Apocalipsi 21:8 - Tachi Ak'õre Pedea

⁸ Maamina chi mɨ ome wãnai k'orea wap'eapataɨrã, chi mɨne ĩjãanak'apɨɨrã, chi mɨa k'ɨ̃riak'at'a oopataɨrã, chi mĩa peapataɨrã, chi k'ĩranejasia oopataɨrã, chi ẽpẽra nɨɨpataɨrã, chi juapa oodada sãdode ĩjãapataɨrã mãɨnepa chi seajarapataɨrã azup're t'ɨpɨ urua nɨbɨde minachia mĩa p'ananaipɨ. Mãɨ chi bari k'ak'o ume piusiade apatama».

Apocalipsi 21:8 Referans Kwoze

Apocalipsi 2:11

Chi k'ɨɨrɨ pará bɨpa ũrise Tachi Ak'õre Jaorepa ũpẽarã́ jara bɨt'a. Chi nemietá p'uedada ewaricha Tachi Ak'õrenepema awara p'ananaiwẽma.

Apocalipsi 22:15

Maamina chi nemietá oopataɨrã, chi ẽpẽra nɨɨpataɨrã, chi k'ĩranejasia oopataɨrã, chi mĩa peapataɨrã, chi juapa oodada sãdode ĩjãapataɨrã, mãɨnepa seajarapataɨrã ãarea awara tuaneenaipɨ.

1 Juan 3:15

Chi ichi ũpẽa unuemaa bɨ Tachi Ak'õre k'ĩrari mĩa peaparipɨ. Mãrapa k'awa p'anɨma chi mĩa peaparí ewaricha Tachi Ak'õre ome chok'ae baiwẽt'a.

Apocalipsi 19:20

K'ĩruutade chi mũra ɨ̃rɨ suak'abari bɨpa chi ãnimara mietá bɨ mãɨnepa chi Tachi Ak'õre pari pedeaparí chi piarãpẽawẽma bɨt'a jitasima. Mãɨ chi piarã Tachi Ak'õre pari pedeapariwẽpa chi ãnimara mietá bɨ t'ɨ̃nepa ẽpẽerãpa ne p'ue oodak'apɨ́ waibɨa bet'a oopachima. Mãɨya chi ẽpẽerãpa chi ãnimara mietá bɨa itu tauchaapidaadarã ãarea seapachima. Ichiaba chi mãɨ ãnimara jĩra bɨ juapa oodada sãdo minachia k'ɨ̃rianaanat'a seapachima. Chi mũra ɨ̃rɨ suak'abari bɨpa mãɨ ãnimara mietá bɨ mãɨnepa chi Tachi Ak'õre pari pedeaparí chi piarãpẽawẽma bɨt'a chok'ae p'anɨ senia azup're paara t'ɨpɨ urua bɨdea jirat'aasima.

Hebreo 13:4

Ãareaɨrãpa ãchi k'ima ome pia p'ananai k'orea minachia k'ɨ̃risiat'ɨ. Tachi k'ak'uadepa nemietá oopataɨ mãɨnepa k'ima awaraɨ ome k'ãipataɨ Tachi Ak'õrepa ɨtɨai pẽra abapuru mãra k'ima ome k'ãinai p'anɨma.

1 Timoteo 4:2

Mãɨ jaore mietaarãpa jarateapi p'anɨ, ẽpẽrarã chi pia jĩra bepa jarateapatama. K'achia minachia oopataɨdepa mãɨ ẽpẽrarãpa nepɨra pia wa nepɨra nemietá atua p'anɨma.

Mateo 8:26

Mãɨne Jesupa jarasima: —Mãra ¿k'ãre k'orea ne wap'ea p'anɨma? ¡Mãrapa pia ĩjãanawẽa p'anɨma! P'irabarik'ari Jesupa nãua mãɨnepa senia chomá ɨbɨa pedeasima. Ara mãɨne jõma ap'i ũu beesima.

Apocalipsi 9:21

Mãɨnepa ẽpẽra mĩa peapataɨ, waapẽarã nɨɨpataɨ, tachi k'ak'uadepa nemietá oopataɨ mãɨnepa nechɨapataɨ itu bɨdaé pasima.

Juan 8:44

Mãra ak'õre tiorepɨ. Mãɨpuru ichia k'ɨ̃ria bɨt'a mãrapa oo k'ɨ̃ria p'anɨma. Ichi jua chiwidiedadepema mĩa peaparima. Piarãnepa bak'ama chi piarãt'a ichide newẽ pẽra. Sea jararude ichidiidepema jaraparima, seajarapari pẽra mãɨnepa sea ak'õre pẽra.

