Colosense 3:25 - Tachi Ak'õre Pedea

²⁵ Maamina chi piawẽa oo bɨ Tachi Ak'õrepa ɨtɨaipɨ. Ichia jõmãɨrã abarik'a ɨtɨaparima.

Colosense 3:25 Referans Kwoze

Hecho 10:34

Mãɨne Pedropa jarasima: —Naapae mɨa k'awa bɨma chi Tachi Ak'õrepa abaɨ chi waapẽarã k'aepẽra atepe k'ɨ̃riak'at'a.

Romano 2:11

Tachi Ak'õrepa ẽpẽrarã ãarea abarik'a nepɨra ak'ɨipɨ.

2 Corintio 5:10

Piarã Cristopa jõma tachia oodada ak'ɨipɨ. Ichia tachicha teaipɨ tachia nãɨ k'ak'uade oo bada jĩra. Pia oo badapɨra, ara mãɨ jĩra teaipɨ. Piawẽa oo badapɨra, ara mãɨ jĩra teaipɨ.

1 Tesalonicense 4:6

Mãɨneepuru tachi ũpẽarã nemietá oorãt'ɨ, mãɨnepa mãɨya searãt'ɨ. Jõma makɨɨ Tachi Chiparipa ɨtɨaipɨ taipa mãrá jaradada jĩra.

1 Pedro 1:17

Mãrapa Tachi Ak'õrea pedeautade mãra Ak'õreane apatapɨra, k'awat'ɨ Ichia ẽpẽra waapẽarã k'aepẽra atepe k'ɨ̃riawẽanepa jõma ak'ɨipɨ, tachicha oodada k'orea. Mãɨpuru wapida nãɨ ĩjũane p'anɨmisa tua awaraɨdepemarã jĩra ewaricha ichi wap'ea p'anɨnepa jĩp'a nipat'ɨ.

Ep'esio 6:9

Ara mãɨya mãra chi chiparirã pida, chi mãra pae pari mimiapataɨrã pia oot'ɨ. Ãchi ɨtɨadayade arãt'ɨ. K'ɨ̃risiat'ɨ chi ãchi pajãnepema Chiparit'a ichiaba ara mãra Chiparipɨ. Ichia jõmãɨrã abarik'a ak'ɨparima.

Hebreo 2:2

Chi Tachi Ak'õrepa naena jara bɨeda pedea ichia ɨt'aripa peedaɨrãnepa teasima. Mãɨ pedea ẽpẽrarãpa ãarea oodai p'anasidama. Chi ãarea oowẽa be mãɨnepa chi mãɨ pedea ũriwẽa be Tachi Ak'õrepa arí ɨtɨapachima.

Colosense 4:1

Chiparirã, jĩp'a oot'ɨ chi mãra pae pari mimiapataɨrã ome. Mãra pida mãra Chipari pajãne uru p'anɨt'a k'awa p'anɨma.

Luca 20:21

Jesua nãɨya idisidama: —Jarateaparí, taipa k'awa p'anɨma pɨa piarã jarateaparit'a. Pɨa ẽpẽrarã ãarea abarik'a unuparima, mãɨnepa Tachi Ak'õre o k'orea ãareaɨrã́ piarã jarateaparima.

Juda 1:16

Mãɨ ẽpẽerã ne wariwẽa bɨ k'orea k'ĩroopatama, mãɨnepa waapẽarã k'orea ara ne wariwẽa bɨ k'orea pedeapatama. Abapuru ãchia k'ɨ̃ria p'anɨt'a jɨrɨpatama. Minachia be jĩra pedeapatama. Chi waapẽarã seapatama, chi ara ãchia k'ɨ̃ria p'anɨ jɨrɨdai k'orea.

P'ilemón 1:18

Ichia pɨ paritua piawẽa oosira wa tee paraasira, jarase mɨa pɨá jõmasã́ teait'a.

Mateo 16:27

Piarã mɨ, chi Ẽpẽra Warra Tachi Ak'õrepa ɨt'aripa peedarã ome cheipɨ mɨ Ak'õre jua chaareadepa ẽpẽerã ɨtɨai k'orea. Mãɨne pia oopataɨrã́ mɨa pia bɨipɨ, ichiaba nemietá oopataɨrã́ nepɨra pará bɨipɨ.

Ep'esio 6:8

Mãrapa k'awa p'anɨma chi chipari pae pari mimiaparipɨra wa chipari pae pari mimiapariwẽpɨra, Tachi Chiparipa tachicha teaipɨ tachia oodada jĩra.

2 Tesalonicense 1:6

Tachi Ak'õrepa jĩp'a bɨpa ẽpẽrarã ɨtɨaparima. Ichia chi mãra mĩapi p'anɨrã mĩapiipɨ.