Apocalipsi 19:6 - Tachi Ak'õre Pedea

⁶ Maapae chok'ará jĩk'ua pedea p'anɨ mɨa ũrisima. Mãɨ to pedea jĩra pũa nɨbɨ jĩra basima mãɨnepa pa pedea minachia baeru jĩra basima. Ãchia nãɨya jara tuanasidama: «¡Tachi Chipari pia bɨma! ¡Tachi Chipari chi Ne Ãarea P'ue Bɨpɨ! ¡Ichit'a jõmãɨrã Chiparipɨ!

Apocalipsi 19:6 Referans Kwoze

Apocalipsi 14:2

Mãɨne pajãne to pedea jĩra pũa ũrisima, mãɨnepa pa pedea jĩra. Chi mɨa ũri bada arpa chaauta jĩra auk'ará basima.

Apocalipsi 19:1

Mãɨya nak'ari mɨa pajãne chok'ará nãɨya pedea p'anɨt'a ũrisima. «¡Tachi Ak'õrea pia pedeadai p'anɨma! Ichiapuru ẽpẽerã k'aripa bɨma. Ichit'a chi atepe bɨma mãɨnepa chi jua chaarea bɨma.

Apocalipsi 6:1

Mãɨne mɨa unusima chi Oveja Chak'epa chi k'art'ade k'ara bada aba oet'asit'a. Mãɨnepa chi ẽpẽra jĩra chok'ae be k'ĩmari p'anɨnepema chi abaɨpa nãɨya jara bɨt'a ũrisima: «¡Chese!» Chi pedea pa pedea jĩra basima.

Apocalipsi 1:15

Ichi jĩru bronce t'ɨpɨde torroapidak'ari achiterreada jĩra basima. Ichi pedea to minachia cheru jĩra jĩk'ua basima.

Apocalipsi 21:22

Mãɨ p'uurude Tachi Ak'õre te minachia bɨt'a mɨa unué pasima newẽ pẽra. Tachi Chipari, chi Ne Ãarea P'ue Bɨ Tachi Ak'õre k'ĩrari mãɨnepa Oveja Chak'e k'ĩrari ẽpẽerãpa pia pedeadaipɨ ichi te atepe bɨde oopachida jĩra.

Apocalipsi 12:10

Mãɨne mɨa ũrisima aba chi pajãne jĩk'ua pedeamaa bɨt'a. Mãɨpa nãɨya jarasima: «Idi Tachi Ak'õrepa ichi ẽpẽerãt'a k'aripamaa bɨma. Idi ichi jua chaareadepa jõmãɨrã chipari baipɨ mãɨnepa ichidirã ichi juade baipɨ. Cristo ichia Tachi K'aripaparí teai jaradapa ãarea p'ueipɨ. Chi tachi ũpẽarã k'orea nemietá pedeaparit'a pajãnepa nãɨ ĩjũanea bat'a peesima. Ichia ãst'á mãɨnepa teamasi Tachi Ak'õre k'ĩrari tachi ũpẽarã k'orea nemietá pedeapachima.

Apocalipsi 8:5

Mãɨpuru chi Tachi Ak'õrepa ɨt'aripa peeda chi p'arat'u jitak'ari, ok'ĩtau chi incienso k'era paapataɨde jɨrɨp'ek'ari maapae chi p'arat'u ipirupisima. Chi ok'ĩtau ĩjũane bat'ak'oasima. Mãɨpa pa ɨbɨa baesima, pa minachia ɨrɨterrea wã nɨbeesima, pa wiwirá bae nɨbeesima mãɨnepa nãɨ ĩjũa ore nɨbeesima.

Apocalipsi 4:5

Ara mãɨya bɨde mãmãɨpa chi tachi Ak'õre suak'a beeparí auk'ará bɨ estarik'aɨpa pa wiwiraasima, mãɨ pa ɨɨrɨa nɨbeesima, mãɨnepa ɨbɨa minachia jĩk'ua bae nɨbeesima. Mãɨ chi suak'a beeparí naa laap'ara k'ak'o siete urua nɨbasima. Mãɨ Tachi Ak'õre naa chi siete p'anɨ jaorerã mãɨ laap'ararãpɨ.

Mateo 6:13

Tai nemietaade baepirãse mãɨnepa nemietaadepema k'aripase”. [Pɨa jõmãɨrã p'ue bɨpɨ, pɨ chi chaarea bɨpɨ ichiaba ewaricha chi minachia k'awa bɨpɨ.]

Apocalipsi 1:8

Tachi Chiparipa jarasima: «Mɨt'u chi Ne Ãarea P'ue Bɨ Tachi Ak'õrepɨ, chi Alp'apɨ mãɨnepa chi Omegapɨ. Mãɨpa jara bɨma mɨ chi Naapemapɨ mãɨnepa chi K'aadeapemapɨ. Mɨpɨ, naena basima, mãɨnepa chi chei bɨpɨ».

Apocalipsi 19:4

Mãɨne chi veinticuatro chõarã mãɨnepa ẽpẽra jĩra k'ĩmari chok'ae p'anɨ sĩraporode bari k'op'aneesidama Tachi Ak'õre k'ɨ̃rianai k'orea. Tachi Ak'õre ichi suak'a beeparí auk'ará bɨde suak'abari bɨde ãchia nãɨya pia pedeasidama: «¡Mãɨya beese! ¡Tachi Chiparia pia pedeadai p'anɨma!»