Apocalipsi 8:10 - Tachi Ak'õre Pedea

¹⁰ Mãɨya nak'ari abaɨ Tachi Ak'õrepa ɨt'aripa peedapa ichi ãnimara k'achu chaasima. Ara mãɨne k'ãk'ãi waibɨa bɨt'a ĩpira jĩra urua bɨt'a ɨt'aripa baechesima. Perá estarik'a pait'ea toeda mãɨnepa chi to ek'aripa t'ɨ nɨbɨmá baesima.

Apocalipsi 8:10 Referans Kwoze

Apocalipsi 16:4

Mãɨya nak'ari chi abaɨ Tachi Ak'õrepa ɨt'aripa peedapa toedá mãɨnepa chi to ek'aripa t'ɨ nɨbɨdea ãarea wea peesima. Mãɨpa ãarea oa pasima.

Apocalipsi 9:1

Mãɨya nak'ari abaɨ Tachi Ak'õrepa ɨt'aripa peedapa ichi ãnimara k'achu chaasima. Mãɨne mɨa k'ãk'ãi nãɨ ĩjũanea baesit'a unusima. Mãɨne abaɨpa chi k'ãk'ãiya chi uria minachia bɨdepema eda wãpataɨ ewaparit'a teasima.

Apocalipsi 6:13

Chi ɨt'aripa k'ãk'ãi ĩjũanea baesidama, higojõ chichiak'á nãupa ɨbɨa p'õat'ɨrupa baepiru jĩra.

Apocalipsi 14:7

Ichia nãɨya jĩk'ua jarasima: «¡Tachi Ak'õre wap'eat'ɨ! Ichiá pia bɨade a jarat'ɨ, chi ichia ɨtɨai ewari cheda pẽra. Ichiá pia pedeat'ɨ, chi pajã, ĩjũa, p'usa mãɨnepa chi to ek'aripa t'ɨ nɨbɨ ooda pẽra».

Apocalipsi 12:4

Ichi tu jĩnap'et'aside k'ãk'ãi perá estarik'a pajãnepa nãɨ ĩjũanea baepisima. Mãɨ je wẽra warra t'õi k'orea bɨmá bai nɨbeesima warra chak'e t'õrune mii k'orea.

Apocalipsi 1:20

Mɨa k'awapiipɨ pɨa ununa siete k'ãk'ãi mɨ juaraari uru bɨpa k'ãre jara bɨt'a mãɨnepa mãɨ siete ĩpira nee oodapa k'ãre jara bɨt'a. Mãɨ siete k'ãk'ãipa jara bɨma Tachi Ak'õrepa ɨt'aripa peedaɨrã siete p'anɨt'a. Mãɨ siete p'anɨpa chi ũpẽarã siete p'uuru ak'ɨ uru p'anapatama. Ãchicha mãɨ ũpẽarã p'uurudepemarã ak'ɨ uru p'anapatama. Chi ĩpira siete p'anɨpa jara bɨma chi siete p'uurudepemarã ũpẽarã.

Juda 1:13

Ãchi p'usa jɨ̃ara t'awa jĩra p'anɨma. Ara chi p'usapa ichi t'awadepa k'ok'op'ea amaapari jĩra, ãchia ne k'ĩra p'era wawaria oopatama. Mietade wãpata pẽra, ãchi chi k'ãk'ãi urua wãru jĩra p'anɨma, chi o atua p'anɨẽra. Tachi Ak'õrepa uria minachia p'ãrio bɨde bɨsima ãchi ewaricha ɨtɨai k'orea.

Luca 10:18

Mãɨ k'orea Jesupa ãchiá jarasima: —Ãjã, mɨa unu basima tiore ɨt'aripa pa baepari jĩra baesit'a.

Mateo 25:1

»Pajãne Bɨpa ichidirã ichi juade ua bɨt'a nãɨ jĩra baipɨ: ãwẽrarã diez p'anasidama. Ãchicha ĩpira atadak'ari, k'ĩramá nɨne wãsidama chi ɨmɨk'ĩra miak'ãii bɨ ome ununai k'orea.

Apocalipsi 8:7

Chi naa bɨpa ichi ãnimara k'achu chaasima. Mãɨnepa t'ɨpɨ oa pará ará p'uerada nãɨ ĩjũanea baesima. Mãɨpa nãɨ ĩjũa mãɨnepa pak'uru perá estarik'a pait'ea paawãsima. Mãɨnepa sirua ãarea paawãsima.

Apocalipsi 9:15

Ara mãɨne ichia mãɨ k'ĩmari p'anɨ ẽrasima chi nãɨ ĩjũane be perá estarik'a pait'ea k'enanamẽrá. Tachi Ak'õrepa ãchi uru basima ara mãɨ ãyone, ara mãɨ jedek'ode, ara mãɨ ewaride mãɨya k'enanamẽrá.

Apocalipsi 9:18

Chi mũra ok'arradepa t'ɨpɨ urua chedapa, nãri chedapa mãɨnepa azup're chedapa chi nãɨ ĩjũane be perá estarik'a pait'ea k'enasima.