, mãɨnepa nemietaadepema k'aripasima.

Hebreo 9:23

Tachi Ak'õre te ãnimara edepa oodada mãɨnepa mãɨ tede ne eda be, Tachi Ak'õre te pajãne bɨ jĩra basima. Ãarea mãɨ ãnimara oapa ne jĩp'oi basima Tachi Ak'õre k'ĩrari pia bamẽrá. Maamina Tachi Ak'õre te pajãne bɨ mãɨnepa mãɨ tede eda be ãnimara oa k'aepẽra oa atepe pia bɨpa jĩp'oi basima.

Juan 20:17

Jesupa jarasima: —Mɨ jitarãse mɨ Ak'õremá waidi wãwẽa bɨ pẽra. Mɨ ũpẽarãmá wãk'ari jarase mɨ Ak'õremá wãrut'a. Ichi mãra Ak'õrepɨ. Mãɨ mɨ Tachi Ak'õrepɨ mãɨnepa mãra Tachi Ak'õrepɨ.

Juan 14:20

Mɨ chek'ari mãrapa k'awadaipɨ mɨ, mɨ Ak'õre ome bɨt'a, mãra mɨ ome p'anɨt'a, mãɨnepa mɨ mãra ome bɨt'a.

Luca 2:28

Simeónpa chi warra unuk'ari, jirak'ari maapae Tachi Ak'õrea nãɨya pia jarasima: