Colosense 1:18 - Tachi Ak'õre Pedea

¹⁸ Cristo ichi ẽpẽrarã chiparipɨ. Ichidepa ãchi p'anɨma. Ichi ewaricha chok'ae bai k'orea naa chok'ae p'irabarisima. Mãɨpuru ne ãarea k'aepẽra chi atepe bɨma.

Colosense 1:18 Referans Kwoze

Apocalipsi 1:5

Mãɨnepa k'ɨ̃ria bɨma Jesucristo pida mãɨya oo bait'a. Ichia Tachi Ak'õre k'orea piarã jaraparima. Piu bada naa chok'ae p'irabarisima, ãarea nãɨ ĩjũanepema chi poro jũra jɨ̃parí jɨ̃ p'anɨrã k'aepẽra chi atepe bai k'orea. Mãɨpa tachi k'ɨ̃ria bɨma mãɨnepa ichi oadepa nemietaadepema k'aripasima.

Hecho 26:23

Ãchia jarapachidama Tachi Ak'õrepa Tachi K'aripaparí teai jarada mĩa bai basit'a mãɨnepa chi piudadepema naa chok'ae p'irabarii basit'a, chi tachi k'aripai ɨnaa bɨt'a judiorã́ mãɨnepa judiorãwẽa jarai k'orea.

Mateo 28:18

Mãɨne Jesú ãchi k'ait'a chek'ari jarasima: —Tachi Ak'õrepa mɨá jua chaarea teasima pajãne mãɨnepa nãɨ ĩjũane ne ãarea mɨ juade uru bamẽrá.

1 Corintio 11:3

Maamina mɨa k'ɨ̃ria bɨma mãrapa k'awadai Cristo chi ɨmɨk'ĩira ãarea Chiparipɨ, chi ɨmɨk'ĩra chi wẽra chiparipɨ, mãɨnepa Tachi Ak'õre Cristo Chiparipɨ.

Apocalipsi 22:13

Mɨ chi Alp'apɨ mãɨnepa chi Omegapɨ. Mãɨpa jara bɨma mɨ chi Naapemapɨ mãɨnepa chi K'aadeapemapɨ.

Ep'esio 5:23

Ɨmɨk'ĩra ichi k'ima chiparipɨ. Ara mãɨ jĩra Cristo ichi ẽpẽrarã Chiparipɨ mãɨnepa ichi ẽpẽrarã ichi k'ak'ua jĩra p'anɨma. Ichi ãchi K'aripaparipɨ.

Apocalipsi 21:6

Ichiaba ichia mɨá nãɨya jarasima: «Mɨa ooi badat'a jõma oosima. Mɨ chi Alp'apɨ mãɨnepa chi Omegapɨ. Mãɨpa jara bɨma mɨ chi Naapemapɨ mãɨnepa chi K'aadeapemapɨ. Paritua opisia bɨpɨra, mɨa pania wea bɨt'a pari topiipɨ. Mãɨ paniapa tachi chok'ae p'anapiparima.

1 Corintio 15:25

Piarã Cristo jõmãɨrã chipari bai bɨma aba jõma ichi nek'ĩramá p'uerudea.

Apocalipsi 11:15

Tachi Ak'õrepa ɨt'aripa peeda sietedepema chi k'aadea bɨpa ichi ãnimara k'achu chaasima. Mãɨne pajãne chok'ará nãɨya jĩk'ua pedeasidama: «Chi nãɨ ĩjũanepema poro jũra jɨ̃parí jɨ̃ p'anɨrãpa ãchi jua ek'ari naena uru p'anana, Tachi Chipari mãɨnepa ichi Cristopa mãɨ ãarea ãchi juade uru p'aneesidama». Idiipa naa Tachi Ak'õre ewaricha ãareaɨrã Chipari baipɨ.

Apocalipsi 1:18

Mɨ chi Chok'ae Bɨma. Mɨ piudamina ak'ɨse chok'ae bɨ, mãɨnepa ewaricha chok'ae baipɨ. Mɨa piudarã chok'ae p'irabaripi bɨma.

Apocalipsi 1:8

Tachi Chiparipa jarasima: «Mɨt'u chi Ne Ãarea P'ue Bɨ Tachi Ak'õrepɨ, chi Alp'apɨ mãɨnepa chi Omegapɨ. Mãɨpa jara bɨma mɨ chi Naapemapɨ mãɨnepa chi K'aadeapemapɨ. Mɨpɨ, naena basima, mãɨnepa chi chei bɨpɨ».

Colosense 1:24

Naapae mɨa mãra k'aripai k'orea minachia mĩa bɨmina arapá bɨma. Mãɨnepa Cristo k'orea wapida mĩai bɨ pẽra, minachia mĩa nipaipɨ jõma ichi ẽpẽrarã k'aripai k'orea.

Ep'esio 1:10

ichia bɨda ewaride nãɨya ãarea ooipɨ: mãɨ ewaride ne ãarea pajãnepema mãɨnepa nãɨ ĩjũanepema Cristo juade bɨipɨ.

Juan 1:16

Ichi minachia k'awa bɨdepa, sõpiadepa tachi k'aripa basima mãɨnepa sõpiadepa tachi k'aripa bɨma.

Juan 1:1

Jua chiwidieda chi Pedea apataɨ basima. Mãɨ Pedea apataɨ Tachi Ak'õre ome basima. Piarã mãɨ Tachi Ak'õret'u ara mãɨya basima.

Apocalipsi 3:14

»Chi Laodicea p'uurudepema ũpẽarã ak'ɨparí Tachi Ak'õrepa ɨt'aripa peeda pae k'art'ade nãɨya bɨse: »Chi Piarãpẽa Pedea apataɨpa Tachi Ak'õre k'orea piarã jõma arí jaraparima. Ichidepa Tachi Ak'õrepa nejõma oosima. Ichia nãɨya jara bɨma:

1 Juan 1:1

Jua chiwidieda chi Chok'ae Bapiparí Pedea apataɨ basima mãɨnepa wapida bɨma. Ichia jarateada taipa ũrisidama. Ichi tai taupa unusidama mãɨnepa juapa t'õmarisidama. Ichia ooda pia ak'ɨsidama. Ichi k'orea taipa nãɨ k'art'ade bɨutama.

Romano 8:29

Mãɨ mãɨya bɨma, ichia naenaena k'awa basi pẽra k'airã ichidirã pait'a. Ãchi bɨsima ichi Warra Jesú jĩra p'ananamẽrá. Mãɨya ichi Warra Jesú ũpẽarã chok'ará p'anɨnepema chi naapemapɨ.

Mateo 23:8

»Maamina mãra abarik'a p'anɨẽra ũpẽarã jĩra, mãɨnepa Jarateaparí aba uru p'anɨ pẽra k'ɨ̃riarãt'ɨ ẽpẽrarãpa mãrá “Jarateaparí” adait'a.

1 Corintio 12:27

Ara mãɨ jĩra mãra jõma ara Cristo k'ak'ua jĩra p'anɨma. Mãra ichi k'ak'uadepemarãpɨ.

Colosense 2:19

Ãchi Tachi Chipari Cristo ome p'anɨwẽma. Maamina Cristo ẽpẽrarãpa ichidepa nejõma uru p'anɨma ichi ome ará pia p'ananai k'orea. Ichidepa tachi waripatama Tachi Ak'õrepa waripi bɨ jĩra.