Apocalipsi 2:16 - Tachi Ak'õre Pedea

¹⁶ Mãɨpuru mãicha Tachi Ak'õremá chet'ɨ. Mãɨya oodaepɨra, mɨa tãaraawẽa bɨde mãra ɨtɨade wãipɨ. Mãɨne k'ĩruuparí nek'o mɨ it'aedepa ochia bɨpa mãɨ ẽpẽerã paara k'ĩruuipɨ.

Apocalipsi 2:16 Referans Kwoze

2 Tesalonicense 2:8

Maapaepuru chi ẽpẽra k'achia bɨpa unupiipɨ. Maamina Tachi Chipari Jesú k'ĩrawãrea achiterrea cherude ara pedearupa mãɨ ẽpẽra peaipɨ.

Apocalipsi 1:16

Ichi juaraari k'ãk'ãi siete uru basima. Ichi ok'arradepa k'ĩruuparí nek'o k'ida k'ĩrachu era bɨt'a ochia basima. Ichi k'ĩra ɨmata achiterrea bɨ jĩra basima.

Apocalipsi 2:5

Mãɨpuru mãrapa naa k'ɨ̃ria uru p'anana mãɨne k'ɨ̃risiat'ɨ. Mãicha Tachi Ak'õremá chet'ɨ. Nepia oot'ɨ naena mãrapa oopachida jĩra. Mãra mãicha Tachi Ak'õremá chedaepɨra, mɨa mãra ɨtɨade wãipɨ. Mãɨne mãra ĩpira ãyá bɨipɨ.

Ep'esio 6:17

Mãɨnepa sõnepa minachia k'awat'ɨ Tachi Ak'õrepa mãra piarã k'aripasit'a, papaká bɨpa ichi poro ɨ̃rɨ ne chaarea jɨ̃pari jĩra. Mãɨ awara Tachi Ak'õre pedea ichi Jaoredepa minachia k'awat'ɨ. Tachi Ak'õre pedea k'ĩruuparí nek'o jĩra bɨma, nemietá p'uepari pẽra.

Apocalipsi 19:21

Chi k'ĩruuparí nek'o ichi it'aedepa ochia bɨpa waapẽarã ãarea k'enasima. Maapae jõma chi ne mik'ia k'opataɨ ɨt'ɨ wãamaripataɨrã mãɨ k'iuru k'o p'anɨpa jãwaasidama.

Apocalipsi 19:15

Ichi it'aedepa k'ĩruuparí nek'o p'eedea bɨt'a ochiasima, mãɨnepa tuacha p'uei k'orea. Sõ chupuriadawẽa ãareaɨrã́ jok'ae oopiipɨ. Uva pertɨaru jĩra ãchi ɨtɨaipɨ, ichia Tachi Ak'õre chi Ne Ãarea P'ue Bɨpa k'ĩruu bɨdepa mãɨya ɨtɨai bɨ pẽra.

Apocalipsi 2:12

»Ũpẽarã Pérgamo p'uurudepema ak'ɨparí Tachi Ak'õrepa ɨt'aripa peeda pae k'art'ade nãɨya bɨse: »Chi k'ĩruuparí nek'o k'ida k'ĩrachu era uru bɨpa nãɨya jara bɨma:

Apocalipsi 3:19

Chi mɨa k'ɨ̃ria bɨ ẽpẽerã ɨtɨak'ari ũraaparima, mɨ pedea oodamẽrá. Mãɨpuru ya mɨmá chedak'ari machi sõnepa piarã mɨ ome nipat'ɨ.

Apocalipsi 22:7

Jesupa jarasima: «¡Ũrit'ɨ, mɨ isapea cheipɨ! Chi nãɨ k'art'ade Tachi Ak'õre pari pedeaparí pedea bɨda ĩjãa bɨt'a minachia pia bɨma».

Apocalipsi 16:9

Tachi Ak'õre k'orea k'achia pedeapachidama ãchi pisiapa minachia paa bɨdepa, mãɨ ichiapuru minachia mĩapi bɨẽra. Maamina chi nemietá oodai itu bɨdaé pasima, mãɨnepa mi ãpia pida Tachi Ak'õret'a chi atepe piipará bɨade adaé pasima.

Apocalipsi 22:20

Ãarea nãɨ k'art'ade bɨ bɨt'a Jesupa piarãane a bɨma. Nãɨya jara bɨma: «¡Piarã mɨ isapea cheipɨ!» Pia bɨma isapea cheit'a. ¡Chese tai Chipari Jesú!