Colosense 2:2 - Tachi Ak'õre Pedea

² Mɨa k'ɨ̃ria bɨma jõmãɨrã sõpiapiit'a, k'ɨ̃ria p'anɨnepa ará pia p'ananai, mãɨnepa piarã k'ɨ̃risia k'awa uru p'anɨnepa pia p'ananai. Mãɨya Tachi Ak'õrepa naena k'awapiwẽa bada k'awadaipɨ. Mãɨ Cristopɨ.

Colosense 2:2 Referans Kwoze

Colosense 1:27

Mãɨ pedea pia bɨt'a k'awapiwẽa bada ichidirã́ k'awapisima. Mãɨ pedea pia chi judiorãwẽ pae pida bɨma. Ichia k'awapiwẽa bada nãɨ: Cristo mãra sõne bɨma. Ichidepa k'awa p'anɨma ichi pia bɨdepema jitadaipɨ.

Ep'esio 6:22

Mɨa ichi mãramá peeruma k'awadamẽrá tai sãmaasã́ p'anɨt'a. Ichia mãra sõpiapiipɨ.

Colosense 3:14

Mãɨ awara jõmãɨrã ome chi k'ɨ̃ria tuanat'ɨ. Mãɨya mãra jõmãɨrã ome tausia pia tuananaipɨ.

Romano 16:25

Mɨa pedea pia Jesú k'orea jaratea baparima. Ara mãɨ pedeadepa Tachi Ak'õrepa mãra p'ue k'aripaipɨ chaarea p'ananamẽrá. Mãɨ pedea Tachi Ak'õrepa naena k'awapiwẽa basima maamina idiapae k'awapisima. Chi ichi pari pedeapataɨrãpa mãɨ k'art'ade bɨsidama. Tachi Ak'õre piuk'apa mãɨya bɨpisima tuachapemarãpa ũrinak'ari Jesucristode ĩjãanamẽrá. Tachi Ak'õrea pia pedeadai p'anɨma.

P'ilipense 3:8

Piarã mɨ Chipari Jesucristo k'await'a ne ãarea k'aepẽra atepe piipará bɨma. Mɨa naena k'ɨ̃risia bada, mãɨ ãarea ichi k'orea itu bɨsima. Jõma mãɨ nejarra jĩra unu bɨma, Cristo unui k'orea

P'ilipense 2:1

Cristode sõpia p'anɨ pẽra, ichia k'ɨ̃ria bɨdepa mãra sõpia p'aneepii bɨ pẽra, Tachi Ak'õre Jaore mãra ome bɨ pẽra mãɨnepa ichi k'ɨ̃ria bɨdepa mãra k'ĩra chupuria bɨ pẽra,

2 Pedro 1:3

Tachi Ak'õre k'awa p'anɨ pẽra, ichi jua chaareadepa tachiá nejõma teasima ichia k'ɨ̃ria bɨ jĩra nipadamẽrá mãɨnepa ewaricha ichi ome chok'ae p'ananamẽrá. Ichi chi atepe bɨ pẽra mãɨnepa jĩp'a bɨ pẽra tachi t'ɨ̃k'ari ne waibɨa mãɨnepa minachia pia bɨt'a, tachi pae ooyade asima. Mãɨya oo bɨ pẽra nãɨ ĩjũanepemarãpa nemietá oo k'ɨ̃ria p'anɨt'a mãrapa itu bɨdak'ari p'ue ichi jĩra jĩp'a p'ananaipɨ.

Romano 15:13

Nejõma pia tachia nɨ p'anɨt'a Tachi Ak'õrepa teaipɨ. Mãrapa ichide ĩjãa p'anɨ pẽra mɨa k'ɨ̃ria bɨma ichia mãra minachia arapaapiit'a mãɨnepa ne k'ɨ̃risiawẽa p'anapiit'a. Mãɨya Tachi Ak'õre Jaore jua chaareadepa mãrapa pia k'awadaipɨ nejõma pia tachia nɨ p'anɨt'a piarã atadaipɨ.

Juan 10:30

Mɨ, mɨ Ak'õre ome aba p'anɨma.

Juan 6:69

Taipa pɨ pedea piarã ĩjãa p'anɨma mãɨnepa taipa piarã k'awa p'anɨma pɨ Tachi Ak'õrepa peeda jĩp'a bɨt'a.

Hebreo 10:22

Cristopa tachi k'ɨ̃risia nemietá bada jĩp'a bɨsima tachi sõ ichi oapa ne jĩp'oru jĩra. Tachi Ak'õre k'ĩrari pia bɨsima tachi k'ak'ua pania p'ap'ãrá bɨpa sɨɨda jĩra. Mãɨpuru k'ɨ̃risia aba p'anɨnepa mãɨnepa piarã ĩjãa p'anɨnepa Tachi Ak'õre k'ait'a wãnai p'anɨma.

