Colosense 3:10 - Tachi Ak'õre Pedea

¹⁰ Neet'á chiwidi jɨ̃uta jĩra mãra chiwidi p'aneesidama ara Tachi Ak'õre jĩra p'ananamẽrá. Mãɨ awara mãra pia oopodoutama ichi jĩra p'aneenamẽrá mãɨnepa ichi pia k'awadamẽrá.

Colosense 3:10 Referans Kwoze

Romano 12:2

Chi nãɨ ĩjũanepemarãpa oopataɨ jĩra niparãt'ɨ, mãɨpari k'ɨ̃risia chiwidi Tachi Ak'õrepa tea bɨdepa jĩp'a nipat'ɨ. Mãɨya Tachi Ak'õrepa k'ɨ̃ria bɨt'a mãrapa k'awadaipɨ. Jõma ichia k'ɨ̃ria bɨt'a pia bɨma, jĩp'a bɨma mãɨnepa ichia pia unu bɨma.

Ep'esio 2:10

Tachi Ak'õrepa tachi Jesucristodepa chiwidi oosima nepia oo p'ananamẽrá. Mãɨ nepia ichia naena bɨsima tachia oodamẽrá.

Colosense 3:12

Tachi Ak'õrepa mãra k'ɨ̃rianepa jɨrɨ atasima ichi pae pia p'ananamẽrá. Mãɨpuru waapẽarã k'ĩra chupuria p'anat'ɨ. Ẽpẽra pia p'anat'ɨ. Mãra chi atepe be k'ɨ̃risiarãt'ɨ. Jõmãɨrã ome k'ɨ̃risia piadepa p'anat'ɨ. Ara machi paara choa p'anat'ɨ.

2 Corintio 5:17

Piarã abaɨ Cristo ome bɨpɨra, ichi naena bada jĩra bɨwẽma mãɨpari ichi ẽpẽra chiwidi jĩra bɨma.

Colosense 3:14

Mãɨ awara jõmãɨrã ome chi k'ɨ̃ria tuanat'ɨ. Mãɨya mãra jõmãɨrã ome tausia pia tuananaipɨ.

1 Juan 2:5

Maamina chi Tachi Ak'õre pedea oo bɨpa Tachi Ak'õre piarã k'ɨ̃ria bɨma. Chi Tachi Ak'õre ome ará bɨade a bɨt'a Jesucristo nipada jĩra nipai bɨma. Tachi mãɨya nipadaipɨra, k'awa p'anɨma piarã ichi ome ará p'anɨt'a.

Romano 13:14

Mãɨpari Tachi Chipari Jesucristo nipada jĩra nipat'ɨ. Nãɨ k'ak'uapa nemietá oo k'ɨ̃ria bɨt'a oodai k'ɨ̃risiarãt'ɨ.

1 Juan 2:3

Tachi Ak'õrepa oopi bɨ pedeat'a tachia oo p'anɨpɨra, unupidai p'anɨma ichi piarã k'awa p'anɨt'a.

Romano 8:29

Mãɨ mãɨya bɨma, ichia naenaena k'awa basi pẽra k'airã ichidirã pait'a. Ãchi bɨsima ichi Warra Jesú jĩra p'ananamẽrá. Mãɨya ichi Warra Jesú ũpẽarã chok'ará p'anɨnepema chi naapemapɨ.

Juan 17:3

Ewaricha chok'ae bepa, ãchia k'awa p'anɨma pɨ piarã Tachi Ak'õre aba bɨt'a. Ichiaba k'awa p'anɨma chi pɨa peeda, Jesucristot'a.

Apocalipsi 21:5

Maapae chi suak'a beeparí auk'ará bɨde suak'abari bɨpa nãɨya jarasima: «Mɨa ne ãarea chiwidi oo bɨma». Mãɨnepa nãɨya jarasima: «Chi mɨa jaramaa bɨt'a k'art'ade bɨse piarã pedea pẽra mãɨnepa mãɨne p'ue ĩjãanai p'anɨ pẽra».

Ep'esio 2:15

Moisepa bɨdapa ne minachia wawaria oopipachima mãɨ judiorã, judiorãwẽ ãchi k'ak'awá p'ananamẽrá. Maamina Cristo piudadepa mãɨ Moisepa bɨda ãyá bɨsima, ne k'ɨ̃risiawẽa ará p'ananamẽrá mãɨnepa p'uuru chiwidi aba bɨde tuanamẽrá.

Gálata 6:15

Tachi Ak'õremá k'ak'ua tauchaa bai wa k'ak'ua tauchaawẽa bait'a pia bɨwẽma. Ichimá, ẽpẽra chiwidi oodat'u mãɨ pia bɨma.

2 Corintio 4:6

Nãɨ ĩjũa jõma p'ãrio nɨbada Tachi Ak'õrepa ɨnaapisima. Ara mãɨ jĩra ichi ɨnaa bɨt'a tachi sõne ɨnaapisima. Mãɨpa jara bɨma ichi k'ĩrawãrea Cristodepa tachiá k'awapisit'a.

2 Corintio 3:18

Tachia Cristode ĩjãa p'anɨ pẽra tachi k'ĩra neet'apa mẽra pɨra uru p'anɨ jĩra p'anɨwẽma. Mãɨpuru tachidepa waapẽarãpa Tachi Chipari k'ĩrawãrea unu p'anɨma k'ĩra ak'ɨpataɨde ak'ɨ p'anɨ jĩra. Mãɨne Tachi Chipari Jaorepa tachi ewaricha pia oopodo bɨma Tachi Chipari jĩra p'ananamẽrá.

Romano 13:12

Nãɨ ewari mietá bɨ jõpodoma teamasi nɨbada ewaripodo jĩra. Mãɨpuru tachia nemietá itu bɨdak'ari pia oodai p'anɨma. Mãɨya nemietaadepema jõma ãyá p'ananaipɨ, papaká bɨpa ãst'á ichi ne jɨ̃parí chaarea bɨt'a jɨ̃ bɨ jĩra.

Gálata 3:27

Mãra porochoasidaɨde unupisidama Cristo jĩra p'aneesidaɨt'a.

Hebreo 6:6

abaɨpa Cristo itu bɨda pẽra mãicha jĩitea ichimá p'ue cheiwẽma. Mãɨyasidara Tachi Ak'õre Warra k'orea jõmãɨrã́ piawẽa pedeapidaipɨ mãicha k'urusude barijira bɨuta jĩra.

2 Corintio 4:16

Mãɨpuru taipa waa jarateadaiwẽ k'ɨ̃risiadak'ama. Tai k'ak'ua ewaricha jõpodoutamina Tachi Ak'õrepa k'aripa bɨma tai sõne chaarea p'ananamẽrá.

P'ilemón 1:6

Mɨa Tachi Ak'õrea ɨt'aa chiidi bɨma Cristode ĩjãapataɨrã ome pɨ minachia pia bamẽrá. Mãɨya jõma nepia tachia Jesucristodepa uru p'anɨt'a pɨa minachia k'awaipɨ.