Apocalipsi 20:15 - Tachi Ak'õre Pedea

¹⁵ Chi ẽpẽerã ewaricha chok'ae p'ananai k'art'ade chi t'ɨ̃ bɨwẽa be Tachi Ak'õrepa mãɨrã t'ɨpɨ uruade jirat'aasima.

Apocalipsi 20:15 Referans Kwoze

Juan 3:36

Chi ichi Warrade ĩjãa bɨ Tachi Ak'õre ome ewaricha chok'ae baipɨ, maamina chi ichi Warra itu bɨru, mãɨ Tachi Ak'õre ome ewaricha chok'ae baiwẽma. Ara nãɨena Tachi Ak'õrepa ichi ɨtɨa uru bɨma.

Hecho 4:12

Abapuru Jesupa tachi p'ue k'aripaipɨ. T'ɨ̃ awara waa newẽma mãɨ t'ɨ̃neepuru nãɨ ĩjũane tachi ẽpẽerã k'aripamẽrá.

Juan 14:6

Mãɨne Jesupa jarasima: —Mãɨ o mɨpɨ. Mɨnepa Tachi Ak'õre piarã k'awa p'anɨma mãɨnepa chok'ae bai uru p'anɨma. Mɨnepa wãnaepɨra aba pida mɨ Ak'õremá p'ue chedaiwẽma.

Mateo 13:50

Maapae t'ɨpɨ uruade bat'ak'oadaipɨ. Mãma jẽa p'ananaipɨ mãɨnepa p'uapa k'ida k'ɨterrea p'ananaipɨ.

Mateo 25:41

»Maapae mɨ juawieri p'anɨrã́ jaraipɨ: “Mãra, Tachi Ak'õrepa nepɨra pará bɨade apataɨrã, mɨk'aapema ãyá wãt'ɨ t'ɨpɨ tau urua k'iiwãk'á nɨbɨdea. Mãɨ Tachi Ak'õrepa bɨsima tiore, ichidirã ome ɨtɨai k'orea.

Apocalipsi 20:12

Ichiaba chi piudaadarã chi atepe berã mãɨnepa chi k'aepea k'ede sida Tachi Ak'õre k'ĩrari bai nɨp'anɨt'a mɨa unusima. Mãɨne k'art'a ewak'oasima. Mãɨ k'art'ade jõma ẽpẽerãpa ne oodada bɨ nɨbasima. Abaɨ k'art'a sida ewasima. Mãɨne chi ewaricha chok'ae p'ananai k'art'ade ẽpẽerã t'ɨ̃ bɨ nɨbasima. Jõma piudaadarã Tachi Ak'õrepa ɨtɨasima ãchia oodada jĩra. Ãchia oodada ãarea k'art'ade bɨ nɨbasima.

Apocalipsi 19:20

K'ĩruutade chi mũra ɨ̃rɨ suak'abari bɨpa chi ãnimara mietá bɨ mãɨnepa chi Tachi Ak'õre pari pedeaparí chi piarãpẽawẽma bɨt'a jitasima. Mãɨ chi piarã Tachi Ak'õre pari pedeapariwẽpa chi ãnimara mietá bɨ t'ɨ̃nepa ẽpẽerãpa ne p'ue oodak'apɨ́ waibɨa bet'a oopachima. Mãɨya chi ẽpẽerãpa chi ãnimara mietá bɨa itu tauchaapidaadarã ãarea seapachima. Ichiaba chi mãɨ ãnimara jĩra bɨ juapa oodada sãdo minachia k'ɨ̃rianaanat'a seapachima. Chi mũra ɨ̃rɨ suak'abari bɨpa mãɨ ãnimara mietá bɨ mãɨnepa chi Tachi Ak'õre pari pedeaparí chi piarãpẽawẽma bɨt'a chok'ae p'anɨ senia azup're paara t'ɨpɨ urua bɨdea jirat'aasima.

Hebreo 12:25

Mãɨ k'orea jĩrak'aua p'anat'ɨ Tachi Ak'õrepa jara bɨt'a itu bɨdaemaapa. Chi ichia nãɨ ĩjũane Sinaí eyade jarada itu bɨdaadarã ɨtɨaside ãjã́ p'aneenaé pasima. Mãɨpuru ichia pajãnepa tachi sõne jara bɨt'a itu bɨdaipɨra ¿Mĩrunaik'ãra? Mĩrunaiwẽma.

Hebreo 2:3

Ara mãɨ jĩra chi Tachi Ak'õrepa tachi minachia k'aripaidepema tachia itu bɨdaipɨra, ¿Ichia ɨtɨaidepema sãmaasã́ tachi mĩrunaima? Mãɨ pedea Tachi Chipari Jesupa naa jarateasima. Chi ũrinaanapa tachiá mãɨ piarãane asidama.

Marco 16:16

Mãɨ pedea ĩjãasidara mãɨnepa porochoasidara Tachi Ak'õrepa mãɨ k'aripaipɨ. Maamina chi mãɨ pedea ĩjãawẽ bɨt'a ichia mãɨ ɨtɨaipɨ.

Mateo 13:42

Mãɨrã t'ɨpɨ uruade bat'ak'oadaipɨ. Mãma jẽa p'ananaipɨ mãɨnepa p'uapa k'ida k'ɨterrea p'ananaipɨ.

Luca 10:20

Maamina arapá p'anat'ɨ mãrapa jaore mietaarã ãyá jeret'aautade ãchia mãra ũrinak'ari mãɨya oopata pẽra, mãɨpari arapá p'anat'ɨ Tachi Ak'õrepa mãra t'ɨ̃ pajãne bɨ uru bɨẽra.

Apocalipsi 3:5

Nemietá p'uedaadapa ara mãɨ jĩra neet'á t'ot'oa bɨt'a jɨ̃naipɨ. Ãchi t'ɨ̃ chi ewaricha chok'ae p'ananai k'art'ade eda bɨ bɨ pẽra mɨa ãchi t'ɨ̃ wẽpapiiwẽma. Maawẽapuru mɨ Ak'õre k'ĩrari, mãɨnepa ichi pae pari mimiapataɨrã pajãnepema k'ĩrari ãchi mõréane aipɨ.

Apocalipsi 20:10

Mãɨya nak'ari Tachi Ak'õrepa tiore chi ẽpẽerã sea uru bada azup're t'ɨpɨ urua nɨbɨdea jirat'aaipɨ. Naena Tachi Ak'õrepa chi ãnimara mietá bɨ mãɨnepa chi piarã Tachi Ak'õre pari pedeapariwẽ mãɨ t'ɨpɨ uruade jirat'aa basima. Mãma tiore ãchi paara ewaricha ãst'á mãɨnepa teamasi minachia mĩa p'ananaipɨ.

Apocalipsi 20:14

Tachi Ak'õrepa chi tachi piudai p'anɨt'a jõpisima t'ɨpɨ uruade bat'a peeru jĩra. Ichiaba chi piudaadarã p'anapataɨmá t'ɨpɨ uruade bat'a peesima. Mãɨ uria azup're t'ɨpɨ urua nɨbɨmá bari k'ak'o ume piusiade apatama.