Apocalipsi 2:24 - Tachi Ak'õre Pedea

²⁴ Maamina chi eda mãranepema Tiatira p'uurudepemarãpa chi jãɨ wẽrapa jaratea bɨt'a ĩjãanawẽa p'anɨma. Mãɨ awara mãrapa chi “tiorepa ne mẽra uru bɨade” apataɨ, makɨɨ k'awadayá jɨrɨ p'anɨwẽma. Mɨa waa mãrá waa ne awara oopide peeiwẽma.

Apocalipsi 2:24 Referans Kwoze

Apocalipsi 12:9

Mãɨne chi je waibɨa bɨ mãɨnepa chi ichi lawari p'anana ãarea nãɨ ĩjũanea bat'a peesidama. Mãɨ je waibɨa bɨ mãɨt'u chi chõarãenapema taamapɨ. Chi t'ɨ̃ Tiore mãɨnepa Ãnimara apatama. Ichia chi nãɨ ĩjũane be ãarea sea uru baparima.

2 Corintio 11:3

Maamina mɨa wap'ea bɨma waapẽarãpa mãra seadait'a taamapa k'ɨ̃risia k'awaadepa Eva seada jĩra. Mãɨyara mãrapa Cristode piarã sõnepa ĩjãa p'anɨt'a itu bɨdaipɨ.

2 Corintio 2:11

Mãɨya mɨa mãɨ k'ɨ̃risia atuasima tiorea tachi seapiemaapa. Ichia sãmaasã́ oopari tachia minachia k'awa p'anɨma.

Hecho 15:28

Tachi Ak'õre Jaoremá mãɨnepa taimá pia bɨma ne chi t'aju be mãrá oopidaiwẽt'a. Abapuru nãɨ oodai p'anɨma:

Apocalipsi 13:14

Tachi Ak'õrepa mãɨ ĩjũanepa ochiadá ne p'ue oodak'apɨɨt'a itu oopisima chi mãɨ p'usadepa cheda t'ɨ̃ne. Mãɨya chi nãɨ ĩjũanepa ochiadapa chi nãɨ ĩjũanepemarã seasima. Ichia ẽpẽerã́ sãdo jĩra oopisima chi naapema ãnimara k'ĩra jĩra, chi nek'opa k'õ bada mãɨ wapida piuwẽa bɨ jĩra.

1 Corintio 2:10

Jõma makɨɨ Tachi Ak'õrepa ichi Jaoredepa tachiá k'awapisima. Ichi Jaorepa nejõma k'awa bɨma. Chi Tachi Ak'õre k'ɨ̃risia sida jõma k'awa bɨma.

Hecho 16:14

Mãɨ wẽrarãnepema aba Lidia apachidama. Ichi Tiatira p'uurudepema pasima. P'aru k'ĩra pia arena bɨ netopachima. Mãɨ judiowẽ wẽrapa Tachi Ak'õre wap'ea basima. Tachi Chiparipa ichiá ũripisi pẽra Pablopa chi pedea bɨt'a Lidiapa pia ũrik'ari ĩjãasima.

Santiago 3:15

Mãra k'ɨ̃risiadepa mãɨya k'ɨ̃risia p'anɨpɨra, mãɨ k'ɨ̃risia Tachi Ak'õrenepa chek'ama, mãɨpari nãɨ ĩjũanepa, ẽpẽranepa, mãɨnepa tioredepa cheparima.

Apocalipsi 1:11

Mãɨpa jarasima: «Pɨa unurut'a k'art'ade bɨk'ari ũpẽarã siete p'uuru bede p'anɨmá tea peese: Ep'esodea, Esmirnanea, Pérgamonea, Tiatiradea, Sardidea, P'iladelp'iadea, mãɨnepa Laodiceadea».

Apocalipsi 2:9

»Mãrapa oo p'anɨt'a mɨa k'awa bɨma. Mãra mĩa p'anɨt'a mãɨnepa nenea k'edet'a k'awa bɨma. Mãɨya p'anɨmina Tachi Ak'õrenepa ɨbɨa p'anɨma. Mɨa k'awa bɨma chi ara ãchi judiorãane apataɨrãpa mãra k'orea k'achia pedeapatat'a. Ãchi Tachi Ak'õrené ẽpẽerãane apatamina tioredé ẽpẽerãpɨ.

Apocalipsi 2:13

»Mãrapa oo p'anɨt'a mɨa k'awa bɨma. Mãɨnepa k'awa bɨma ara mãra p'anapatamá tiore chi ichi suak'a beeparí auk'ará bɨde suak'abari bɨt'a. Maamina mãra mɨ paara wapida p'anɨma. Maamina chi tioredepemarãpa ũpẽa Antipa peasidaɨde mɨ k'orea piarã pedeada pẽra, mɨne ĩjãa p'anɨt'a itu bɨdaé pasima.

Apocalipsi 2:18

»Ũpẽarã Tiatira p'uurudepema ak'ɨparí Tachi Ak'õrepa ɨt'aripa peeda pae k'art'ade nãɨya bɨse: »Tachi Ak'õre Warrapa, chi tau t'ɨpɨ urua bɨ jĩra bɨpa, mãɨnepa ichi jĩru bronce t'ɨpɨde torroapidak'ari achiterrea bɨ jĩra bɨpa nãɨya jara bɨma: