Ep'esio 1:19 - Tachi Ak'õre Pedea

¹⁹ Mãɨnepa mɨa ɨt'aa chiidiparima mãrapa k'awadamẽrá ichi jõmãɨrã k'aepẽra atepe jua chaarea bɨt'a. Mãɨ jua chaareadepa ichia tachi ichide ĩjãapataɨrã k'aripa bɨma. Ara mãɨ jua chaarea minachia bɨdepa,

Ep'esio 1:19 Referans Kwoze

P'ilipense 2:13

Ichiapuru mãra k'aripa bɨma ichia k'ɨ̃ria bɨ oo p'ananamẽrá mãɨnepa mãɨya oo k'ɨ̃ria p'ananamẽrá.

Ep'esio 3:20

¡Tachi Ak'õre minachia pia bɨma! Ichi jua chaarea tachi sõne bɨdepa ne waibɨa p'ue ooipɨ, tachia k'ɨ̃risiapataɨ k'aepẽra wa ichiá ɨt'aa chiidipataɨ k'aepẽra.

Colosense 2:12

Tachi Ak'õrepa ichi jua chaareadepa Cristo chok'ae p'irabaripisima. Mãrapa Tachi Ak'õre mãɨya jua chaarea bɨ ĩjãanana pẽra porochoasidaɨde unupisidama Cristo ome t'ɨbarisidaɨt'a mãɨnepa Tachi Ak'õrepa mãra ichi ome chok'ae p'irabaripisidaɨt'a.

2 Corintio 4:7

Cristo k'orea pedea pia bɨt'a taipa uru p'anɨmina, nãɨ k'ak'ua ɨbɨwẽa bɨma. Chok'o jĩra ãrii bɨma. Mãɨpuru jõmãɨrãpa k'awa p'anɨma tai jua chaareadepa mãɨ pedea jaratea p'anɨwẽt'a, mãɨpari Tachi Ak'õre jua chaarea waibɨa bɨdepa jaratea p'anɨt'a.

Colosense 1:29

Mãɨ k'orea mɨ ɨ̃apaawẽa mimia bɨma Cristopa ichi jua chaareapi bɨdepa.

Ep'esio 6:10

Mãɨ awara ũpẽarã, Tachi Chipari jua chaarea minachia bɨdepa chaarea p'anat'ɨ.

Ep'esio 3:7

Tachi Ak'õrepa ichi sõpiadepa mɨ chi ichi pae mimiaparí bɨsima mãɨ pedea pia Cristo k'orea jarateamẽrá. Ichi jua chaareadepa mãɨya oosima.

Ep'esio 2:10

Tachi Ak'õrepa tachi Jesucristodepa chiwidi oosima nepia oo p'ananamẽrá. Mãɨ nepia ichia naena bɨsima tachia oodamẽrá.

Romano 1:16

Mɨ p'erak'ama chi pedea pia Jesú k'orea jarateai k'orea, chi mãɨ pedea ĩjãauta Tachi Ak'õrepa ichi jua chaareadepa jõma k'aripapari pẽra; naa judiorã mãɨnepa judiorãwẽ sida.

Santiago 1:18

Ichia k'ɨ̃riana pẽra ichi piarã pedeadepa tachi chok'ae bɨsima. Mãɨya chi ne uu ĩjũanepema naapema chauda ichiá teada jĩra tachit'u jõma ichia oodadepema ichi pae pia p'anɨma.

2 Tesalonicense 1:11

Mãɨ k'orea taipa ewaricha Tachi Ak'õrea ɨt'aa chiidipatama ichia mãra pia unumẽrá. Ichia mãra mãɨ k'orea t'ɨ̃sima. Taipa ɨt'aa chiidi p'anɨma Tachi Ak'õrepa ichi jua chaareadepa mãra ãareane k'aripamẽrá. Mãɨya ichide ĩjãa p'anɨnepa chi nepia oo k'ɨ̃ria p'anɨt'a jõma oodaipɨ.

1 Tesalonicense 1:5

Taipa chi pedea pia Cristo k'orea mãrá jarateasidaɨde taipa pedeadeepuru pedeadaé pasima. Mãɨpari mãɨ pedea piarã arí k'awa p'anɨ pẽra Tachi Ak'õre Jaore jua chaareadepa pedeasidama. Mãrapa k'awa p'anɨma tai sãmaasã́ mãra paara p'anapachit'a, mãra pia p'ananamẽrá.

2 Corintio 5:17

Piarã abaɨ Cristo ome bɨpɨra, ichi naena bada jĩra bɨwẽma mãɨpari ichi ẽpẽra chiwidi jĩra bɨma.

Juan 3:6

Tachi naepa t'õna nãɨ k'ak'uadepa chedapɨ, maamina mãicha t'õna Tachi Ak'õre Jaoredepa t'õnapɨ.

P'ilipense 3:21

Ichi cherude tachi k'ak'ua piui bɨ k'ĩra awara ook'ari, mãɨne ichi k'ak'ua jĩra minachia pia beeipɨ. Ichi jua chaareadepa mãɨya ooipɨ. Mãɨ jua chaareadepa ichia nejõma p'ueipɨ.

1 Pedro 4:11

Abaɨpa ne jarateaipɨra, Tachi Ak'õre pedea jaratea bɨ pẽra jĩrak'aua jarateai bɨma. Abaɨpa waapẽarã k'aripaipɨra, Tachi Ak'õre jua chaareadepa k'aripai bɨma. Nejõma oot'ɨ jõmãɨrãpa Jesucristodepa Tachi Ak'õrea pia pedeadamẽrá. Ichiaapuru ewaricha pia pedeadai p'anɨma. Pia bɨma nejõma ichi juade uru bait'a. Minachia pia bɨma mãɨya bait'a.