Colosense 2:13 - Tachi Ak'õre Pedea

¹³ Naena mãra piu p'anasidama, ĩjãanawẽa p'anasidepa nemietá oopachida pẽra. Mãɨne tachi k'ak'uapa nemietá ooyá bɨ oopachidama. Maamina Tachi Ak'õrepa mãra Cristo ome chok'ae bɨsima. Jõma tachia nemietá oodada ichia k'ɨ̃risia atuasima.

Colosense 2:13 Referans Kwoze

Ep'esio 2:1

Naena mãra piu p'anasidama, ĩjãanawẽa p'anasidepa nemietá oopachida pẽra.

Romano 8:11

Maamina ichi Jaore mãra sõne bɨ pẽra, ichidepa mãra k'ak'ua piui bɨt'a chok'ae p'irabaripiipɨ Cristo Jesú chok'ae p'irabaripida jĩra.

2 Corintio 3:6

Tachi Ak'õrepa tai bɨsima ichia ẽpẽrarã ome pedea chiwidi bɨda p'ue jarateadamẽrá. Mãɨ pedea chiwidi bɨda chi Moisepa bɨda jĩra juapa bɨdawẽma, mãɨpari Tachi Ak'õre Jaorepa k'awapi bɨma. Chi Moisepa bɨdapa k'awapi bɨma nemietá oo p'anɨ k'orea ẽpẽrarã piudai p'anɨt'a, maamina Tachi Ak'õre Jaorepa tachiá chok'ae p'anapiparima.

Hebreo 9:14

Mãɨyapɨra, ¿Cristo oapa tachi atepe piipará bɨwẽk'ãra? Cristo nemietá newẽa basima. Tachi Ak'õre Jaore piuk'apɨɨpa k'aripada pẽra ara ichi itu peapisima ãnimara Tachi Ak'õrea paatearu jĩra. Nemietá oo p'anɨ k'orea tachi piudai p'anasidama. Maamina Cristopa ara ichi itu peapida pẽra tachia nemietá oodada Tachi Ak'õrepa k'ɨ̃risia atuak'ari tachi k'ɨ̃risia jĩp'a bɨsima. Mãɨya chi Tachi Ak'õre chok'ae bɨpa k'ɨ̃ria bɨt'a tachia mãɨ p'ue oodaipɨ.

2 Corintio 5:19

Piarã Cristodepa Tachi Ak'õrepa nãɨ ĩjũanepemarã ichi ome pia bɨsima. Tachia nemietá oodada jõma k'ɨ̃risia atuasima. Mãɨnepa mãɨ pedea ichi ome pia bai k'orea taiyá teasima jarateadamẽrá.

Ep'esio 2:11

Mãɨ k'orea k'ɨ̃risiat'ɨ mãra judiorãwẽnepa t'õnana pẽra, judiorãpa mãrá chi «k'ak'ua tauchaadawẽa beade» apachidama. Ara ãchi chi «k'ak'ua tauchaa beade» apachidama, maamina abapuru nãɨ k'ak'uade k'ĩra awara p'anɨma.

Luca 15:32

Maamina naapae sõ arapaadai pia bɨma, pɨ ũpẽa piuda jĩra bada chok'ae bɨẽra; chi atua bada unusidaɨdeepuru”».

Santiago 2:26

Ẽpẽra piuda jaore nea beeparima. Ara mãɨ jĩra Tachi Ak'õrene ĩjãa bɨade a bɨpa pia oowẽpɨra, piarã ĩjãawẽa bɨma. Ichia ĩjãa bɨade a bɨ ẽpẽra piuda jĩra bɨma.

Ep'esio 5:14

ɨnaane ãarea unupata pẽra. Mãɨ k'orea nãɨya jarapatama: «Ɨ̃rɨmase pɨ k'ãi bɨ. Nemietaade piu bada p'irabarise. Maapae Cristopa pɨ ɨnaane bɨipɨ».

1 Corintio 15:45

Tachi Ak'õre pedeade bɨ bɨma: «Chi naapema ẽpẽra Adán apataɨ Tachi Ak'õrepa chok'ae bapisima». Maamina Cristo chi k'aadeapema Adán apataɨ bɨsima ichi jaoredepa chok'ae bapimẽrá.

