Apocalipsi 16:19 - Tachi Ak'õre Pedea

¹⁹ Chi p'uuru waibɨa bɨ bari k'ak'o ũpea ãarea t'odochoapisima. Mãɨnepa jõma nãɨ ĩjũanepema p'uuru baewãk'oasidama. Tachi Ak'õrepa Babilonia p'uuru waibɨa bɨdepema k'ɨ̃risiasima, mãɨ ɨtɨai k'orea. Ichi k'ĩruupidepa mãɨ p'uuru minachia ɨtɨasima uvaba minachia asia bɨ topi bɨ jĩra.

Apocalipsi 16:19 Referans Kwoze

Apocalipsi 18:5

Jãɨ p'uurudepemarãpa minachia nemietá oo p'anɨma. Mawara abaɨ ɨ̃rɨ p'ã nɨbɨ jĩra ãchi nemietá waa pajãne barisima. Jõma ãchia nemietá oodada Tachi Ak'õrepa k'ɨ̃risia atuawẽa bɨma.

Apocalipsi 18:10

Wap'ea p'ananaipɨ Tachi Ak'õrepa Babilonia p'uuru ɨtɨada jĩra ãchi sida ɨtɨaipɨ. Mãɨ k'orea t'ɨmɨɨpa ak'ɨ p'anɨne nãɨya jaradaipɨ: «¡Miachupuri, miachupuri Babilonia p'uuru minachia bɨ ne wawaria oo bada pẽra! Tachi Ak'õrepa jãɨ p'uuru isapea ɨtɨasima».

Apocalipsi 17:18

Chi pɨa ununa wẽra k'achia bɨ p'uuru waibɨa bɨ jara k'ɨ̃ria bɨma. Mãɨ p'uurudepema poro jũra jɨ̃parí jɨ̃ bɨpa chi waapẽarã tuachadepema poro jũra jɨ̃parí jɨ̃ p'anɨrã ichi juade uru bɨma».

Apocalipsi 18:21

Maapae Tachi Ak'õrepa ɨt'aripa peeda chi atepe bɨpa mawara waibɨa k'ũruma minachia bɨt'a atak'ari p'usadea jirat'aasima. Mãɨya oorude nãɨya jarasima: «Mãɨ mawara p'usadea jirat'aada jĩra Babilonia p'uuru minachia bɨ isapea ãarea jõipɨ. Mãɨ p'uuru waa ununaiwẽma.

Apocalipsi 18:2

Ichia nãɨya jĩk'ua jarasima: «¡Babilonia p'uuru minachia bɨ baesima! ¡Piarã ãarea baesima! Ẽpẽerã newẽma, maawẽapuru jaore mietaarã mãma p'anapatama. Jõma jaore mietá be mãma p'anapatama. Jõma ĩpana Tachi Ak'õre k'ĩrari mietá be mãma p'anapatama.

Apocalipsi 17:5

Ichi tau bɨɨrɨde t'ɨ̃ aba tachia ũrinak'apɨ́ bɨ uru basima. Nãɨya bɨ basima: «Mɨ Babilonia chi p'uuru minachia bɨpɨ. Mɨ wẽrarã k'achiarã naepɨ, mãɨnepa chi ãarea nãɨ ĩjũane Tachi Ak'õrepa k'ɨ̃riak'apɨ́ naepɨ».

Apocalipsi 11:8

Chi piudada chi Jerusalén p'uuru waibɨa bɨde bari beaipɨ. Mãɨ p'uuru «Sodomaane» wa «Egitoade» apatama, mãma ãchi Chipari Jesú k'urusude barijira bɨdada pẽra.

Apocalipsi 17:1

Chi Tachi Ak'õrepa ɨt'aripa peedaɨrãnepema aba bɨpa chi p'arat'u jãjoa be siete uru bada mɨmá chek'ari maapae nãɨya jarasima: «Wãnama. Mɨa unupiipɨ sãmaasã́ Tachi Ak'õrepa chi wẽra k'achia bɨt'a ɨtɨait'a. Mãɨ “wẽra chi to minachia berãk'á suak'abari baparipɨ”.