Colosense 1:15 - Tachi Ak'õre Pedea

¹⁵ Chi tachia ununak'aɨ Tachi Ak'õre, mãɨ Jesucristodepa unupatama. Ichit'a Tachi Ak'õre Warra ĩwini pẽra nejõma Tachi Ak'õrepa ooda Chiparipɨ.

Colosense 1:15 Referans Kwoze

Hebreo 1:3

Ichi Warrapa Tachi Ak'õre k'ĩrawãrea achiterrea unupiparima. Ichiapuru Tachi Ak'õre sãmaasã́ bɨt'a k'awapiparima. Ichi pedea jua chaarea bɨdepa ne ãarea ooda ichi juade ara mãɨya uru bɨma. Ichia tachi nemietá oodada sɨɨk'ari Tachi Ak'õre chi auk'ará bɨ juaraari pajãne suak'abari beesima.

Juan 14:9

Mãɨpuru Jesupa jarasima: —P'elipe, mɨ minachia tãaraa mãra ome bɨma. Pɨa mɨ ¿waidi k'awawẽa bɨk'ãra? Chi mɨ unu bɨpa mɨ Ak'õre sida unu bɨma. Pɨa ¿sãmaasã́ “Tachi Ak'õre taiyá unupipade” a bɨma?

Juan 1:1

Jua chiwidieda chi Pedea apataɨ basima. Mãɨ Pedea apataɨ Tachi Ak'õre ome basima. Piarã mãɨ Tachi Ak'õret'u ara mãɨya basima.

2 Corintio 4:4

Tachi Ak'õrene ĩjãanak'apɨɨrãmá chi mãɨ pia ũrinak'ama. Nãɨ ĩjũane tiore ãchi chiparipɨ. Ãchirã́ chi piarã pedea pia Cristo k'orea itu k'awapiwẽa bɨma tau p'ãrio oo bɨ jĩra. Mãɨya ãchia Cristo pia bɨ k'orea p'ue k'awadaiwẽma. Cristo Tachi Ak'õre pẽra mãɨya pia bɨma.

Juan 1:18

Abaɨ pida Tachi Ak'õre ununak'ama. Maamina chi Warra aba bɨt'a Tachi Ak'õre pẽra mãɨnepa chi Ak'õre ome abarik'a bɨ pẽra, tachiá k'awapisima Tachi Ak'õre piarã sãmaasã́ bɨt'a.

Juan 1:14

Chi Pedea apataɨ ẽpẽra k'ak'uade t'õk'ari tachi t'ãena bapachima. Ichi sõpiadepa tachi minachia k'aripasima. Ichia tachiá pia k'awapisima Tachi Ak'õre piarã sãmaasã́ bɨt'a. Mãɨne taipa ichi ãarea pia bɨt'a unusidama, Tachi Ak'õre Warrat'u mãɨya bɨ pẽra.

P'ilipense 2:6

Ichi Tachi Ak'õremina, ara Tachi Ak'õre jĩra abarik'a bai k'ɨ̃risiaé pasima.

2 Corintio 4:6

Nãɨ ĩjũa jõma p'ãrio nɨbada Tachi Ak'õrepa ɨnaapisima. Ara mãɨ jĩra ichi ɨnaa bɨt'a tachi sõne ɨnaapisima. Mãɨpa jara bɨma ichi k'ĩrawãrea Cristodepa tachiá k'awapisit'a.

Romano 8:29

Mãɨ mãɨya bɨma, ichia naenaena k'awa basi pẽra k'airã ichidirã pait'a. Ãchi bɨsima ichi Warra Jesú jĩra p'ananamẽrá. Mãɨya ichi Warra Jesú ũpẽarã chok'ará p'anɨnepema chi naapemapɨ.

1 Timoteo 1:17

Tachi Ak'õre chi ewaricha jõmãɨrã Chiparipɨ. Ichi chi tachia ununak'aɨ piuk'ama. Ichit'u Tachi Ak'õrepɨ. Ichiá tachia ewaricha pia pedeadai p'anɨma mãɨnepa wap'eadai p'anɨma. Mãɨya beese.

Apocalipsi 3:14

»Chi Laodicea p'uurudepema ũpẽarã ak'ɨparí Tachi Ak'õrepa ɨt'aripa peeda pae k'art'ade nãɨya bɨse: »Chi Piarãpẽa Pedea apataɨpa Tachi Ak'õre k'orea piarã jõma arí jaraparima. Ichidepa Tachi Ak'õrepa nejõma oosima. Ichia nãɨya jara bɨma:

Hebreo 1:6

Mãɨ awara Tachi Ak'õrepa ichi Warra aba bɨt'a nãɨ ĩjũanea peeside nãɨya jarasima: «Ãarea Tachi Pajãnepema Ak'õrepa ɨt'aripa peedaɨrãpa ichiá pia pedeadai p'anɨma».

1 Timoteo 6:16

Abapuru ichit'u piuk'ama. Ichi bɨmá achiterrea jẽrat'ĩu nɨbɨ pẽra mi ãpia pida p'ue ara k'ait'a wãnaiwẽma. Ichit'a mi ãpia pida ununawẽa p'anɨma mãɨnepa p'ue ununak'ama. Mɨa k'ɨ̃ria bɨma ewaricha jõmãɨrãpa ichiá pia pedea p'ananait'a mãɨnepa jua chaareadepa jõmãɨrã ua bait'a. Mãɨya beese.

Juan 15:24

Mɨa ãchi k'ĩrari ẽpẽerãpa ne p'ue oodak'apɨ́ oodaépara, ãchia nemietá oodada k'orea nepɨrade p'aneenaiwẽ pasima. Maamina mɨa ooda ãchia unusidamina mɨ, mɨ Ak'õre sida unuemaa uru p'anɨma.

Juan 3:16

»Tachi Ak'õrepa ẽpẽerã minachia k'ɨ̃ria bɨ pẽra ichi Warra aba bɨt'a nãɨ ĩjũanea peesima jõma ichide ĩjãauta atuapidaemaapa, mãɨpari ichi ome ewaricha chok'ae p'ananamẽrá.

Colosense 1:13

Tachi Ak'õrepa chi p'ãrionepema tiore juadepema tachi k'aripak'ari bɨsima ichi Warra k'ɨ̃ria bɨ juade ichidirã paara ua bamẽrá.

Hebreo 11:27

Moisepa Tachi Ak'õrene ĩjãa bada pẽra p'araón k'ĩruui bɨt'a wap'eawẽa Egitodepa wãsima. Chi Tachi Ak'õre tachia ununak'apɨɨt'a unu bɨ jĩra ichia ĩjãa bɨt'a itu bɨé pasima.