Mateo 10:28

Chi nãɨ k'ak'ua peapataɨrã wap'earãt'ɨ. Ãchia nãɨ k'ak'ua p'ue peadaima maamina tachi jaore p'ue peadaiwẽma. Mãɨpari nãɨ k'ak'ua mãɨnepa tachi jaore mietade paai bɨt'a wap'eat'ɨ.

1 Juan 2:22

¿Chi seajaraparí k'aima? Chi Jesú Tachi Ak'õrepa teai jarada Tachi K'aripapariwẽane a bɨpɨ. Ichi Cristo nek'ĩramaapɨ. Ichia Tachi Pajãnepema Ak'õre mãɨnepa Tachi Ak'õre Warra itu bɨ bɨma.

1 Juan 5:10

Chi Tachi Ak'õre Warrade ĩjãa bɨpa ichi sõne k'awa bɨma Tachi Ak'õrepa jara bɨ piarãt'a. Maamina chi Tachi Ak'õrepa jara bɨt'a ĩjãawẽa bɨpa Tachi Ak'õrepa sea jara bɨade a k'ɨ̃risia bɨma, ichi Warra k'orea jara bɨt'a ĩjãawẽa bɨ pẽra.

Apocalipsi 2:2

»Mãrapa oo p'anɨt'a mɨa k'awa bɨma. Mɨ pae minachia mimia p'anɨt'a mãɨnepa minachia mĩa p'anɨne ãarea choa p'anɨt'a k'awa bɨma. Mãrapa chi nemietá oopataɨrã́ itu oopidak'at'a k'awa bɨma. Eda waapẽarã mãramá wãnak'ari Jesucristopa peesiade apachidama. Maamina mãrapa jĩrak'aua ak'ɨ p'anɨnepa k'awasidama ãchi chi sea bet'a.

2 Tesalonicense 2:9

Chi ẽpẽra k'achia bɨt'a tiorepa chepiipɨ. Mãɨpa tiore jua chaareapa ẽpẽrarãpa ne p'ue oodak'apɨ́ wawaria ook'oaipɨ, ẽpẽrarãpa Tachi Ak'õrepa mãɨya oo bɨade a k'ɨ̃risiadamẽrá.

Hebreo 12:24

Mãra Jesumá chesidama. Ichidepa Tachi Ak'õre ẽpẽerã ome pedea chiwidi auside mãra ichia oa jĩp'odamá chesidama. Jesú oa ãrina Abel oa ãrina k'aepẽra mãɨpa tachiá atepe k'awapi bɨma.

Tito 1:16

Ãchia jarapatama Tachi Ak'õre k'awa p'anɨt'a, maamina ãchia oo p'anɨnepa unupipatama ichi itu bɨ p'anɨt'a. Ãchi k'ɨɨrɨwẽa be mãɨnepa nepia oodai k'orea p'ananak'ama. Ãchia oopataɨ Tachi Ak'õrepa k'ɨ̃riak'ama.

Apocalipsi 9:17

Chi mũra mɨa k'ãmok'araade ununa nãɨya beasima: ãchi poro imama poro jĩra beasima. Ichi it'aedepa azup're, nãri mãɨnepa t'ɨpɨ urua che nɨbasima. Chi mãɨ ãchi ɨ̃rɨ suak'abari p'ananapa ãchi k'ak'uade ne chaarea bɨ jɨ̃ p'anasima. Mãɨ ne chaarea bɨ p'urea t'ɨpɨ tau jĩra basima, zap'iro mawara chi p'ap'ãrá k'ĩrajá basima mãɨnepa azup're mawara k'uará basima.

Apocalipsi 14:10

Tachi Ak'õrepa k'ĩruupidepa mãɨ ẽpẽra minachia piawẽa ooipɨ uvaba asia k'ĩruu bɨdepa tearu jĩra. Mãɨ ẽpẽerã jõma Tachi Ak'õrepa ɨt'aripa peedaɨrã k'ĩrari mãɨnepa chi Oveja Chak'e k'ĩrari azup're uruapa mãɨnepa t'ɨpɨ taudepa minachia mĩa baipɨ.

Apocalipsi 21:27

Maamina ãarea chi Tachi Ak'õrepa pia unuk'apɨ́ chi p'uurude eda p'ue ateewãnaiwẽma. Chi nemietá oopataɨrã mãɨnepa chi seajarapataɨrã eda wãnaiwẽma. Abapuru chi ewaricha chok'ae p'ananai k'art'ade chi t'ɨ̃ bɨ berã mãɨrã p'ue eda wãnaipɨ. Mãɨ k'art'a chi Oveja Chak'epa uru bɨma.

Mateo 25:25

Mãɨ k'orea mɨ wap'easima. Pɨ erreara yoorode yaasima atuapiemaapa. Maamina nãma uru bɨma”.