Romano 6:13

Mãra k'ak'uá itu nemietá oopirãt'ɨ. Mãɨpari ara mãra Tachi Ak'õrea teat'ɨ. Mãra nemietaade piu p'anana Tachi Ak'õre pae chok'ae p'aneesidama. Mãɨpuru mãra k'ak'ua Tachi Ak'õrea teat'ɨ jĩp'a oodai k'orea.

1 Juan 2:12

Warrarã, mɨa nãɨ k'art'a mãrá bɨruma Tachi Ak'õrepa Cristodepa mãra nemietá k'ɨ̃risia atuada pẽra.

1 Corintio 15:36

¡Chi mãɨya idi bɨ k'ɨ̃risia newẽa bari bɨma! Ne uuda t'õnorune chi net'a tau e beraaparima.

Juan 5:21

Mɨ Ak'õrepa piudaadarã chok'ae p'irabaripik'ari chok'ae bɨpipari jĩra, ara mãɨya mɨ chi Warrapa chi mɨa k'ɨ̃riarut'a chok'ae bapiparima.

Luca 9:60

Jesupa ichiá jarasima: —Itu bɨse, chi piudaadapa chi piudada t'ɨbaridamẽrá. Maamina pɨa ẽpẽrarã́ jarade wãse Tachi Ak'õrepa ichidirã ichi juade ua bɨ k'orea.

Hebreo 6:1

Mãɨpuru naa wãtɨma Cristo k'orea pia k'awadayá. Tachia chi ichi k'orea naa k'awadaadat'a mãicha waa minachia jarateadaiwẽma, mãɨpari nãɨ k'orea jarateadai p'anɨma: nemietá oo p'anɨ k'orea piudai p'anɨt'a, nemietá itu bɨdak'ari Tachi Ak'õremá chedai p'anɨt'a, Tachi Ak'õrene ĩjãanai k'orea,

1 Timoteo 5:6

Maamina p'ẽtãpa bɨsi oo bai k'orea jɨrɨ baipɨra, chok'ae bɨmina piuda jĩra bɨma.

Romano 4:17

Tachi Ak'õre pedeade nãɨya bɨ bɨma: «Mɨa pɨ bɨsima chok'ará p'uuru be ak'õre bamẽrá». Piarã Tachi Ak'õre k'ĩrari Abrahán jõma tachi, chi Tachi Ak'õrene ĩjãa berã ak'õrepɨ. Abrahanpa ĩjãa basima chi piudada chok'ae p'irabaripiparí mãɨnepa chi nenea bɨdepa ne ooparí Tachi Ak'õrene.

Juan 6:63

Tachi Ak'õre Jaorepuru tachi chok'ae bapiparima. Nãɨ k'ak'uapa mãɨya p'ue ook'ama. Mɨa mãrá Tachi Ak'õre Jaoredepa jaratea bɨma mãra piarã chok'ae p'ananamẽrá.

Santiago 2:20

¡Pɨ k'ɨ̃risia nea bɨma! Chi Jesucristode ĩjãa bɨade a bɨpa nepia oowẽpɨra piarã ĩjãawẽa bɨma ¿Mɨa mãɨ pɨá k'awapii bɨk'ãra?

Santiago 2:17

Ara mãɨ jĩra chi Jesucristode ĩjãa bɨade a bɨpa pia oowẽpɨra, piarã ĩjãawẽa bɨma. Ichia ĩjãa bɨade a bɨt'a, ẽpẽra piuda jĩra bɨma.

1 Timoteo 6:13

Ãarea chok'ae berã Tachi Ak'õrenepa chok'ae p'anɨma. Ara mãɨ Tachi Ak'õre k'ĩrari mɨa jararuma pɨa oo bamẽrá. Jesucristo k'ĩrari pida abarik'a jararuma ichia piarã pedea Poncio Pilato k'ĩrari jarada jĩra. Mɨa nãɨ jararuma: mɨa jaratea bɨ k'ĩra jĩp'a oo base waapẽarãpa pɨ k'orea k'achia pedeadaemaapa, aba Tachi Chipari Jesucristo cherudea.

Colosense 2:12

Tachi Ak'õrepa ichi jua chaareadepa Cristo chok'ae p'irabaripisima. Mãrapa Tachi Ak'õre mãɨya jua chaarea bɨ ĩjãanana pẽra porochoasidaɨde unupisidama Cristo ome t'ɨbarisidaɨt'a mãɨnepa Tachi Ak'õrepa mãra ichi ome chok'ae p'irabaripisidaɨt'a.