Colosense 4:10 - Tachi Ak'õre Pedea

¹⁰ Ũpẽa Aristarco mɨ ome eda jɨ̃a nɨbɨma. Ichia mãrá pia bapade a jara peeruma. Bernabé meme warra Marcopa pia bapade a jara peeruma mãrá. Ichi k'orea mɨa naena k'art'ade bɨsima. Ichi mãramá wãipɨra, ichiá pia pedeat'ɨ.

Colosense 4:10 Referans Kwoze

P'ilemón 1:24

Marcopa, Aristarcopa, Demapa mãɨnepa Luca pida pɨá pia bapade a p'anɨma. Ãchia mɨ ome Tachi Ak'õrepa oo bɨt'a oo p'anɨma.

2 Timoteo 4:11

Ũpẽa Lucat'u mɨ ome bɨma. Pɨ cherude ũpẽa Marco jɨrɨde wãk'ari enemeese. Mɨa Tachi Ak'õre pae oo bɨ ichia k'aripai bɨma.

Hecho 19:29

Mãɨya p'anɨne ãarea chi p'uurudepemarã k'ĩruupik'asidama. Mãɨne waapẽarãpa Pablo ome p'ɨrrɨapataɨ ume p'anɨt'a, chi Macedonianepema Gayo mãɨnepa Aristarco jitadak'ari p'uurude ẽpẽerãpa ne ará posoa unupipataɨmá ateewãsidama.

Hecho 27:2

Maapae tai p'ãp'orro Adramitio p'uurudepemane batoodak'ari wãsidama. Mãɨ p'ãp'orro Asia tuade p'uurucha wãru pasima. Ũpẽa Aristarco Macedonia tuadepema tai ome wãsima. Ichi Tesalónica p'uurudepema pasima.

Hecho 20:4

Ichi ome nãɨrã Asia tuadea wãsidama: chi Berea p'uurudepema Pirro warra Sópater, Tesalónica p'uurudepema Segundo mãɨnepa Aristarco, Derbe p'uurudepema Gayo; mãɨnepa Asia tuadepema Tík'ik'o mãɨnepa Tróp'imo. Timoteo sida ichi ome wãsima.

Hecho 12:12

Pedropa mãɨ k'awaside Juan nae María temá wãsima. Mãɨ Juan, chi ɨ̃ana t'ɨ̃ Marco pasima. María tede ũpẽarã minachia ará Tachi Ak'õrea ɨt'aa chiidimaa p'anasima.

1 Pedro 5:13

Ũpẽarã Babilonianepemarãpa mãrá pia p'anapade a jara peeutama. Mãra jɨrɨ atada jĩra ãchi sida Tachi Ak'õrepa jɨrɨ atasima. Mɨ warra jĩra bɨ Marco pida pia p'anapade a jara peeruma.

Romano 16:7

Mɨ ũpẽarã judiorã Andronicoa mãɨnepa Juniá ara mãɨ jĩra jarat'ɨ. Waapẽarãpa pia k'awa p'anɨma ãchi Cristopa peedaɨrãt'a. Mɨ ome ará eda serra p'anasidama. Mɨa Cristode ĩjãai naena ãchia ĩjãa p'anasima.

Romano 16:2

Tachi Chipari t'ɨ̃nepa pia pedeat'ɨ Tachi Ak'õre ẽpẽrarãpa oodai p'anɨ jĩra. Ichia ẽpẽrarã chok'ará k'aripasima. Mɨ sida minachia k'aripasima. Mãɨpuru ne ãareaɨnepa ichi k'aripat'ɨ.

Hecho 13:13

Pablo mãɨnepa chi ichi ome wã p'anɨrã Pap'o p'uurudepa Panp'ília tuadea p'ãp'orrode wãsidama. Mãma Pergue p'uurude chesidama. Maamina Juan Marcopa ãchi ameek'ari Jerusalenea jĩitea wãsima.

Hecho 4:36

Mãɨne ẽpẽra José apataɨ ãchi ome basima. Jesupa peedaɨrãpa ichi t'ɨ̃ bɨsidama Bernabé. (Bernabé t'ɨ̃ jara k'ɨ̃ria bɨma «Sõpiapiparí Warra»). Ichi Levidepa ununa pasima. Mãɨ Chipredepema pasima.

Hecho 13:5

Salamina p'uurude chedak'ari judiorã ará pedeapataɨ techa Tachi Ak'õre pedea jarateasidama. Ãchi k'aripai k'orea Juan Marco ãchi ome p'ɨrrɨasima.

Hecho 12:25

Bernabepa mãɨnepa Saulopa Jerusalene chi erreara ũpẽarã pae teadak'ari jĩitea wãsidama. Juan chi ɨ̃ana t'ɨ̃ Marco apataɨ ateewãsidama.

P'ilemón 1:23

Ũpẽa Epap'ra Jesucristo k'orea mɨ ome eda serra bɨma. Ichia pɨá pia bapade a bɨma.