1 Timoteo 3:16

Piarã Tachi Ak'õrepa mãɨ pedea k'awapida minachia pia bɨma: Cristo nãɨ k'ak'uade chesima. Tachi Ak'õre Jaorepa k'awapisima ichi jĩp'a bɨt'a. Tachi Ak'õrepa ɨt'aripa peedaɨrãpa ichi unusidama. Ũpẽarãpa ichi k'orea tua awaraɨdepemarãmá jarateasidama. Chok'araɨrãpa nãɨ ĩjũane ichide ĩjãasidama. Tachi Ak'õrepa ichi pajã k'ĩrawãrea bɨde mãicha ateewãsima.

Hebreo 6:11

Taipa k'ɨ̃ria p'anɨma machicha mãɨya oo p'ananait'a aba piuutadea. Ara mãɨya mãrapa chi Tachi Ak'õrenepema jitadayá nɨ p'anɨ ãarea jitadaipɨ.

Colosense 1:9

Mãɨya ũrisidaedapema taipa mãra k'orea ewaricha Tachi Ak'õrea ɨt'aa chiidi p'anɨma ichia oopi k'ɨ̃ria bɨ mãrá jõma k'awapimẽrá. Ichiaba ɨt'aa idi p'anɨma ichia mãrá pia k'ɨ̃risiapimẽrá mãɨnepa ichi Jaoredepa pia k'ɨ̃risiapimẽrá.

Gálata 3:28

Mãɨ jara bɨma judio griego ome abarik'a p'anɨma, chi chipari pae pari mimiaparí mãɨnepa chi chipari pae pari mimiak'apɨ́ ome abarik'a p'anɨma, mãɨnepa ɨmɨk'ĩra wẽra ome abarik'a p'anɨma. Jõma mãra ẽpẽra aba bɨ jĩra p'anɨma, Jesucristo ome ará p'anɨ pẽra.

1 Corintio 2:12

Tachia nãɨ ĩjũanepema k'ɨ̃risiat'a atadaé pasima, mãɨpari Tachi Ak'õre Jaoret'u jitasidama jõma Tachi Ak'õrepa ichi sõpiadepa teada k'awadamẽrá.

Juan 17:3

Ewaricha chok'ae bepa, ãchia k'awa p'anɨma pɨ piarã Tachi Ak'õre aba bɨt'a. Ichiaba k'awa p'anɨma chi pɨa peeda, Jesucristot'a.

Juan 16:15

Jõma mɨ Ak'õrené, ichiaba mõrepɨ. Mãɨ k'orea mɨa jarasima Tachi Ak'õre Jaorepa mɨ pedea ũrik'ari mãrá jarateait'a.

Juan 10:38

Maamina ichia oo bɨt'a mɨa oo bɨpɨra, mɨa jara bɨ k'orea mãrapa ĩjãanawẽa p'anɨmina mɨa oo bɨt'a k'orea ĩjãat'ɨ. Mãɨya mãrapa piarã k'awadaipɨ mɨ Ak'õre mɨ ome bɨ mãɨnepa chi mɨ Ak'õre mɨ ome bɨt'a.

Juan 5:23

Mãɨya ãareaɨrãpa mɨ Ak'õre wap'ea p'anɨ jĩra mɨ sida wap'eadaipɨ. Chi mɨ wap'eawẽa bɨpa mɨ Ak'õre sida wap'eawẽa bɨma, mɨ Ak'õrepa mɨ nãɨ ĩjũanea peeda pẽra.

Juan 5:17

Maamina Jesupa ãchiá jarasima: —Mɨ Ak'õre wapida ɨ̃apaawẽa mimiaparima mãɨnepa mɨ sida ɨ̃apaawẽa mimiaparima.

Mateo 11:27

»Mɨ Ak'õrepa mɨá ara ichidepema ne ãarea k'awapisima. Abaɨ pida atua p'anɨma mɨ, chi Warra sãmaasã́ bɨ; aba mɨ Ak'õrepuru k'awa bɨma. Ara mãɨ jĩra abaɨ pida atua p'anɨma mɨ Ak'õre sãmaasã́ bɨ; abapuru mɨ, chi Warrapuru mãɨ k'awa bɨma. Mɨa abaɨa mɨ Ak'õre k'awapisira mãɨ ẽpẽra pida k'awaipɨ.

Mateo 11:25

Mãɨ ewaride Jesupa jarasima: «Ak'õre, pɨ pajãnepema Chiparipɨ mãɨnepa nãɨ ĩjũanepema Chiparipɨ. Pɨa ne atua berã́ mɨa jarateada k'awapida pẽra mɨa pɨá pia pedeaipɨ. Mãɨt'u chi minachia k'awa berã́ pɨa k'awapié pasima.

1 Juan 5:7

Mãɨnepa pajãne ũpea p'anɨpa mãɨ piarã abarik'a jara p'anɨma; Tachi Pajãnepema Ak'õrepa mãɨya jara bɨma, chi «Pedea» apataɨpa mãɨya jara bɨma mãɨnepa ichi Jaore pida mãɨya jara bɨma. Mãɨ ũpea p'anɨt'a ãchi aba bɨpɨ.

1 Juan 3:19

Mãɨnepa k'awa p'anɨma tachi piarã Tachi Ak'õrenet'a. Mãɨnepa ara tachi sõne nemietá oo p'anɨane a k'ɨ̃risiadaipɨra, Tachi Ak'õre k'ĩrari p'ue ne k'ɨ̃risiawẽa p'ananaipɨ. Tachi Ak'õrepa tachi k'orea pia k'awa bɨma chi tachi sõne k'ɨ̃risia p'anɨ k'aepẽra. Ichia jõma k'awa bɨma.

2 Pedro 3:18

Jesucristo Tachi Chipari mãɨnepa Tachi K'aripaparí ewaricha pia k'awapariet'ɨ. Ichi sõpiadepa warit'ɨ. Idi mãɨnepa ewaricha ichiá pia pedeadai p'anɨma. Mãɨya beese.

2 Pedro 1:10

Ũpẽarã, Tachi Ak'õrepa mãra t'ɨ̃k'ari jɨrɨ atasima. Piarã mãɨya be unupidai k'orea chok'ea p'anat'ɨ. Mãɨya oodaipɨra baedaiwẽma.

1 Tesalonicense 5:14

Ũpẽarã, taipa chichupuria idi p'anɨma chi mãra t'ãena k'oa p'anɨa ũraat'ɨ. Ãchi sõne k'ĩra piawẽa berã́ sõpiapit'ɨ mãɨnepa chi ẽpẽerã p'ue choadawẽa berã mãɨnepa chi ɨbɨwẽa berã k'aripat'ɨ. Jõmãɨrã ome choat'ɨ.

1 Tesalonicense 1:5

Taipa chi pedea pia Cristo k'orea mãrá jarateasidaɨde taipa pedeadeepuru pedeadaé pasima. Mãɨpari mãɨ pedea piarã arí k'awa p'anɨ pẽra Tachi Ak'õre Jaore jua chaareadepa pedeasidama. Mãrapa k'awa p'anɨma tai sãmaasã́ mãra paara p'anapachit'a, mãra pia p'ananamẽrá.

Hecho 4:32

Mãɨ ewaride chi Jesude ĩjãapataɨrã k'ɨ̃risia abarik'a mãɨnepa sõ abarik'a p'anapachidama. Abaɨ pida ara ichi neet'á ichidí jĩra k'ɨ̃risiak'a pasima, mãɨpari abaɨ ome ne jedapachima.

Mateo 13:11

Jesupa p'anoosima: —Chi Pajãne Bɨpa ichidirã ichi juade ua bɨ k'orea ãareaɨrã́ k'awapiwẽa bɨmina, mãrá k'awapi bɨma.

Luca 1:1

Tachi Ak'õrepa tachi t'ãena ooda k'orea, ẽpẽerã chok'araɨrãpa k'art'ade bɨ k'ɨ̃ria p'anasidama.

Romano 2:4

Pɨa itu bɨ bɨma Tachi Ak'õrepa tachi ome minachia sõpia bɨt'a, ãarea choa bɨt'a mãɨnepa nemietá ooda isapea ɨtɨak'á bɨt'a. ¿Pɨa k'awawẽa bɨk'ãra Tachi Ak'õre sõpia baparima pɨ ome, ichia k'ɨ̃ria bɨẽra pɨa nemietá ooparí itu bɨk'ari ichimá chemẽrá?

1 Corintio 14:31

Jõmãɨrã abaabá Tachi Ak'õre pari pedeadai p'anɨma pia k'awadamẽrá mãɨnepa pia ĩjãanamẽrá.

Ep'esio 1:7

Ichi Warra oa ãrinanepa Tachi Ak'õrepa tachi nemietaadepema k'aripasima. Ichi minachia sõpia bɨdepa tachia nemietá oodada ãarea k'ɨ̃risia atuasima.

Ep'esio 3:3

Ichia naena k'awapiwẽa bada mɨá k'awapisima. Mãɨ k'orea mɨa nãɨ k'art'ade ãpia bɨsima.

Ep'esio 3:16

Mɨa ɨt'aa chiidi bɨma ichi Jaoredepa mãɨnepa ichia ne minachia pia bɨdepema mãra sõne jua chaarea p'anapimẽrá. Mãɨya mãra chaarea p'ananaipɨ.

Colosense 1:26

Mãɨ pedea chõarãenapema ewaride Tachi Ak'õrepa k'awapiwẽa basima, maamina idiapae mãɨ ichi ẽpẽrarã́ k'awapisima.

Colosense 2:19

Ãchi Tachi Chipari Cristo ome p'anɨwẽma. Maamina Cristo ẽpẽrarãpa ichidepa nejõma uru p'anɨma ichi ome ará pia p'ananai k'orea. Ichidepa tachi waripatama Tachi Ak'õrepa waripi bɨ jĩra.

Colosense 4:3

Tai k'orea ɨt'aa chiidit'ɨ Tachi Ak'õrepa eda wãpataɨ ewaru jĩra chi Cristo k'orea naena k'awapiwẽa bada itu jarateapimẽrá. Mãɨ jaratea bɨ k'orea mɨ eda jɨ̃a nɨbɨ uru p'anɨma.